IBRANI 13:6 - Alkitab Singog In Mongondow Masa In Tanaa

⁶ Tuamai mobaranibí in kita moguman, “Ki Tuhan in mototuḷungku, tuamai akuoi in diá moondok. Onubí in motaau aidan in intau kon inakó?”

IBRANI 13:6 ပူးပေါင်းရင်းမြစ်များ

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

DATU MITA IMITÁNEA 17:8

Onda intua noguman in ki Tuhan kon i Elia,

MAZMUR 124:8

Totuḷung naton in namangoi nongkon i Tuhan inta nomaḻí kon ḷangit bo butá.

MAZMUR 146:3

Dikadon mongamang kon mongongawasa, kon intau inta diá mokoposaḷamat.

MAZMUR 27:9

dikabí mogadop kon inakó.” Dikabí tumorú bo doí motarima kon i mogogundoi-Mu, sin Ikobí in inta ain notuḷung kon inakó. Dikabí moḷumbú kon inakó andeka monaḷámai kon inakó, o Allah, mopoposaḷamatku.

MAZMUR 33:20

Dá kita in moharap kon i Tuhan, Siabí in mototuḷung bo mododuḷu kon inaton.

MAZMUR 40:17

Igumon mako in bayongan in intau inta nosumba kon ini-Mu moḷunganga bo mopia in gina, bo bayongan inta motabi kon kasaḷamatan nongkon ini-Mu umuran moguman, “Totuubí moḷantud in ki Tuhan!”

MAZMUR 54:4

Indongogaidon in oigumku, o Allah, indongogaipa kaasí in tosingogonku mita.

MAZMUR 56:4

Kon dodai in noondok in akuoi, akuoi in nongamang kon ini-Mu.

MAZMUR 63:7

Kon dodai in akuoi inumuḻid mako kon ḷantaan, kinotoropanku in Iko; kinoouput in doḷom akuoi monano-nanob kon ini-Mu,

MAZMUR 94:17

Aka kuma bo ki Tuhan in diá motuḷung kon inakó, yo gogióbí moibonu in akuoi kon dunia in intau minatoi.

IḶUAIAN 18:4

adí nogindua sinangoian ki Eleazer sin ki Musa noguman, “Ki Allah inta sinumba in mogoguyangku ain notuḷung bo noposaḷamat kon inakó nodapot in akuoi diá iḻimod i datu in Mesir”.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 41:14

Guman i Tuhan, “Dika moondok, Israel, umpaka in iko mointok bo moyangkó. Akuoibí in ki Tuhan inta motuḷung kon inimu, Inta Totok in mokudus, Allah in Israel in mopoposaḷamatmu.

MATIUS 10:28

Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

SURAT I PAULUS KON JAMAAT RUM 8:31

Onu in motaau naton singogon kon soaḷ mita tatua? Aka ki Allah bo noyotakin naton yo ki ine in mokoḷawang kon i naton?

EPESUS 3:12

Popisí in mopirisaya kon i Kristus bo lantaran notobatúdon takin-Nea, dá kita inogoiandon in daḷan dimiug kon i Allah takin totu-totuu mopirisaya.

ULANGAN 33:26

“Ei Israel! Diábí in ilah ná ki Allahmu; Sia in minayá kon ḷangit diá in poḻiuan bo nongin goḷom sin motuḷung kon i monimu.

ULANGAN 33:29

Kosanangdon in iko, ei Israel! Diábí in bangusa ná iko pinosaḷamat i Tuhan. Ki Tuhan in naonda bo pitow bo oḻingoi kon inimu; sin moduḷu kon inimu bo mobogoi in kauntungan kon inimu. Musungmu mita in mamangoibí mokikotabimai, bo iko in totokbí in moritak kon i monia.”

IBRANI 10:19

Yo uḻe utat mita, dugú i Yesus tua in nobogoidon in kabaranian kon i naton in tanaa tumuot kon Yuang Totok Motusi.

IBRANI 4:16

Tuamai, koḻigai in kita dika moondo-ondok in mayá kon tayowon i Allah inta nomarenta takin pia in gina. Motabibí in ki Allah kon i naton bo ogoian-Neabí in barakat, sahingga motarimabí in kita kon totuḷung-Nea aka kon wakutuneadon.

SAMUEL 1 23:17

Guman i Yonatan kon inia, “Dika moondok, iko in diábí kokawasaan i amáku. Kinotaauanneabí totok kon ikobí in mobaḻí datu in Israel bo akuoi in mokouḻíbí kon oaidan kon ḻimonaganmu.”