IBRANI 13:17 - Alkitab Singog In Mongondow Masa In Tanaa

¹⁷ Duduiaibí onu in pinarenta in itoi mita monimu bo kodu-kodudui doman kon i monia. Sin mosia in umuran monarukira mako kon kobiaganmu bo mustibí in mosia motanggung jawab kon i Allah. Aka moiko bo motoindudui kon i monia, dá mosanangbí in gina monia in mogaid, táe aka diá yo monakit in gina monia in mogaid, bo tua in diábí mobogoi in kauntungan kon i monimu.

IBRANI 13:17 ပူးပေါင်းရင်းမြစ်များ

KINOBAḺIAN 16:9

Malaekat tatua in noguman, “Buidon bayá kon inia bo pobantungdon kon inia.”

IḶUAIAN 32:31

Bo ki Musa in bui minayá kon tayowon i Tuhan bo noguman, “Bangusa tatua ain nogaid kon dosa moḷoben. Mosia ain nomia kon ilah ibanea nongkon buḷawan.

AMSAL 5:13

Akuoi in doíbí mokidongog kon mototundúku mita bo doíbí dumudui kon i monia.

YESAYA 62:6

Kon dinding in Yerusalem Akuoi monampat kon moḷoḷukad; singgai doḷom mosia in diábí motaau in tongá kibio-biómai, táe mustibí umuran moponorop kon i Allah kon dandi inta ain pinomia-Nea.

YEREMIA 13:17

Aka iko doí mokidongog, mongombaḷbí in akuoi umuni-uni. Takin monakit in gina ombaḷanku in ḷoḷatúmu tua. Ḷuáku in motutug sin umat i Tuhan in dinia nobaḻí intau dinakop.

YEHEZKIEL 33:2

“Ei intau ilo-ilow, pogumandon kon bangusamu kon aka Akuoi in mopoangoidon in parang kon ḻipú tobatú, naa in inta mobaḻí. Intau mita inta nogutun kon butá tatua in momiḻíbí kon intau tobatú kon sigad monia mobaḻí moḷoḷukad.

LUKAS 16:2

Dá inoiníneadon in bendaharanea tatua bo pinoḻiboan nanaa, ‘Degá totuu in bayongan inta ain dinongogku soaḷ oaidmu? Aka totuu kon natua, yo tanaa mako posarakaidon modait kon inakó in lapuran in bayongan oaidanmu, sin pogogaionkudon in iko.’

OUMAN IN RASUL MITA 20:28

Manangka intua yo mokopopiadon in moiko bo umuran moḷukad kon awak monimu bo poḷat doman ḷukadai in bayongan umat i Allah inta ain pinosarakan i Allah kon i monimu sinbá ḷukadan. Sin moiko nion ain sinantú in Roho i Allah mobaḻí moḷoḷukad bo mononompia kon umat i Allah inta ain sinobut-Nea in dugú i Adí-Nea tontaní.

SURAT I PAULUS KON JAMAAT RUM 14:12

Dá kitabí tontaní in motanggung jawab kon bayongan oaid naton kon i Allah.

KORINTUS 1 16:16

Manangka intua duduiaibí in intau natua takin intau mita ibanea inta nogaid bo nobantung noyotakin monia tua.

EPESUS 5:21

Sin mohoromat kon i Kristus, dá moiko mustibí mosiduduian.

PILIPI 1:4

Bo pomuḷoi doman mako sambayanganku in moiko komintan takin sanang in gina.

PILIPI 2:12

Utat mita inta kotabiku, moiko umuranbí kodu-kodudui kon inakó wakutu in akuoi koyota-yotakinpa monimu, tuamai poigumonku kon i monimu, umpaka in kita nogiyayúandon táe umuranbí ramuji aidai onu inta kinoibog i Allah. Sin moiko aindon pinosaḷamat i Allah, tuamai umuran ramuji sinbá iko in mobiag mosompurna. Mokopoendar in mogaid kon tua komintan podudui kon inta kinoibog i Allah.

PILIPI 2:29

Dá tarimadon in sia takin pia in gina saḷaku utat inta tumpaḷa mopirisaya kon i Tuhan, donaaibí diá pandungonmai intau inta ná sia tua.

PILIPI 3:18

Akuoi in umurandon noguman kon i monimu, táe tanaa in takindon ombaḷ akuoi in moguman kon nobayongdon in intau inta kobobiagnea momoguyaat kon mangaḻe in kinopatoian i Kristus kon kayu pinoyotaḻempang.

PILIPI 4:1

Tuamai, Utatku mita inta kinotabiku, kobiagbí in moiko takin totu-totuu mopirisaya kon i Tuhan. Totok in akuoi mokotanob kon i monimu! Moiko nion inta totok mokoḷunganga kon ginaku.

TESALONIKA 2 3:14

Bo aka oyúon in intau inta doí mokidongog kon onu in pinoguman nami kon bonu in surat tanaa, yo mokopoingat kon intau natua bo donaai moyobayat takin intau tatua sinbá mooyá in sia.

TIMOTIUS 1 5:17

Itoi mita in jamaat inta nopobayá in oaidannea notompia, patusbí in sia ogoian in ponghargaan kodua noguntuḷ in kopianea. Torutama mosia inta morajing totok in motundú bo mopoyaput in Habar Mopia.

IBRANI 13:24

Poyaputpa in salamku kon bayongan in itoi monimu bo bayongan in intau inta mopirisaya kon i Allah. Bo tarima domandon in salam nongkon i utat mita naton kon butá in Italia.

IBRANI 13:7

Dikabí koḻiongan monimu in itoi mita monimu inta mopoyaput in koyow i Allah kon i monimu. Tarukirabí naonda in kobobiag monia bo naonda in kopopatoi monia, bo duduiai in kopopirisaya monia.

YAKOBUS 4:7

Tuamai, kotoinduduidon kon i Allah bo ḷawangdon in Ibilis, dá moḷaguidon in Ibilis nongkon i monimu.

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”

SAMUEL 1 8:19

Táe bangusa tatua in doíbí mokidongogmai kon tosingogon i Samuel tua, nodapotdon in mosia noguman, “Biódon mako! Kami naa in moibog bidon in datu tobatú.