IBRANI 12:28 - Alkitab Singog In Mongondow Masa In Tanaa

²⁸ Tuamai, kita in musti umuran mopoyaput in sukur kon i Allah, sin kita in motarima kon tobatú dodatuan inta diá modandú nongkon i-Nia. Kita in musti mopoyaput in sukur bo moibada kon i Allah takin mohoromat bo moondok, podudui in onu inta kinoibog-Nea tontaní.

IBRANI 12:28 ပူးပေါင်းရင်းမြစ်များ

MAZMUR 19:14

Poyayúdon in akuoi nongkon dosa inta sinontuon inaidan, donaai pomayá mako in akuoi kawasaannea. Dá mobaḻídon in akuoi diá in bogit, bo moiḷuatdon nongkon aid moitaḷá inta mobogat.

MAZMUR 2:11

Pogundoidon kon i Tuhan takin mopirisaya,

MAZMUR 89:7

Kon ḷangit diábí in ná Iko, o Tuhan, diábí in mahaḷuk in soroga in mokotongkai kon ini-Mu.

AMSAL 28:24

Ki ine in monakow nongkon guyanganea bo kainia intua in deemanbí dosa, yo notongkaibí in mononakow mita ibanea.

YESAYA 56:7

“Moiko in diaan-Kubí mayá in Sion, mayá in tombuḷud-Ku inta motusi, bo ogoian-Ku in ḷunganga in gina kon Baḷoi pooibadaan-Ku. Kuruban mita inta pinosumba monimu kon mezbah-Ku in tarimaan-Kubí. Baḷoi-Ku in tangoionbí baḷoi pososambayangan in bayongan bangusa.”

YESAYA 9:7

Ki Tuhan ain nopoḷabú in hukuman kon dodatuan in Israel.

DANIEL 2:44

Kon sempo in pomarentaan in datu mita tatua, ki Allah kon soroga in moposindog in dodatuan tobatú inta umuran moisindog modapot in mononoi bo inta diábí kotaḷowan in bangusa taondaka. Dodatuan tatua in morimumud bo mopoyobauk in bayongan dodatuan ibanea tatua.

DANIEL 7:14

Sia in inogoian in kahoromatan bo kawasa saḷaku datu, dá bayongan in intau nongkon bayongan in bangusa, inanakan bo singog in nogundoi kon i-Nia. Kawasa-Nea in modapot in mononoi, pomarentaan-Nea in diábí poḷabúon.

DANIEL 7:27

Kawasa bo koḷoḷoben in bayongan in dodatuan kon dunia in ogoi kon umat i Allah Inta Totok in moḷantud. Kawasa monia momarenta in diábí in imbuitnea bo bayongan in mongongawasa kon dunia naa in mobantungbí kon i monia takin toindudui.”

IMAMAT 10:3

Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

MATIUS 25:34

Bo Datu tatua in moguman kon i monia inta kon dotá in koḷanan-Nea, ‘Igai, in moiko inta binarakatan i Amá-Ku, tuotdon kon dodatuan inta aindon sinadia kon i monimu kon wakutupa in dunia naa bagupa binaḻí.

LUKAS 1:33

Bo sia in mobaḻí doman Datu kon yua-yuak in intau mita inta buí i Yakub modapot in kopaḷutan in dunia. Dodatuan-Nea in mononoi.”

SURAT I PAULUS KON JAMAAT RUM 11:20

Totuubí intua. Táe mosia in iḷumbú sin diá mopirisaya, bo Moiko in sinarima sin mopirisaya. Dá tuamai in dikabí dumodia in Moiko sin sinarimadon; Moiko in mustibí motoguondok.

EPESUS 1:6

Dinayo-dayowdon in ki Allah inta mokawasa, sin tabi-Nea inta totok in moḷoben kon i naton pinoniata-Neadon pinongin i Adí-Nea.

EPESUS 5:10

Poramujidon monotaau kon onu inta mokosanang kon gina i Allah.

PILIPI 4:18

Bayongan inta paraḷuonku inogoidon monimu kon inakó, sedang bo noiḻiudon kon tugat! Bayongan inta inogoi monimu inta pinoki dia kon i Epaproditus aindon sinarimaku. Dá tanaa mako komintandon oyúon in onu inta paraḷuku. Bayongan inta inogoi monimu kon inakó tua naonda bo kobondu in kuruban inta pinosumba kon i Allah bo inta sinarima domandon i Allah takin pia in gina.

IBRANI 10:19

Yo uḻe utat mita, dugú i Yesus tua in nobogoidon in kabaranian kon i naton in tanaa tumuot kon Yuang Totok Motusi.

IBRANI 13:15

Tuamai potonsigad naton kon i Yesus, kita in musti umuran modayow kon i Allah; tua in nobaḻí kuruban sukur naton kon i-Nia, inta pinosumba naton pinongin singog in bibig sin mopomulia kon tangoi-Nea.

IBRANI 13:21

Poigum mako, ki Allah inta nobaḻí pangkoi in kobiagan motompia, umuran mobogoi in bayongan inta mopia inta paraḷu pakéon monimu mogaid kon onu inta koibog i Allah. Bo poigumon doman mako takin totuḷung i Yesus Kristus, popoaidon i Allah kon i naton in onu inta kinoibog-Nea. Tantúbí dayow in ki Kristus dapot in kopaḷutannea! Amin.

IBRANI 3:6

Táe ki Kristus in mosatiabí saḷaku Adí inta motanggung jawab kon Baḷoi Allah. Bo kitabí naa in Baḷoi Allah aka umuran moḷoben in ibog naton kumadai bo moyakin in mokouḻí kon onu inta harapon mako naton.

IBRANI 4:16

Tuamai, koḻigai in kita dika moondo-ondok in mayá kon tayowon i Allah inta nomarenta takin pia in gina. Motabibí in ki Allah kon i naton bo ogoian-Neabí in barakat, sahingga motarimabí in kita kon totuḷung-Nea aka kon wakutuneadon.

IBRANI 5:7

Kon wakutu in ki Yesus nobiagpa kon dunia naa, Sia in nosambayang bo nopoigum takin koamu-amui bo koomba-ombaḷ kon i Allah inta mokosanggup moposaḷamat kon i-Nia nongkon roriga in popatoi. Bo lantaran Sia umuran dinumudui kon onu in kinoibog i Allah, dá inindongogan i Allah in pinoigum-Nea tua.

PETRUS 1 1:17

Ki Allah tangoion monimu ki Amá wakutu in moiko mosambayang. Bá kotaauan monimu kon ki Allahbí tatua in mohakim kon intau podudui in oaid monia tontaní bo diábí poyoposion-Nea in intau. Tuamai wakutu in moiko kon duniapa naa koondokbí kon i Allah aka mobiag.

PETRUS 1 2:20

Sin onubí in istimewanea aka moiko in motarima kon hukuman inta patus tarimaan monimu popisí in moiko nogaid kon inta noitaḷá? Táe aka moiko bo nogaid kon inta mopia táe sinambok doman, yo barakatanbí i Allah in moiko.

PETRUS 1 2:5

Moiko nion in batu mita inta nobiag. Tuamai moiko in musti moibog pakéon pobaḷoi kon baḷoi i Allah inta kon soroga. Takin natua moiko in mobaḻí imang mita inta nobiag tongádon kon i Allah, bo inta pinongin i Yesus Kristus noposumba kon i Allah in kuruban inta mokosanang kon gina-Nea.

WAHYU 1:6

bo baḻíon-Nea tobatú bangusa in imang mita in kita, inta mogaid kon oaidan i Allah, ki Amá-Nea. Ki Yesus Kristus tuata inta momulia bo inta mongawasa modapot in kopaḷutannea. Amin!

WAHYU 15:4

Ki inebí in diá moondok kon ini-Mu, Tuhan? Ki inebí in doí mopotaau in kamuliaan-Mu? Tongábí Iko i motusi. Bayongan in bangusa mamangoibí mosumba kon ini-Mu sin aid-Mu mita inta moadil ain inontong in bayongan intau.”

WAHYU 5:10

Binaḻí-Mudon in mosia tobatú dodatuan inta nobaḻí imang mita, sinbá mosia in mogaid kon oaidan i Allah naton, bo momarenta kon dunia naa.”