IBRANI 12:19 - Alkitab Singog In Mongondow Masa In Tanaa

¹⁹ Mosia in sinumayow kon singog in terompet, bo singog inta totok mokobongom-bongoḷ. Bo naonda in intau mita Israel nokodongog kon singog tatua, nopoigum totok in mosia sinbá singog tatua diádon mosingog kon i monia.

IBRANI 12:19 ပူးပေါင်းရင်းမြစ်များ

IḶUAIAN 20:22

Ki Tuhan nomarenta kon i Musa moguman kon bangusa Israel, “Moiko ain nokoontong kon naonda in Akuoi, ki Tuhan, nosingog kon i monimu nongkon ḷangit.

MATIUS 24:31

Bo Sia in mopotabá kon malaekat-Nea mita ḷumuai, bo mogirup kon bansí inta mopia totok in singognea sin mosia mosipun kon intau mita inta aindon piniḻí-Nea nongkon popod mita in dunia, bo nongkon popod in ḷangit tobotak modapot popod in ḷangit tobotak doman.”

KORINTUS 1 15:52

Soaḷ mita tatua in daḻi-daḻíbí mobaḻí, tongábí tokokiap monag kon wakutu in torompet irupondon kon pangabisan totok. Sin kon dodai in kodongogandon singog in torompet tatua, yo intau mita minatoi in tokobiagondon bui bo popopakéandon in awak inta mononoi, bo kita komintan in toko baḷuian.

ULANGAN 18:16

Kon singgai moiko noyosipun kon Buḷud in Sinai, moiko mopoigum sinbá moiko dikadon mokodongog kon i Tuhan Allahmu mosingog bo diádon mokoontong kon koangoian-Nea kon bonu in tuḷú inta kodoko-dokot, sin moiko moondok in matoi.

ULANGAN 4:11

Oumandon kon i adímu mita naonda in oangoi monimu bo sinimindog kon pangkoi in buḷud inta kinokoḷoban in poyok morondí bo goḷom mobunod bo tuḷúnea nodokot nodapot in ḷangit.

ULANGAN 4:12

Onda intua ki Tuhan nosingog kon inimu nongkon bonu in tuḷú bo dinongog monimu in singog-Nea, táe diábí inontong monimu mongo naonda in batangan-Nea.

ULANGAN 4:33

Kon dodaidon in onda oyúon in bangusa tobatú inta umuran nobiag naonda in nokodongog kon ilah tobatú nosingog kon i monia nongkon tuḷú, ná inta kinoyitakan monimu?

TESALONIKA 1 4:16

Bambí itoi in malaekat mobaḷu bo torompet i Allah in irupondon saḷaku toḻibag, bain tua bo mamangoi in ki Tuhan Yesus nongkon soroga. Bo intau mita inta mopirisaya kon i-Nia inta ain minatoi in biagondon muna.

IBRANI 12:25

Manangka intua mokopoingat, sin dikabo moiko in doídon mokidongog kon i-Nia inta nosingog tatua. Mosia inta doí mokidongog kon i-Nia inta namangoi in dunia naa bo inta nopoyaput in koyow nongkon i Allah, diábí mokoḷagui. Apa doman kita naa inta nokodongog kon i-Nia inta nosingog nongkon soroga! Aka kita bo doí mokidongog kon i-Nia, yo diábí mokoḷagui in kita!