IBRANI 12:18 - Alkitab Singog In Mongondow Masa In Tanaa

¹⁸ Utat mita, moiko in diábí mamangoi tumayow kon ná inta sinayowan in intau Israel koḻipod. Mosia in moyogintayow onu inta koḻiaian, ná umpamanea buḷud Sinai bo tuḷúnea inta kodoko-dokot; mosia noyogintayow in sindip, bo kaadaan inta diá totok in motarang bo tompot moropot.

IBRANI 12:18 ပူးပေါင်းရင်းမြစ်များ

IḶUAIAN 20:18

Naonda in intau mita nokodongog kon gotup bo singog in torompet, bo nokoontong kon kilat bo buḷud inta nopuḻing poyok, mosia urot mako sin moondok bo sinimindogdon iyumayú.

SURAT I PAULUS KON JAMAAT RUM 6:14

Dosa in diá bidon mongawasa kon i monimu, sin moiko in diádon nobiag kon bonu in kawasa in hukum agama in Yahudi, táe kon bonu bidon kawasa in totabi Allah.

SURAT I PAULUS KON JAMAAT RUM 8:15

Sin Roho, inta inogoi i Allah kon i monimu, diábí mopobaḻí kon i monimu ata, sahingga moiko in mobiagdon kon bonu in porasaan moondok. Táe Roho i Allah in mopobaḻíbí kon i monimu ki adí mita i Allah. Bo takin kawasa in Roho tatua kita komintan in monangoi kon i Allah, “Amá, o Amáku!”

KORINTUS 2 3:7

Kon wakutu in dodandian inta modia kon popatoi tua inaidan bo pinais sinompiamai kon tudu in batu pomomaisan, sindar i Allah nonimbayag totok motarang kon pogot i Musa. Sindarnea tatua in mokotuḷow totok, sahingga intau mita in Israel diádon mokosanggup moindoi kon pogot i Musa tatua, umpaka wakutu intua sindar kon pogotnea tua mulaidon mokudow. Dá aka pinogaidan kon dodandian inta mokopatoi tatua bo sinimbayagan námai tua,

KORINTUS 2 3:9

Sin aka dodandian inta mobogoi in hukuman kon intau bo totok in mobayag, yo tantú moiḻiubí totok kon tua in bayag mopia kon dodandian inta monompia bui kon hubungan in intau bo i Allah.

ULANGAN 4:11

Oumandon kon i adímu mita naonda in oangoi monimu bo sinimindog kon pangkoi in buḷud inta kinokoḷoban in poyok morondí bo goḷom mobunod bo tuḷúnea nodokot nodapot in ḷangit.

ULANGAN 5:5

Táe popisí in moiko moondok kon tuḷú bo diá mokobaḻí in motakod kon buḷud, dá akuoi in dodai in tua in sinimindog kon sigad monimu bo i Tuhan sin mopotaau in tosingogon i Tuhan kon inimu. Ki Tuhan nopotaau,

TIMOTIUS 2 1:7

Sin Roho inta inogoi i Allah kon i naton in deemanbí bá moondok in kita, táe Rohobí inta mobogoi in ropot bo mopuḻing in tabi bo mokotahang kon gina in kita.