IBRANI 12:17 - Alkitab Singog In Mongondow Masa In Tanaa

¹⁷ Sinbá kotaauan monimu, naonda in ki Esau moibog mokouḻí kon barakat nongkon i amánea, sia sinolak. Sin umpakabí takin ombaḷ sia motayak kon daḷan mopoyotutui kon onu inta noitaḷá, táe diá bidon in kasampatannea.

IBRANI 12:17 ပူးပေါင်းရင်းမြစ်များ

YEREMIA 6:30

Mosia in tangoianbí saḷaka iḷumbú, sin Akuoi, ki Tuhan, ain noḷumbú kon i monia.”

MATIUS 7:23

Kon dodai intua, Akuoi in moguman taran-tarangan kon i monia, ‘Diábí kinotaauan-Ku in moiko! Bayádon pokoyayú kon i-Nakó, sin moiko komintan in intau inta nogaid kon inta moraat!’ ”

IBRANI 6:8

Táe aka tongá kobiagan in padang bo bayongan in díat, dá diá in baraguna in butá tatua sahingga kutukon i Allah bo pangabisannea pokakon modait.

PETRUS 1 3:9

Inta moraat donaaibí tuḻían onu inta moraat, ande aka sibáan yo donaaibí monuḻí monibá. Táe poigumbí sinbá barakatan i Allah in intau mita inta nomia natua kon i monimu. Sin ki Allah in nogoiní kon i monimu, sinbá motarima in moiko kon barakat-Nea.