IBRANI 12:14 - Alkitab Singog In Mongondow Masa In Tanaa

¹⁴ Poramuji umuran mobiag motompia takin bayongan intau. Poramuji doman mobiag mokudus takin i Tuhan. Sin diábí in tobatúmai intau mokoontong kon i Tuhan aka diá mobiag natua.

IBRANI 12:14 ပူးပေါင်းရင်းမြစ်များ

KINOBAḺIAN 32:30

Onda intua ki Yakub noguman, “Akuoi ain noyodungkuḷ noyopogotmai i Allah, bo akuoi nobiagpa.” Tuamai tampat tatua sinangoiannea Pniel.

AYUB 19:26

Umpaka kuḻitku pinaḻi-paḻían bo nobotak, táe kon dodai in akuoi oyúonpa in awakku, indoiankubí in ki Allah.

AYUB 33:26

Aka mosambayang in sia, ki Allah in motabibí kon inia, dá sia in modayow kon i Allah takin ḷunganga in gina bo tompiaandon bui i Allah in kobobiagnea.

MAZMUR 120:6

Noonggotdon in akuoi in nogutun noyotakin in intau mita inta doí in dodamean.

MAZMUR 133:1

Dondong i Daud mayá in Baḷoi Tuhan. Totuu mopia bo mosanang, aka umat i Allah mobiag mototabian!

MAZMUR 34:14

Dika mosingog kon inta mongoraat, bo dika moibog kon tompobaḻik.

MAZMUR 38:20

Intau mita inta nosaturu kon inakó in nobayong bo moropot, mosia in doí kon kobobiagku.

MAZMUR 94:15

Dá hukum in posindogonbí bui kon ponisigan, bayongan in intau motuḻid in moibogbí in natua.

AMSAL 15:1

Singog inta moḷukó, mokopiong kon torú; tubag inta mopatú mokotagab kon torú.

AMSAL 16:7

Aka iko mokosanang kon gina i Tuhan, musungmu mita in baḻíon-Neabí yobayat.

AMSAL 17:14

Momangkoi kon rogenggeng in naonda bo mobuká kon daḷan in tubig; tuamai in undokdon wakutu in diápa momangkoi in rogenggeng.

YESAYA 51:1

Ki Tuhan in noguman: “Indongogaidon in Akuoi, ei moiko inta moibog posaḷamaton bo angoi kon i-Nakó mopoigum in totuḷung. Toropdon in buḷud batu nongkon onda in moiko noikurig, bo pongongaḻian kon batu nongkon onda in moiko in kinaḻi.

MARKUS 9:50

Simuton tua in mopiabí, táe aka moḷiaudon yo onu i motaau pogibung monimu bui kon tua? Dá tuamai kobaḻíbí in moiko ná simuton bo kobiagbí moyotakin, takin popiaan bo totabian.”

LUKAS 1:75

Kita in umuran mogaid kon onu in kinoibog bo inta kinosanang in gina-Nea kon wakutu in mobiagpa.

SURAT I PAULUS KON JAMAAT RUM 12:18

Moiko musti moramuji mobiag mopopiaan takin bayongan in intau.

SURAT I PAULUS KON JAMAAT RUM 14:19

Tuamai koḻigai bá tayakon naton onu inta mokopoangoi kon dodamean bo mosibiagan.

SURAT I PAULUS KON JAMAAT RUM 6:22

Táe tanaa in moiko ain pinilatan nongkon kawasa in dosa bo nobaḻídon mogogaid mita kon oaidan i Allah. Kauntungannea kon tua moiko in nobiagdon umuran kon i Allah, bo bungainea kon tua in mokouḻí in moiko kon kobiagan inta mopia bo mononoi.

KORINTUS 1 1:10

Utatku mita! Podoyon kon tangoi i Tuhan naton ki Yesus Kristus, poigumonku sinbá moiko umuran mosiduduian bo mokokidongogan; donaai umuran mobobayowan. Tantúbí kotobatúon in gina bo raian.

KORINTUS 1 13:12

Sin onu in inontong naton tanaa, ná bí onda bo oḻinow kon posilag inta diá totok motarang. Táe kon singgai moiduduimai ontongonbí naton motarang. Tanaa akuoi in diápa nonotaau kon rupa-rupa, táe kon singgai moiduduimai kotaauankubí, ná ki Allah nonotaau kon bayongan in yagi-yagi kon inakó.

KORINTUS 2 6:17

Manangka intua, taḷaaidon in intau mita inta diá nonotaau kon i Allah, bo pokopoyayúdon in moiko kon i monia. Donaaidon moibog moḻiai kon onu inta diá mopia, aka natua in moiko, yo tarimaan-Kubí.

KORINTUS 2 7:1

Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

GALATIA 3:21

Aka natua yo noyoposi degá in hukum i Musa bo dandi i Allah? Tantú diábí! Sin aka kuma hukum i Musa mobogoi in kobiagan kon intau, dá intau in motaaubí moyodame i Allah bo inta dumodudui kon hukum i Musa tatua.

EPESUS 5:5

Torop in singogku tanaa: intau inta mokotor in oaidnea, andeka inta mogaid kon inta diá patus aidan, andeka ibog inta moiḻiu (aid natua notongkaibí in aid mosumba kon berhala ibanea), dá intau mita natua in diábí baḻíon umat inta pinarentaan i Kristus bo i Allah.

PILIPI 3:12

Akuoi in diábí moguman kon nosompurnadon in akuoi. Táe umuranbí batukonku in tombuinag inta sinadia i Yesus Kristus. Sin tuabí in mangaḻe pinodomokan-Nea kon inakó bo binaḻí-Neadon in akuoi kapunyaan-Nea.

TESALONIKA 1 3:13

Aka natua yo irigonan i Tuhan in gina monimu, sahingga in modaritdon totok in kobobiag monimu bo diá bidon in inta diá mopia in aidan monimu kon tayowon i Allah, ki Amá naton, kon wakutu in ki Tuhan naton ki Yesus mamangoi bui moyotakin in bayongan intau inta ain nobaḻí umat-Nea.

TESALONIKA 1 4:7

Inoiní i Allah in kita, deemanbí mogaid kon inta moraat, táe mogaidbí kon onu inta mokosanang kon gina-Nea.

TESALONIKA 1 5:15

Ḷukadai sinbá diá in mosituḻían intau kon soaḷ mita inta moraat. Umuran poramuji in mogaid kon inta mopia kon intau mita.

TIMOTIUS 1 6:11

Táe iko inta ain piniḻí i Allah, mokopoyayúdon kon tua komintan. Tayakdon in onu inta mopia kon tayowon i Tuhan, aidai in onu inta moitutui, posambayang bo mokopotantú kon pirisaya kon i Kristus, kotabibí in tumpaḷa intau, mobalajar mosabar bo aidai in onu inta mokosanang kon gina in intau.

TIMOTIUS 2 2:22

Tuamai in dika ná ibogpa in tayowmobiag mita, inta moibo-ibog in diá mopia, táe poramuji mobiag podudui kon inta kinoibog i Allah. Mokopotoindudui kon onu in sinundú i Tuhan, bo motabi kon tumpaḷa intau bo gina in umuran mosanang. Kobiagbí natua takin mosia inta umuran mokuani mokituḷung kon i Tuhan takin gina motuḻid.

IBRANI 12:10

Aka guyanga naton kon dunia naa in motundú yo noterbatasbí sin tongábí onu inta inanggap monia mopira. Táe aka ki Allah in motundú yo tua in kopiaanbí naton tontaní. Sinbá kita in mokouḻí doman kon silai inta mopia nongkon i-Nia.

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

PETRUS 1 3:11

Sia musti mokopoyayú kon inta moraat bo mogaid kon inta mopia; sia in musti totu-totuu moramuji sinbá mokouḻí kon dodamean.

PETRUS 1 3:13

Ki inebí i moibog mopoaid in moraat kon inimu, aka mosanangbí in gina monimu mogaid kon inta mopia?

PETRUS 2 3:11

Lantaran bayongan intua bo daiton rimumudon takin cara natua, dá moiko in musti mobiag mokopotoḷutui? Bo tongá doman mobantung kon i Allah,

PETRUS 2 3:18

Umurandon kobiag in moiko kon bonu in totabi i Tuhan Yesus Kristus, Tuhan bo Mopoposaḷamat naton. Poramuji totok sinbá moiko modugangdon monotaau kon soaḷ Sia. Dinayo-dayowdon in ki Allah nongkon tanaa mako modapot in kopaḷutannea! Amin. Horomat nami, Ki Petrus

YOHANES 3 1:11

Utat inta kinotabiku, donaai dumudui kon oaid mita inta diá mopia. Duduiaidon in onu inta mopia. Intau inta mogaid kon mopia in kapunyaanbí i Allah. Bo intau inta mogaid kon inta moraat diápabí nonotaau kon i Allah.

HAKIM MITA 11:14

Bo ki Yepta in bui nopotabá kon intau mita minayá kon i datu in Amon