IBRANI 11:37 - Alkitab Singog In Mongondow Masa In Tanaa

³⁷ Mosia in inandur in batu nodapot in minatoi, oyúon doman in ginaragaji, bo oyúon doman iratá in pitow. Maya-mayá mako in mosia bo mopogiḷambung in ḷambung inta pinomia nongkon kuḻit in domba andeka kuḻit in bembé; mosia in nobiag nobogá, pinogutú bo iroriga mangoi.

IBRANI 11:37 ပူးပေါင်းရင်းမြစ်များ

SAMUEL 2 12:31

Koḻikud intua intau mita inta nogutun kon tua dinia, bo pinoki diaan in garagaji, pasoḷ uatoi, bo boḻiung uatoi bo mosia in pinoki aidan kon tampat pogogaidan kon tela. Soaḷ tatua pinomianea doman kon intau mita inta nogutun kon kotá mita in Amon ibanea. Nopaḷut mako kon tua ki Daud takin tontaranea mita nobuidon kon Yerusalem.

DATU MITA IMITÁNEA 18:13

Degá diápa kinodongogan i Amá kon tungkuḷ in ki Izebel noḻimod kon nabi mita i Tuhan, yo 100 nongkon i monia in binuniku kon bonu in angob – 50 in intau in kon bonu in angob tobatú – bo nobogoi in kaanon bo inumon?

DATU MITA IMITÁNEA 18:4

Kon dodai in ki Izebel noḻimod kon nabi mita i Tuhan, ki Obaja naa in notuḷung kon mogatut in nabi takin nobuni kon i monia kon bonu in angob – 50 in intau in kon angob tobatú – bo mobogo-bogoi in kaanon kon i monia.)

DATU MITA IMITÁNEA 19:1

Ki Datu Ahab nongonguman kon i Izebel ki buḷoinea, in bayongan inta inaidan i Elia, bo inoumannea doman in naonda in pinoḷoḻimod i Elia kon bayongan in nabi Baal.

DATU MITA IMITÁNEA 19:10

Ki Elia notubag, “O Tuhan, Allah Inta Totok in mokawasa, akuoi in umuran mogaid tongábí kon ini-Mu. Táe umat in Israel in iḻimimpat kon dodandian monia takin-Mu. Mosia in nongokai kon mezbah-Mu mita bo noḻimod kon nabi-Mu mita. Dongkadon akuoi in naa, bo tanaa in tayakondon monia ḻimodon in akuoi!”

DATU MITA IMITÁNEA 19:13

Naonda in kinodongogan i Elia in singog tatua, inoḻingoiannea in jubah in pogotnea, bo iḻumuai bo sinimindog kon bibig in angob tatua. Dá kinodongogandon in tosingogon noguman, “Elia, onu in aidanmu kon naa?”

DATU MITA IMITÁNEA 19:14

Ki Elia in notubag, “Oo Tuhan, Allah Inta Totok in mokawasa, akuoi naa in umuran mogaid tongá kon ini-Mu. Táe umat in Israel in iḻimimpatdon kon dodandian monia takin-mu. Mosia in nongokaidon kon mezbah-Mu mita bo noḻimod kon nabi-Mu mita. Dongkadon akuoi in naa, bo tanaa in tayakon monia ḻimodon in akuoi!”

DATU MITA IMITÁNEA 19:19

Dá nobuatdon in ki Elia bo minayá kon i Elisa inta momajekomai. Mopuḷú bodoyowá nogapang in sapi kon munanea bo ki Elisa tontaní in nomajeko takin sapi togapang inta kon tumi totok. Naonda in ki Elia noitaḻib kon diug i Elisa, ki Elia noḷongkut kon jubahnea bo pinopotoḷompoi kon obaga i Elisa.

DATU MITA IMITÁNEA 21:10

Potabádon in intau moraat doyowa ḻimitú tumayow kon inia bo ponapud kon sia in nogodi-godimaidon kon i Allah bo kon i datu. Bodongka diá in sia poḷuai in kotá, bo andur in batu dapot in matoi!”

DATU MITA 2 1:8

“Jubah bo bogot in ogotannea in pinomia nongkon kuḻit,” tubag monia. “O, ki Elia intua!” guman i datu.

DATU MITA 2 2:13

bo nopuyut kon jubah i Elia inta noḷabú. Nopaḷut mako kon tua nobui in sia bo sinimindog kon bingkí in Ongkag in Yordan,

DATU MITA 2 2:8

Noḷongkut in ki Elia kon jubahnea, iḻitodnea bo pinomobaknea kon tubig in ongkag tatua. Dá nosilaidon doyowa in tubig in ongkag tatua, dá notaaudon in taya dua i Elisa minaya-mayá kon gantog inta noingkag.

TAWARIKH 1 20:3

Onda intua ki Daud nodia kon intau mita inta nogutun kon kotá in Raba tatua bo nomakisa kon i monia nogaid nopomaké in garagaji, pasoḷ bo boḻiung. Tua in inaidannea doman kon kotá mita in Amon ibanea. Nopaḷut mako kon tua ki Daud bo bayongan in tontaranea nobui kon Yerusalem.

TAWARIKH 2 24:21

Táe rayat in noyopopogdon momayow kon i Zakharia, bo ki Datu Yoas in dinumudui kon pinoyopopogan tatua. Diá bidon kinotoropannea in onu inta inaidan bo kotoindudui i Yoyada, ki amá i Zakharia. Pinodoyon kon parenta i datu, ki Zakharia in inandur in batu nodapot in minatoi kon bosí in Baḷoi Tuhan. Kon dodai in matoidon, ki Zakharia in nomaḷú, “Igumon mako indoian i Tuhan in aidmu tanaa bo motuḻí.”

YEREMIA 2:30

Diábí in mangaḻenea in pohukuman-Ku kon i monimu sin moiko in doíbí motarima kon toboḷow. Ná singa inta koyogot in tumorú, natuata in moiko moḻimod kon nabimu mita.

YEREMIA 26:23

Bo dinia monia in sia nobui minayá kon i Datu Yoyakim. Onda intua pinoki ḻimod in datu in sia, bo mayatnea in iḷumbú kon poḷoḷobongan kon bayongan in intau.

ZAKHARIA 13:4

Kon singgai tatua, nabi mita in angoianbí in oyá in mogaid naonda bo nabi. Mosia in diá bidon mogiḷambung in nabi sin monguboḷ bo dumodia kon oontongon monia.

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

MATIUS 21:35

Táe mototomoyó mita kon gobá tatua nodomok kon bobantung mita inta pinotabá i togi gobá. Tobatú in binongkug monia, bo tobatú doman iḻimod monia, yo ibanea mako in sinoko-arab in batu.

MATIUS 3:4

Ki Yohanes nogiḷambung jubah nongkon bubuḷ in unta. Baannea in nongkon kuḻit, kaanonnea in pangkoḷá bo dilú in kayuon.

MATIUS 8:20

Ki Yesus in noguman kon inia: “Serigala oyúon in bubúnea, bo ḷagapan oyúon in pugadnea, táe ki Adí Intau diá in tampat posiugan-Nea.”

LUKAS 13:34

Yerusalem, Yerusalem! Nabi mita sinokoḻimodmu! Totabá mita i Allah sinokoarab monimu in batu nodapot in minatoi! Aindon kotongonu degá Akuoi in moibog mosipun kon intau mita inta kon kotámu, naonda bo ki iná in manuk mogoob kon i adínea mita, táe moiko in doíbí!

OUMAN IN RASUL MITA 14:19

Tongá dodai intua namangoidon in intau mita Yahudi kon Listra. Mosia nongkon Antiokhia kon Pisidia bo nongkon Ikonium bo mopongaru kon intau moantó tatua sinbá dumudui kon i monia. Bo ki Paulus in inarab monia in batu poḷat dinia pinoḷuai kon kotá. Bo kai monia kamai ain bidon minatoi,

OUMAN IN RASUL MITA 7:52

Eta oyúon nabi in diá pinogutú in mogoguyangmu mita? Sinbá kotaauan monimu, nodait monia iḻimod in totabá mita i Allah koḻipod, inta namangoi sin mopotaau in koangoian in Simpaḷ i Allah inta totok in mobanar, inta aindon doman irupa-rupamai monimu poḷat iḻimod.

KORINTUS 2 12:10

Tuamai mopiabí in ginaku aka umuran moḻemé nanaa in kaadaan in awakku. Bo mopiabí doman in ginaku aka lantaran ki Kristus, akuoi in poponapudan in uboḷ, mokorasa kon rupa-rupa yoyiga, aḷo-aḷowan mako pogutúon. Sin aka korasaanku bo diádon mokopongonu in akuoi, yo kon wakutupa doman tuata bo oyúon ropot in korasaanku.

IBRANI 11:25

Sia in moibo-ibogbí mobiag moyoyiga moyotakin in umat mita i Allah, doíbí in sia nobiag nosanang táe umuran kinawasaan in dosa.

IBRANI 13:3

Bo tantúdon kon gina mako in mosia inta kon bonu in ponjara naonda bo moiko kon bonu doman in ponjara noyotakin monia. Bo intau mita inta pinomia ibo-ibog umuran kon gina-gina doman mako in mosia naonda bo pinomia doman natua in moiko.

WAHYU 11:3

Akuoi in mopotabá in sakusi-Ku doyowa inta mogiḷambung in ḷambung intau kinopatoian, bo mosia mopoumum in habar i Allah solama toribu bodoyowa nogatut bo onom nopuḷú nosinggai in koonggotnea.”