IBRANI 11:33 - Alkitab Singog In Mongondow Masa In Tanaa

³³ Popisí in mosia mopirisaya, dá sinaḷowdon monia in dodatuan mita ibanea. Inaidan monia in onu inta totuu, tuamai in nouḻí monia onu inta pinodandi i Allah. Bibig mita in singa pinomponan monia,

IBRANI 11:33 ပူးပေါင်းရင်းမြစ်များ

SAMUEL 2 10:12

Mokoporoton kon gina! Koḻigai kita mokopobarani in moḷongasi sin kopontingan in bangusa naton bo kopontingan in kotá mita i Allah naton. Igumon mako ki Allah in mogaid kon onu in koibog-Nea.”

SAMUEL 2 8:15

Natuata in nobaḻí ki Daud nomarenta kon bayongan in Israel bo noḷukad sinbá rayatnea in umuran koadilon bo kopiaan in pomomarenta.

DATU MITA IMITÁNEA 13:28

Nouḻínea in mayat in nabi nongkon Yohuda tatua noiukatpa mako kon daḷan takin keledai bo singa in kon diugnea. Singa tatua in diábí nodomok kon keledai tatua, bo diábí doman nokaan kon mayat tatua.

MAZMUR 144:10

Iko in nopountung kon datu mita, bo nopoḷuat kon i Daud mogogundoi-Mu.

MAZMUR 91:13

Ḷampanganmubí in uḷag bo singa, moritak kon singa batánea bo uḷag mobisa.

MATIUS 5:12

Koḷunganga bo kopiadon in gina monimu, sin moḷoben in mouḻímu kon soroga, sin nabi tungkuḷ intua in pinogutú doman monia natua.”

GALATIA 3:16

Ki Allah ain nobogoi in dandi-Nea mita kon i Abraham bo kon buínea mita. Kon dodandian tatua diábí in pinoguman nanaa, “bo kon intau mita inta buí i Abraham”. inta aka tomangaḻean yo moantó in intau. Nanaabí in pinais, “bo kon intau inta buí i Abraham”. mangaḻenea in tongábí tobatú in intau, tuata in ki Kristus.

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.

IBRANI 10:36

Mokoposabarbí in moiko, sinbá motaaupa mogaid kon onu inta kinoibog i Allah, sahingga in tarimaanbí monimu in onu inta pinodandi i Allah tua.

IBRANI 11:17

Popisí doman in mopirisaya, dá ki Abraham nobaranibí in noposumba kon i Ishak saḷaku kuruban kon i Allah wakutu in inuji i Allah in sia. Ki Abrahambí tua in pinobogoian i Allah kon dandi-Nea, táe norelabí in sia in noposarakan kon i adínea inta tongá totobatú tua.

YAKOBUS 2:18

Degá oyúon intau in moguman, “Oyúon intau in umandoḷ kon pirisayanea bo oyúon doman in umandoḷ kon oaidnea.” Dá akuoi in moguman, “Poontongka kon inakó in pirisaya takin diá in oaid bo poontongku kon inimu in oaidku saḷaku bungai kon akuoi in mopirisaya.”

PETRUS 1 5:8

Mokopoingatdon bo umuran pobasadia in moiko! Sin Ibilis inta saturumu in maya-mayá mako naonda bo singa inta sindaḷan moganggor motayak kon onu inta motaaunea kaanon.

HAKIM MITA 4:1

Naonda in ki Ehud minatoi, bangusa in Israel binaradosadon bui kon i Tuhan.

SAMUEL 1 12:4

Intau mita tatua notubag, “Diá, diábí kon dodai in onda ki Amá nonguboḷ andeka noposikisa kon inami; diábí nokoimontanmai in ki Amá in nogamá kon kapunyaan i ineka.”