IBRANI 11:32 - Alkitab Singog In Mongondow Masa In Tanaa

³² Uḻe, nobayongpabí doman in motaauku oumanon, táe diádon i wakutuku mongonguman kon soaḷ tai Gideon, ki Barak, ki Simson, ki Yepta, ki Daud, ki Samuel bo nabi mita.

IBRANI 11:32 ပူးပေါင်းရင်းမြစ်များ

MAZMUR 99:6

Ki Musa bo ki Harun noitakin doman in imang-Nea mita, ki Samuel in intau tobatú inta nosambayang kon i-Nia. Mosia in nokuani kon i Tuhan, bo sinubagan-Nea.

YEREMIA 15:1

Ki Tuhan in noguman kon inakó, “Diá bidon in Akuoi motabi kon bangusa tanaa, umpakabí ki Musa bo ki Samuel in simindog kon naa mopoigum in totabi-Ku kon i monia. Potabádon mayá in bangusa tanaa, doídon in Akuoi moindoi kon i monia!

MATIUS 5:12

Koḷunganga bo kopiadon in gina monimu, sin moḷoben in mouḻímu kon soroga, sin nabi tungkuḷ intua in pinogutú doman monia natua.”

LUKAS 13:28

Kon wakutu in mokoontong in moiko kon i Abraham, kon i Ishak bo kon i Yakub takin nabi mita mogaid kon rame kon bonu in dunia mobagu i Allah, yo mongombaḷbí in moiko sin moajar in gina monimu sin aindon inuntun pinoḷuai!

LUKAS 16:31

Táe ki Abraham in bui doman noguman kon inia nanaa, ‘Aka mosia tua bo diá mokidongog kon onu inta pinoguman i Musa bo i nabi mita, yo mangaḻenea mosia tua in diábí doman mopirisaya, umpakabí oyúon intau minatoi in bui mobiag bo mamangoi mobogoi in tompoingat kon i monia.’ ”

YOHANES 21:25

Nobayongpabí in soaḷ mita ibanea inta inaidan i Yesus, táe aka daiton paison intua, yo rasaanku dunia naa in diábí tugatan potagúan kon onu in paison tatua.

OUMAN IN RASUL MITA 10:43

Bayongan in nabi komintan bidon nongonguman kon soaḷ Sia tua. Mosia in noguman, kon bayongan intau inta mopirisaya kon i Yesus, komintan ampungan in dosanea takin kawasa inta nongkon i Yesus.”

OUMAN IN RASUL MITA 13:20

Tua komintan in nobaḻí kon bonu in opat nogatut bo ḻima nopuḷú notaong in koonggotnea. Naonda in sinilai butá in Kanaan tatua, inogoian i Allah in hakim in mosia. Hakim pangabisan in ki Nabi Samuel.

OUMAN IN RASUL MITA 3:24

Bayongan in nabi inta nokoimontandon in nopoyaput in habar nongkon i Allah, pinangkoipamai nongkon i Samuel bo nabi mita inta namangoi noiduduimai kon inia, komintan doman nongonguman masa in tanaa.

SURAT I PAULUS KON JAMAAT RUM 3:5

Táe aka koadilan i Allah moniatadon totok, popisí in kita nogaid kon inta diá totuu, yo onu in singogon naton? Degá diá moadil aka ki Allah mohukum kon i naton? (Ḷoḻibó tanaa in mopiabí saḷaku intau.)

SURAT I PAULUS KON JAMAAT RUM 4:1

Aka natua, onu in motaau singogon soaḷ ki Abraham, mogoguyang naton tatua? Naonda in pongalamannea?

SURAT I PAULUS KON JAMAAT RUM 6:1

Aka natua, onu in motaau singogon naton? Mustipa doman degá mogaid kon dosa in kita sinbá modugang in tabi i Allah kon i naton?

SURAT I PAULUS KON JAMAAT RUM 7:7

Aka natua, yo onu in singogon naton? Moraat degá in hukum agama in Yahudi? Tantú diábí! Sin hukumbí tatua in notundú kon inakó soaḷ dosa. Sin diábí kinotaauanku onu in sinangoian Ibog moiḻiu, aka hukum agama diá noguman, “Donaai motamaa.”

YAKOBUS 5:10

Utat mita, toropdon in nabi mita inta nosingog pinodoyon kon tangoi i Tuhan. Mosia in nosabar bo notaba in kinoantugan in yoyiga. Dá baḻídon in mosia saḷaku contoh.

PETRUS 2 1:21

Sin diábí kon dodai in onda koyow inta nongkon i Allah tatua in pinotaau tongá pinodudui kon ibog in intau inta noibog nopoyaput in koyow-Nea tatua.

PETRUS 2 3:2

Bo umuranku doman anjuron mako sinbá tantú monorop kon onu inta ain pinoguman in nabi mita i Allah tungkuḷ intua bo moponorop doman mako kon parenta i Tuhan bo i Datu Mopoposaḷamat, inta ain pinotaau in rasul mita kon i monimu.

HAKIM MITA 13:24

Tongonumai nobuḷan noiduduimai ki buḷoi Manoah tatua nopononggadídon in adí ḷoḷaki bo sinangoiannea ki Simson in adí tatua. Adí tatua noitoidon bo binarakatan i Tuhan;

HAKIM MITA 15:20

Doyowa nopuḷú notaong in koonggotnea in ki simson nobaḻí itoi kon umat in Israel kon tungkuḷ in mosia kinawasa in intau in Pilistin.

HAKIM MITA 4:1

Naonda in ki Ehud minatoi, bangusa in Israel binaradosadon bui kon i Tuhan.

HAKIM MITA 6:1

Komintanpa doman in umat Israel nogaid kon dosa kon i Tuhan, dá pinomayá-Neadon mako in bangusa in Midian nongawasa kon i monia pitu notaong in koonggotnea.

HAKIM MITA 6:11

Kon singgai tobatú malaekat i Tuhan namangoi kon kotá in Opra, bo iḻimitú kon siungon in pangkoi kayu terpentin, kapunyaan i Yoas, intau nongkon inanakan i Abiezer. Ki adínea inta ki Gideon, koyogot moḻintogmai kon gandum kon tampat pomomugutan kon anggur. Inaidannea intua takin inumado-adop sinbá diá koontongan in intau in Midian.

HAKIM MITA 6:14

Onda intua ki Tuhan nobogoi in parenta tanaa kon i Gideon, “Takin bayongan in ropotmu bayádon poḷuat in intau Israel nongkon kawasa intau in Midian. Akuoibí in nopotabá kon inimu.”

SAMUEL 1 1:20

Bobay tatua in nonogusian bo nopononggadí in adí ḷoḷaki tobatú. Sinangoiannea ki Samuel, gumannea, “Sia in pinoigumkudon kon i Tuhan.”

SAMUEL 1 12:11

Onda intua ki Tuhan nopotabá kon i Gideon, onda intua ki Barak, nopaḷut mako kon tua ki Yepta, bo pangabisannea in akuoi. Kon batúan nami ain nopoḷuat kon i monimu nongkon musungmu, dá moiko in notaaudon nobiag noaman.

SAMUEL 1 16:1

Diá noonggot kon tua ki Tuhan noguman kon i Samuel, “Dapotpa in toonu iko umuran mokuyang in gina tongá popisí in ki Saul? Sia tua in diá bidon ináku-Ku datu in Israel! Tanaa in pogamádon kon ḷana in zaitun bo bayádon kon Betlehem, kon intau inta ki Isai in tangoinea, sin ki adínea tobatú ain piniḻí-Ku nobaḻí datu.”

SAMUEL 1 16:13

Baḷúdon in ki Samuel nogamá kon ḷana zaitun tatua bo noduí kon i Daud takin upacara pinopoinggúan in ḷana kon tayowon i guya-guyangnea mita. Kon dodai doman intua ki Daud kinawasaan in Roho i Tuhan. Nongkon singgai tua nodapot in singgai noiduduimai mita Roho i Tuhan koyota-yotakinnea. Onda intua nobuidon in ki Samuel kon Rama.

SAMUEL 1 17:45

Táe ki Daud in notubag, “Iko nion in namangoi moḷawang kon inakó takin momaké in kedang, pandong bo ginubat, táe akuoi in namangoi moḷawang kon inimu takin tangoi i Tuhan Inta Totok in Mokawasa, ki Allah in tontara in Israel inta siningkuḻemu tua.

SAMUEL 1 2:11

Bo nobuidon in ki Elkana bo motoḷuadínea kon Rama, táe ki Samuel, adí tatua, in nogutundon kon Silo bo nogundoi kon i Tuhan kon bonu in totundú i Imang Eli.

SAMUEL 1 2:18

Kon dodai intua, ki Samuel inta mongoadípa tantú mogundoi kon i Tuhan. Nomaké in sia in ḷambung inta ain sinantú nongkon kaeng linen, ná ḷambung inta pakéonmai in imang mita kon ibada.

SAMUEL 1 2:4

Ropot in pahlawan in noputoḷdon, táe modugangdon moropot in intau inta moyangkó.