IBRANI 11:14 - Alkitab Singog In Mongondow Masa In Tanaa

¹⁴ Mosia inta nosingog natua in nopoontongdon kinosilang kon mosia tua in yogot motayak kon butá inta mobaḻídon kapunyaan monia tontaní.

IBRANI 11:14 ပူးပေါင်းရင်းမြစ်များ

IḶUAIAN 2:22

Ki Zipora nopononggadí in adí ḷoḷaki tobatú. Adí tatua in sinangoian ki Gersom, sin ki Musa in norai, “Akuoi naa intau ango-angoi kon naa.”

KORINTUS 2 4:18

Kami in diábí monarukiramai kon onu inta koontongan. Sin inta koontongan tua in diábí mononoi, táe aka inta diá koontongan yo tuabí in mononoi.

PILIPI 1:23

Doyowa norupa naa in morigugut kon bonu in ginaku. Moibogdon in akuoi monaḷámai kon dunia naa bo mayá mogutun takin i Kristus, sin tuabí inta totok in mopia;

IBRANI 11:13

Bayongan in intau tatua in umuran nopirisaya umaai in minatoi. Mosia in diábí notarima kon onu inta pinodandi i Allah, táe tongá nokoontong bo notamad nongkon noyayú. Aid monia tua in noponiata kon mosia tua in tongábí intau mokokiangoi inta tongá doman noiandupmai kon dunia naa.

IBRANI 11:15

Deemanbí butá inta ain sinaḷaan in umuran raion monia. Sin aka tua in umuran raion monia, dá nobayong bidon in kasampatan monia in nobui kon butá tatua.

IBRANI 11:16

Táe noniata magí inta kinotanoban monia tua in tobatúbí butá inta totok mopia, tuata in butá inta kon soroga. Manangka intua diábí mooyá in ki Allah tangoion ki Allah monia, sin pinosadiaan bidon i Allah in mosia kon tobatú kotá.

IBRANI 13:14

Sin kon dunia naa diábí in tampat pogutunan mononoi kon i naton, kita in mayábí motayak kon tampat pogutunan kon singgai moiduduimai.