IBRANI 11:13 - Alkitab Singog In Mongondow Masa In Tanaa

¹³ Bayongan in intau tatua in umuran nopirisaya umaai in minatoi. Mosia in diábí notarima kon onu inta pinodandi i Allah, táe tongá nokoontong bo notamad nongkon noyayú. Aid monia tua in noponiata kon mosia tua in tongábí intau mokokiangoi inta tongá doman noiandupmai kon dunia naa.

IBRANI 11:13 ပူးပေါင်းရင်းမြစ်များ

KINOBAḺIAN 21:34

Onda intua ki Abraham nogutunpa noḻin onggot kon butá intau in Pilistin.

KINOBAḺIAN 23:4

“Akuoi naa in intau mokokiangoi inta nogutun kon yua-yuak i Utat mita; dá ogoipa in akuoi motaḷui kon butá sinbá oyúon in poḷobonganku kon i buḷoiku.”

KINOBAḺIAN 47:9

Tubag i Yakub, “Akuoi ain nobiag kon binayáanku koonggotnea in mogatutdon bo toḷu nopuḷú notaong. Kobiaganku naa in nopuḻing in roriga. Kinobiaganku naa in nopoḷokbí aka poyobandingonmai umur in mogoguyangku inta nobiag doman nobaḻí intau inta diá notantú kon pogutunan.”

KINOBAḺIAN 48:21

Bo ki Yakub nogumandon kon i Yusup, “Ná inta inontongmu tanaa, wakutuku matoi nodiugdon, táe ki Allah in motuḷungbí kon i monimu bo modia bui kon i monimu mayá in butá in mogoguyangmu.

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

KINOBAḺIAN 49:18

O Tuhan, kasaḷamatan inta inogoi-Mu, tuata inta inoḷatku mako.

KINOBAḺIAN 49:28

Tuata in suku Israel inta mopuḷú bodoyowá, bo tosingogon inta siningog i amá monia bo poḷat nobogoi in barakat pangabisan kon i monia kon batúannea.

KINOBAḺIAN 49:33

Naonda in ki Yakub nopaḷut nobogoi in koyow kon i adínea mita, inumuḻidon in sia bodongka minatoi.

KINOBAḺIAN 50:24

Gumannea kon i utatnea mita, “Wakutuku matoi nodiugdon, táe ki Allah pastibí kon umuranbí moḷukad kon i monimu bo modia kon i monimu ḷumuai nongkon butá tanaa, bo mayá in butá inta ain pinodandi-Nea takin nongibot kon i Abraham, kon i Ishak bo kon i Yakub.”

AYUB 19:25

Kinotaauanku kon soroga oyúon in mototuḷungku; kon imbuitnea mamangoi in Sia motuḷung kon inakó.

MAZMUR 119:19

Diábí umuran mako in akuoi in mogutun kon dunia dikabí kaasí bunion in hukum-Mu kon inakó.

MAZMUR 39:12

Intau in popisí in taḷánea; ihukum bo sinambok-Mu naonda bo sisik irimumud-Mu onu inta koboḻi kon inia. Totuu, intau in naonda bo tongá pogirupan in tompot.

IḶUAIAN 2:22

Ki Zipora nopononggadí in adí ḷoḷaki tobatú. Adí tatua in sinangoian ki Gersom, sin ki Musa in norai, “Akuoi naa intau ango-angoi kon naa.”

IMAMAT 25:23

Butámu tua in diábí motaau in potaḷuimu, sin butá tatua in deemanbí iko in kitogi, táe ki Allahbí in kitogi. Moiko in tongábí ná intau ango-angoi inta inogoian in wakutu momaké kon butá tatua.

PINOGIAPAN 10:30

Tubag i Hobab, “Sukur moantó, táe akuoi in moibogbí mobui kon ḻipúku tontaní.”

PINOGIAPAN 24:17

Inontongku in sia, táe deemanbí tanaa mako; binobuiku in sia, táe nongkon noyayú. Datu tobatú nongkon Israel in sia, mamangoi naonda bo tundi inta motarang. Itoi mita in Moab in toko ropúonku bangusa i Set in rimumudonnea.

MATIUS 13:17

Sin poguman-Ku kon i monimu, “Mobarong in nabi bo intau inta mobanar in moibog mokoontong kon onu inta inontongdon monimu, táe mosia in diá nokoontong, bo mosia in moibog doman mokidongog kon onu inta aindon dinongog monimu, táe mosia in diá nokodongog.”

YOHANES 12:41

Ki Yesaya noguman natua sin sia ain nokoontong kon kamuliaan i Yesus, bo nongongumandon soaḷ Sia.

YOHANES 8:56

Ki amá monimu in ki Abraham nopia totok in ginanea sin sia mokoontong kon singgai-Ku. Sia in nokoontongdon bo nopiadon in ginanea!”

SURAT I PAULUS KON JAMAAT RUM 4:21

Totokbí in moyakin in sia kon mokosanggupbí in ki Allah momia kon onu inta ain pinodandi-Nea tua.

SURAT I PAULUS KON JAMAAT RUM 8:24

Popisí in umuran moharap mako, dá posaḷamatonbí in kita. Táe aka onu inta iharap mako naton tua bo ontongondon naton, dá tua in deeman bidon harapon. Sin diábí in intau in moharap mako kon onu inta ain inontongnea mako?

KORINTUS 2 4:18

Kami in diábí monarukiramai kon onu inta koontongan. Sin inta koontongan tua in diábí mononoi, táe aka inta diá koontongan yo tuabí in mononoi.

KORINTUS 2 5:6

Tuamai tantúbí moropot in gina nami. Kinotaauan bidon nami kon wakutu in nobiag kon dunia naa, kami noyayúbí kon baḷoi inta pinogutunan nami takin i Tuhan.

EPESUS 2:19

Dá tuamai, moiko in deeman bidon intau mokokiangoi andeka intau ḷuai. Táe moiko in tumpaḷa bidon umat i Allah. Moiko nion in nobaḻí bidon tombonu in motoḷuadí i Allah,

IBRANI 11:14

Mosia inta nosingog natua in nopoontongdon kinosilang kon mosia tua in yogot motayak kon butá inta mobaḻídon kapunyaan monia tontaní.

IBRANI 11:17

Popisí doman in mopirisaya, dá ki Abraham nobaranibí in noposumba kon i Ishak saḷaku kuruban kon i Allah wakutu in inuji i Allah in sia. Ki Abrahambí tua in pinobogoian i Allah kon dandi-Nea, táe norelabí in sia in noposarakan kon i adínea inta tongá totobatú tua.

IBRANI 11:27

Popisí in mopirisaya doman, dá ki Musa in nonaḷámaidon kon Mesir diábí in ondoknea kon torú i datu. Sia in umuran nogaḷow kon tujuannea naonda bo inontongneadon in ki Allah inta diá koontongan tua.

IBRANI 11:39

Moḷoben totok in kauntungan nouḻí in intau mita tatua popisí in pirisaya monia! Táe diábí in mosia notarima kon onu inta pinodandi i Allah,

PETRUS 1 1:1

Utatku mita umat inta piniḻí i Allah, inta noibaya-bayá mako kon butá in Pontus, Galatia, Kapadokia, Asia bo Bitinia! Akuoi, ki Petrus, rasul i Yesus Kristus in mopoigum mako sinbá ki Allah mobogoi in barakat bo kobiagan motompia kon i monimu. Moiko in piniḻí nobaḻí umat i Allah podudui in tomayá i Allah, Amá naton. Roho i Allah nopobaḻídon kon i monimu umat inta mokudus, inta mobiag bo tongá mosumba kon i Allah, sinbá moiko in tongá motoindudui kon i Yesus Kristus bo potusion in dugú-Nea.

PETRUS 1 1:17

Ki Allah tangoion monimu ki Amá wakutu in moiko mosambayang. Bá kotaauan monimu kon ki Allahbí tatua in mohakim kon intau podudui in oaid monia tontaní bo diábí poyoposion-Nea in intau. Tuamai wakutu in moiko kon duniapa naa koondokbí kon i Allah aka mobiag.

PETRUS 1 2:11

Utat mita inta kinotabiku! Moiko nion in intaubí mokokiangoi bo momomaḷancong kon dunia naa. Akuoi in mononggina kon inimu, donaai tongá umuran dumudui kon ibog in awak naa inta umuran mobobayowan moḷawang kon jiwa.

YOHANES 1 3:19

Natua in caranea kita monotaau kon kita naa in noituot ki adí mita i Allah inta mobanar, bo gina naton moonowdon kon tayowon i Allah.