IBRANI 10:39 - Alkitab Singog In Mongondow Masa In Tanaa

³⁹ Kita naa in deemanbí umat inta mobaḷu-baḷui in pirisaya bo inta diá koharapan. Táe umatbí inta mopirisaya kon i Allah bo inta posaḷamaton.

IBRANI 10:39 ပူးပေါင်းရင်းမြစ်များ

MAZMUR 44:18

Tua komintan ain noiantug kon inami umpaka diá in kami nokoḻiong kon ini-Mu andeka nonoḻikud kon dodandian-Mu bo inami.

AMSAL 1:32

Intau inta diá kopongalaman in matoibí popisí in doí motarima kon inakó, bo intau inta bodok in morimumudbí popisí in doí mopandungmai kon inakó.

AMSAL 14:14

Intau moraat in motarimabí doman kon bungai in aidnea moraat, intau mopia in motarimabí doman kon bungai in aidnea mopia.

MARKUS 16:16

Intau inta diá mopirisaya hukumon. Táe intau inta mopirisaya bo binaptis in posaḷamaton.

LUKAS 11:26

Dá iḷumuai bui in dimukud moraat tatua bo nogoiní kon dimukud moraat ibanea taya pitu inta moraa-raat nongkon inia. Onda intua mosia nogutun kon intau tatua, dá pangabisannea, kaadaan in intau tatua in nodugang moraat nongkon kaadaannea inta muna.”

YOHANES 17:12

Wakutu in Akuoi koyota-yotakinpa monia, Akuoi ain noḷukad kon i monia takin kawasa in tangoi i Amá, tangoi inta inogoi i Amá kon i-Nakó. Iḷukadan-Kudon in mosia bo diábí in tobatúmai nobaḻí kon sigad monia tua, koḻikudbí in sia inta ain sinantú kon mobuḻi; sinbá mobaḻídon onu inta ain pinais kon Buk Motusi.

YOHANES 20:31

Táe onu inta pinais kon buk tanaa, makusudnea kon bá mopirisaya in moiko kon ki Yesusbí tua in Datu Mopoposaḷamat, bo ki Adí i Allah, bo popisí in pirisayamu tatua dá mokouḻí i moiko kon kobiagan.

YOHANES 5:24

Totuu totok in singog-Ku tanaa: Intau inta monarukira kon singog-Ku mita, bo mopirisaya kon i-Nia inta nopotabá kon i-Nakó, yo oyúon in kobiagan mopia bo mononoi. Sia in diábí hukumon; sia in noipilatdon nongkon kinopatoian bo mokouḻí kon kobiagan.

YOHANES 6:40

Totuu, naabí in kinoibog i Amá-Ku: Bá bayongan intau inta nokoontong kon Adí bo nopirisaya kon i-Nia mokouḻí kon kobiagan mopia bo mononoi, bo mobiag bui kon singgai ponantúan.”

TESALONIKA 1 5:9

Piniḻí i Allah in kita, deemanbí bá oyúon in hukumon, táe bá posaḷamaton i Tuhan naton ki Yesus Kristus.

TESALONIKA 2 2:3

Naondakadon in habar dinongog monimu, yo donaaibí baḷú kopongaruan monia in moiko, sin tongábí uboḷ i monia inta moibog mopongaru kon intau ibanea. Sinbá kotaauandon monimu, kon wakutu in diápa moiangoi in singgai tatua, munapabí nanaa in mobaḻí: Mobayong in intau mobaḷui in pirisaya bo monaḷámai kon i Kristus; bo intau moraat inta ain sinantú tumuot kon naraka in mamangoidon mopoontong in oaid monia.

TIMOTIUS 1 6:9

Táe intau inta moibog mobaḻí mooyúon tombodokondon in ibognea inta diá in baragunanea bo inta mokogoguyaat kon inia. Ibog mita tatua in mokorimumud bo mokobodito kon inia.

IBRANI 10:26

Sin aka habar inta mobanar nongkon i Allah ain pinotaau kon i naton, táe umuranpa doman tumuod in kita in mogaid kon dosa, dá diá bidon in kuruban inta pomopat kon dosa naton.

IBRANI 10:38

Bo umat-Ku inta mobanar in mopirisayabí bo mobiag; táe aka oyúon in kon sigad monia tua in nobaḷui in pirisaya, dá diábí mosanang in gina-Ku kon inia tua.”

IBRANI 11:1

Mopirisaya naa mangaḻenea in totok moyakin kon onu inta iharap mako naton, mangaḻenea oyúon in kotantúan kon soaḷ mita inta diá inontong.

PETRUS 1 1:5

Tua komintan in ogoi kon i monimu, sin moiko in mopirisaya kon i Allah. Moiko iḷukadanbí doman in kawasa i Allah sinbá moiko in motarima kon kasaḷamatan inta sinadiadon bo poponiata kon singgai tumi.

PETRUS 2 3:7

Táe ḷangit bo butá in umuranpa oyúon in tanaa mako, iḷukadandon in singog i Allah nongkon tuḷu sin popogoḷat kon singgai ponantúan bo koyoyangan in intau mita inta moraat.

YOHANES 1 5:16

Aka moiko bo mokoontong kon tobatú intau inta tumpaḷa Keresten nogaid kon dosa inta diá mokopopisí kon intau tatua kobuḻiandon in kobiagan inta mopia bo mononoi, yo moiko in musti mosambayang kon i Allah; bo ki Allah in mobogoibí in kobiagan tatua kon inia. Naa in tongábí kon i monia inta nogaid kon dosa inta diá mokopopisí kon i monia kobuḻian in kobiagan tatua. Táe oyúon in dosa inta mokopopisí kon intau kobuḻian in kobiagan tatua. Aka kon soaḷ tanaa yo akuoi in diábí moguman kon i monimu kon moiko in musti mosambayang kon i Allah.

YOHANES 1 5:5

Ki ine degá in mokotaḷow kon dunia naa? Tongábí intau inta mopirisaya kon ki Yesus tua in ki Adí i Allah.

WAHYU 17:11

Bo mahaḷuk inta perna nobiag koḻipod, táe diádon in tanaa mako, tua in datu inta iwaḷunea. Sia tua in tobatúbí doman datu kon sigad nayapitu tua, inta masa naa koyogot mayá in tampat koyoyangan monia.

WAHYU 17:8

Mahaḷuk tatua nokoimontan bidon in nobiag in koḻipod, táe masai naa in diádon, tongá topípabí bo ḷumuai in sia nongkon tampat pohohukuman kon irang bo sia in mopobayádon in tampat koyoyangan. Intau mita kon dunia naa inta diá pinais in tangoi monia kon bonu in buk intau nobiag mulaipa kon dunia naa diápa pinomia, yo moherangbí aka mokoontong kon mahaḷuk tatua. Sin mahaḷuk tatua koḻipod in pernabí nobiag, táe tanaa in diá bidon, tongá buidon moitukat.

SAMUEL 1 15:11

“Nomanasaḷdon in akuoi sin noduídon kon i Saul nobaḻí datu, sin sia in nonoḻikudon kon i-Nakó, bo doídon dinumudui kon parenta-Ku.” Noajar totok in gina i Samuel, bo kinoouputbí in doḷom sia nopoigum in totabi kon i Tuhan.