IBRANI 10:35 - Alkitab Singog In Mongondow Masa In Tanaa

³⁵ Manangka intua, dikabí ukatan monimu in onu inta ain pinirisaya monimu sin aka moiko umuran mopirisaya, dá moḷobenbí in mangaḻe inaidanmu tua!

IBRANI 10:35 ပူးပေါင်းရင်းမြစ်များ

MAZMUR 19:11

Hukum i Tuhan in kon ḻimonikanbí in buḷawan taakan, moromi-romimitbí nongkon biluk taakan.

MATIUS 10:32

“Ki ine in diá mooyá in mongaku kon tayowon in intau moantó kon sia in dumodudui-Ku, yo sia in ḷabiton-Ku doman kon tayowon i Amá-Ku inta kon soroga.

MATIUS 10:42

Bo ki ine in mobogoi in tubig noanai inumon, umpakabí tongá topalo kon intau inta bogá naa, sin sia in dumodudui-Ku, poguman-Ku kon i monimu, popirisayabí kon sia tua in mokouḻíbí kon boḻi in pinogaidannea!”

MATIUS 5:12

Koḷunganga bo kopiadon in gina monimu, sin moḷoben in mouḻímu kon soroga, sin nabi tungkuḷ intua in pinogutú doman monia natua.”

LUKAS 14:14

Aka natua yo iko in barakatan sin intau mita tatua in diá mokotuḻí kon oaidmu inta mopia. Oaidmu inta mopia tua in ki Allahbí in motuḻí kon wakutu in intau mita mopia tatua biagon bui nongkon kinopatoiannea.”

KORINTUS 1 15:58

Tuamai uḻe utatku mita inta kinotabiku, mokoporopot bo kotorindog. Umuran totu-totuu pogundoi kon i Tuhan, sin kinotaauanbí monimu kon bayongan inta inaidan monimu kon i Tuhan, komintanbí baraguna.

EPESUS 3:12

Popisí in mopirisaya kon i Kristus bo lantaran notobatúdon takin-Nea, dá kita inogoiandon in daḷan dimiug kon i Allah takin totu-totuu mopirisaya.

IBRANI 10:19

Yo uḻe utat mita, dugú i Yesus tua in nobogoidon in kabaranian kon i naton in tanaa tumuot kon Yuang Totok Motusi.

IBRANI 11:26

Irai Musa kon diábí nongonu in singkuḻeon sin mopirisaya kon i Datu Mopoposaḷamat inta pinodandi i Allah dika in mokouḻí kon bayongan kapunyaan kon butá in Mesir, sin iharap mako i Musa tua in kapunyaanbí kon singgai moiduduimai.

IBRANI 2:2

Sin koyow mita inta pinoyaput in malaekat mita kon mogoguyang naton in totuubí in nouḻí magí. Intau mita inta diá dinumudui bo inta doí nopoaid in koyow tatua, mokouḻíbí kon hukuman podudui in oaid monia.

IBRANI 3:14

Kita naa in komintanbí yobayat topogaidan i Kristus asaḷ bo tantú kumadai kon onu mita inta pinirisayadon naton nongkon pinomangkoianmai modapot kon kopaḷutan in dunia naa.

IBRANI 3:6

Táe ki Kristus in mosatiabí saḷaku Adí inta motanggung jawab kon Baḷoi Allah. Bo kitabí naa in Baḷoi Allah aka umuran moḷoben in ibog naton kumadai bo moyakin in mokouḻí kon onu inta harapon mako naton.

IBRANI 4:14

Manangka intua, musti umuran in kita kumadai kon onu inta ain ináku bo pinirisaya naton sin oyúondon in Imang naton momulia bo inta moḷoben. Sia ain sinumuot dapot kon tayowon i Allah, Sia tuata in ki Yesus ki Adí i Allah.

YOHANES 2 1:8

Sin tuamai, mokopoingat sinbá moiko in diá kobuḻian in onu inta ain iramuji nami sin kopontingan monimu. Poramujidon totok sinbá moiko in motarima kon tontuḻí in bayongan inta ain inaidanmu.