IBRANI 10:29 - Alkitab Singog In Mongondow Masa In Tanaa

²⁹ Táe umpaka natua, hukumanbí kon intau inta moritak kon i Adí i Allah in moboga-bogat, bo kon i monia doman inta nonganggap nohina in dugú dodandian i Allah, dugú inta pinodoyon kon kinopatoian i Kristus sin nondarit kon inia nongkon dosanea mita. Sia in nohojat doman kon Roho inta mobogoi in totabi.

IBRANI 10:29 ပူးပေါင်းရင်းမြစ်များ

DATU MITA 2 9:33

Ki Yehu in noguman kon i monia, “Pogonagdon monag in sia!” Dá pinogonagdon monia in ki Izebel bo iḻigit in kereta in sia dá noitoputdon in dugúnea kon dinding bo kon kabaḷo mita in kereta tatua.

MAZMUR 143:10

Tundúdon in akuoi mogaid kon onu in kinoibog-Mu, sin Ikobí in ki Allahku. Iko in mopia in gina, bo modia kon inakó mayá mongindaḷan notondodai.

MAZMUR 91:13

Ḷampanganmubí in uḷag bo singa, moritak kon singa batánea bo uḷag mobisa.

IḶUAIAN 24:8

Bo ki Musa in nogamá kon dugú inta binonunea kon tano-tanó tatua bo pinonabangnea kon bangusa mita tatua, takin noguman, “Dugú tanaa in nopototuu kon dodandian inta sinogot i Tuhan takin i monimu inta pinodoyon kon parenta-Nea mita.”

YESAYA 14:19

Táe iko in diá kotampat poḷoḷobongan; mayatmu in iḷumbú naonda bo tokat inta kinodoí kinobumbunan in mayat mita in intau inta noroḷongasi noparang inta minatoi kon parang, bo pinogambat noyotakin monia kon bonu in bubú in batu, naonda bo awak bongkogdon inta kinoritakan.

YESAYA 28:3

Onu inta totok in kinoibog in itoi mita inta nongoḷoḷangu tatua in ritakan.

YESAYA 63:10

Táe mosia in nomarontak bo nokoajar kon gina i Tuhan. Dá nomurow in Sia bo nobaḻí musung monia Sia tontaní in noparang noḷawang kon i monia.

YEREMIA 1:5

“Kon dodai in Akuoi diápa nomia kon inimu kon bonu in sian i inámu, bo kon dodai in iko diápa pinononggadí, Akuoi ain nomiḻí kon inimu bo noduí kon inimu mobaḻí nabi kon bangusa mita.”

OMBAḶ 1:15

Inanggap i Tuhan diá in mangaḻe in bayongan in intauku inta mongotorindog. Inampoi-Nea in bayongan tontara sinbá bayongan in intau tayowmobiagku in moyopú. Iritakan-Nea in bangusaku nodapot in norimumud, ná intau inta nomugut kon bungai in anggur.

YEHEZKIEL 16:6

Onda intua noitaḻib in Akuoi bo inontong-Ku in iko noḻiai kon bonu in dugúmu, bo diábí pinomayá-Ku mako iko in minatoi.

DANIEL 8:13

Onda intua dinongogku in malaekat tobatú in noguman kon malaekat ibanea mako, “Modapot degá in toonu in bayongan inta inontong kon oontongon tatua mobaḻí? Modapot in toonu in dosa moḷoben tatua monoḻiu kon sosumba muḷoi in singgai? Modapot in toonu in tontara in soroga bo baḷoi pooibadaan tatua runtaion?”

MIKHA 7:10

Dungkuḷmai musung in moningkuḻe kon i naton takin mosingog, “Kon onda degá in ki Tuhan, Allahmu tatua?” Táe tanaa mosia in mokoontongbí kon onu in aidan i Tuhan kon i naton, bo mobaḻíbí mooyá in mosia. Kita in moindoibí kon musung mita naton tatua in taḷowon bo rita-ritakan mako naonda bo yoná kon daḷan.

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

MATIUS 26:28

Sin naadon in dugú-Ku, dugú dodandian, inta noibutak sin pinongampung kon taḷá in intau moantó.

MATIUS 7:6

Donaaidon moiko mobogoi in barang inta mokudus kon ungkú. Bo donaai moiko mopogarab in mutiaramu kon boké, sinbá diá tongá rita-ritakannea mako intua bodongka mobuimai moyingki-yingkit kon i monimu.”

MARKUS 7:2

Mosia in nokoontong kon tongonumai in murí i Yesus in nongaan táe diá muna nonomok, ná inta kon atorang in agama.

LUKAS 12:10

Aka oyúon intau mopoyaput in tosingogon poḷawang kon i Adí Intau, yo sia tua in ampunganbí; táe aka ki ine in moningkuḻe kon Roho i Allah, yo sia in diábí ampungan.

YOHANES 10:36

Yo nongonu sin singogonbí monimu kon Akuoi in mohojat kon i Allah popisí in Akuoi noguman kon Akuoi in ki Adí i Allah? Bokaka Akuoi in piniḻíbí i Amá bo pinotabá namangoi in dunia.

YOHANES 17:19

Popisí in kopontingan monia, Akuoi in noposarakandon in awak-Ku saḷaku kapunyaan i Amá sinbá mosia in tongá doman mobaḻí kapunyaan-Ku pongin inta nobanar nongkon i Amá.

OUMAN IN RASUL MITA 7:51

Nádomai tua in kinototogat in gina monimu nion. Totokbí in mororiga didikon kon bá motoindudui kon i Allah! Diábí indongogan monimu in singog i Allah! Moiko nion in naonda bo mogoguyang mita monimu; umuran diá mokidongog kon Roho i Allah.

SURAT I PAULUS KON JAMAAT RUM 16:20

Ki Allah inta mobogoi in kobiagan motompia kon intau, mopotungkudbí in Ibilis kon ḻimonag in kawasamu bo rimumudonmu in sia. Poigumon doman mako, moiko in umuran barakatan i Yesus Kristus, Tuhan naton!

KORINTUS 1 11:27

Tuamai intau inta nokaan kon roti i Tuhan ande nonginum kon anggur i Tuhan, táe diá totu-totuu yo baradosaanbí kon i Tuhan inta ain noposarakan in awak bo dugú-Nea sin kopontingan in intau tatua.

KORINTUS 1 11:29

Sin aka intau inta nokaan kon roti andeka nonginum kon anggur, táe diá basí mopirisaya kon perjamuan tatua in noidoyonbí kon awak i Tuhan, yo oo bí kon nongaan bo nonginum in intau tatua, táe tongábí potarimaannea kon hukuman i Allah in aidnea tatua.

KORINTUS 1 15:25

Ki Kristus in mustibí umuran momarenta modapot in bayongan saturu i Kristus potungkudon i Allah kon tayowon i Kristus.

KORINTUS 1 15:27

Sin kon bonu in Buk Motusi in pinais nanaa, “Bayongan in yagi-yagi inaidandon i Allah noitungkud kon tayowon-Nea.” Dá notarangbí kon imakusud in singog “bayongan in yagi-yagi” tua in diábí noitakin in ki Allah, sin Siabí in nomaḻí kon bayongan yagi-yagi tua in tumungkud kon tayowon i Kristus.

KORINTUS 1 6:11

Koḻipod oyúon in kon sigad monimu in umuran mogaid kon natua mita. Táe tanaa in poniatadon kon nodaritdon in moiko nongkon bayongan oaid inta diá mopia. Moiko in nobaḻídon umat i Allah inta piniḻí-Nea. Moiko buidon noyobayat i Allah, sin nopirisayadon kon i Tuhan Yesus Kristus bo popisí kawasa doman in Roho inta nongkon i Allah naton.

EPESUS 4:30

Dika mopoajar kon gina in Roho i Allah. Sin moiko aindon sinontandaan-Nea sinbá mobaḻí kapunyaan i Allah. Bo Roho doman tatua inta mobaḻí jaminan, kon singgai pobebasan tatua in moiangoibí kon i monimu.

EPESUS 5:26

Inaidan i Kristus intua sinbá motaau-Nea daritan in jamaat tatua takin totundú-Nea bo takin tubig inta pobaptis, sinbá motaaudon posarakan-Nea kon i Allah.

IBRANI 10:10

Inaidandon i Yesus Kristus in onu inta kinoibog i Allah. Pinosumba-Neadon in awak-Nea tontaní saḷaku kuruban. Sia in noposumba in awak-Nea tatua tongábí komintan modapot in kopaḷutan dunia naa, táe onu in inaidan-Nea tatua, nondaritbí kon i naton nongkon bayongan in dosa.

IBRANI 12:25

Manangka intua mokopoingat, sin dikabo moiko in doídon mokidongog kon i-Nia inta nosingog tatua. Mosia inta doí mokidongog kon i-Nia inta namangoi in dunia naa bo inta nopoyaput in koyow nongkon i Allah, diábí mokoḷagui. Apa doman kita naa inta nokodongog kon i-Nia inta nosingog nongkon soroga! Aka kita bo doí mokidongog kon i-Nia, yo diábí mokoḷagui in kita!

IBRANI 13:20

Ki Allah in nomiagdon bui kon i Yesus Kristus Tuhan naton nongkon kinopatoian-Nea. Popisíbí in popatoi-Nea tatua, dá masai naa Sia in nobaḻídon Gombala Momulia kon i naton inta domba-Nea mita. Kinopatoian-Nea tatua in noposah bidon kon dodandian mononoi inta inaidan i Allah takin inaton.

IBRANI 2:11

Ki Yesus in nondarit kon bayongan in dosa intau; siabí tontaní in nondarit. Mosia inta dinaritandon tua in nogaḷumdon kon Amá inta totobatú. Tuamai in ki Yesus diá mooyá in mongaku kon i monia saḷaku ki utat-Nea mita.

IBRANI 2:3

Apapa doman oyúon in kasaḷamatan inta motoya-toyang nongkon koyow mita tatua! Aka tongá pomayá mako naton in kasaḷamatan tatua, dá tantú diábí in kotaḻiban hukuman tatua in kita. Sin ki Tuhanbí tontaní in muna-munamai noguman kon kasaḷamatan tatua. Bo intau inta muna-munamai nokodongog kon Habar tatua in noguman doman kon i naton kon totuubí mita in habar tatua.

IBRANI 4:14

Manangka intua, musti umuran in kita kumadai kon onu inta ain ináku bo pinirisaya naton sin oyúondon in Imang naton momulia bo inta moḷoben. Sia ain sinumuot dapot kon tayowon i Allah, Sia tuata in ki Yesus ki Adí i Allah.

IBRANI 6:4

Sin mosia inta nokoimontandon in sinimbayagan in ginanea, inta nokoimontan in nokorasa kon totabi i Allah bo nokoimontan domandon in nokouḻí kon silai kon bonu in Roho Mokudus,

IBRANI 6:6

Táe nonoḻikudon bui, yo diá bidon bui in sia toimbaguon komintanpa sinbá mogogaidon in mogaid kon inta diá mopia, sin mosia tua in buibí mopopakú kon kayu pinoyotaḻempang kon i Adí i Allah sin kopontingan monia tontaní bo moningkuḻe kon i-Nia kon tayowon intau moantó.

IBRANI 9:13

Dugú in bembé bo dugú in sapi koḷakian takin ḷobud in kuruban ki adí in sapi, pinaké nondarit kon intau mita inta nokotor podudui atorang in agama sinbá mobaḻí modarit in mosia.

IBRANI 9:20

Koyogot nopobayá in oaidannea tatua sia in nosingog nanaa, “Naadon in dugú inta noposah kon dodandian nongkon i Allah inta musti duduian monimu.”

WAHYU 1:5

bo nongkon i Yesus Kristus, sakusi inta mosatia. Sia tua inta muna-munamai totok biniag bui nongkon kinopatoian bo Sia doman in nongawasa kon bayongan datu kon dunia naa. Ki Yesus in motabi kon i naton, tuamai Sia in noibog minatoi sin momilat kon i naton nongkon kawasa in dosa mita naton,