IBRANI 10:22 - Alkitab Singog In Mongondow Masa In Tanaa

²² Tuamai, koḻigai dimiugdon in kita kon i Allah takin gina motuḻid bo totu-totuudon mopirisaya sin gina naton in dinaritandon nongkon raian mita inta mongoraat, bo awak naton in dinaritan domandon in tubig inta modarit totok.

IBRANI 10:22 ပူးပေါင်းရင်းမြစ်များ

DATU MITA IMITÁNEA 15:3

Ki Abiam nogaid kon dosa mita ná ki amánea. Diá noḻimbatú in ginanea in mosatia kon i Tuhan, Allahnea, noyoposi i Daud, ki ḷakinea.

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

TAWARIKH 1 29:17

Kinotaauankubí kon Iko in monungkuḷ kon gina in intau kon batúannea bo kinoibog-Mu in intau inta motuḻid in ginanea. Takin gina nobayag bo pia in gina posumbaku in naa komintan kon ini-Mu. Akuoi in nokoontongdon tontaní kon naonda in umat-Mu inta noyosipun kon naa nodia kon sosumba monia kon ini-Mu takin pia in gina.

MAZMUR 111:1

Dayowdon in ki Tuhan! Takin ḻimbatú in gina akuoi mopoyaput in sukur kon i Tuhan kon yuak in pinoyosipunan in umat-Nea.

MAZMUR 119:10

Takin ḻimbatú in gina akuoi moḷongasi monotaau kon ini-Mu, dikabí kaasí pomayá-Mu mako in akuoi in tumabat kon parenta-Mu.

MAZMUR 119:145

Takin ḻimbatú in gina akuoi mokuani kon ini-Mu; tubagaipa kaasí in akuoi o Tuhan, akuoi in moibog dumudui kon parenta-Mu.

MAZMUR 119:2

Pia in kamang in intau inta dinumudui kon parenta-Nea, bo takin ḻimbatú in gina moḷongasi monotaau kon i Tuhan.

MAZMUR 119:34

Popomangaḻedon kon inakó in hukum-Mu sinbá duduianku, bo aidanku takin ḻimbatú in gina.

MAZMUR 119:58

Takin ḻimbatú in gina akuoi mopoigum in totabi-Mu, kotabipa kaasí in akuoi podudui in dandi-Mu.

MAZMUR 119:69

Intau moḷoḷatú noningkuḻe kon inakó, táe noḻimbatúbí in ginaku in sinumoḷutui kon atorang-Mu.

MAZMUR 119:7

Aka balajaronku in pinononantú-Mu inta moadil, akuoi in modayow kon ini-Mu takin ḻimbatú in gina.

MAZMUR 119:80

Igumon mako in ginaku diá tumabat nongkon atorang-Mu, sinbá diá mooyá in akuoi.

MAZMUR 32:11

Ei intau mita motoḷutui, pokosanangdon bo pokoḷungangadon sin onu inta ain pinomia i Tuhan Porogiowdon takin pia in gina, ei bayongan in intau inta motuḻid in gina!

MAZMUR 51:10

Biódon mako in akuoi mokodongog kon habar mokopia kon gina, sinbá gina inta binutuk-Mu naa in buidon monggiow.

MAZMUR 73:28

Táe aka kon inakó yo totuubí kon mopia in kon diug i Allah, Tuhan Allah in baḻíonku pononiunganku, sinbá motaau in akuoi mopotaa-taau mako in bayongan inta inaidan-Nea.

MAZMUR 84:11

Mopia-piabí kon tosinggai in kon Baḷoi-Mu dika in toribu nosinggai kon tampat ibanea. Piniḻíku in mobaḻí moḷoḷukad kon ngara in Baḷoi i Allahku dika in mogutun kon baḷoi in intau moraat.

MAZMUR 9:1

Kon i itoi in mododondong. Podudui in dondong Mut-Laben. Mazmur i Daud.

MAZMUR 94:15

Dá hukum in posindogonbí bui kon ponisigan, bayongan in intau motuḻid in moibogbí in natua.

IḶUAIAN 29:4

Potabádon in ki Harun bo ki adínea mita mamangoi kon ngara in Ḷoḷaigan-Ku bo mondarit kon awak.

AMSAL 23:26

Tondudut kopira bo duduidon kon kobobiagku, adíku!

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

YESAYA 52:15

Táe tanaa nobayong in bangusa in binaḻínea nongoherang, datu mita nongobió popisí in noitongau. Mosia in mokoontong bo momangaḻe, inta dungkuḷmai diá kinotaauan monia.”

YEREMIA 24:7

Akuoi in mobogoibí kon i monia in ibog sinbá momangaḻe kon Akuoibí in Tuhan. Dá mosia in mobaḻídon umat-Ku, bo Akuoi in mobaḻí Allah monia, popisí in mosia mobuidon mangoi kon i-Nakó takin ḻimbatú in gina.

YEREMIA 3:10

Naonda in nogaid kon tua mita, Yohuda inta diá mosatia tua nobui kon i-Nakó táe tongá ki ubo-uboḷmai, sin ginanea in diábí notuḻid. Akuoi, ki Tuhan, ain nosingog.”

YEREMIA 30:21

Datu inta nomarenta kon i monimu in nongkon bangusamu takin diá in ḷamboinea dimiug in sia kon i-Nakó aka oiníon-Ku in sia mamangoi in tayowon-Ku. Sin ki ine in mokobaḻí tumayow kon i-Nakó podudui in ibognea tontaní? Moiko in mobaḻíbí umat-Ku bo Akuoi in mobaḻí Allahmu. Akuoi, Tuhan inta noguman kon tua.”

YEHEZKIEL 36:25

Mopaḷut mako kon tua moiko in pisikan-Ku in tubig inta mosilang, sinbá modaritdon nongkon bayongan in berhalamu bo nongkon bayongan yagi-yagi inta ain nokokotor kon i monimu.

IMAMAT 14:7

Pisikan i imang in dugú in ḷagapan tatua kopitu in intau inta ain nopia, bo poniata kon sia tua ain nopia, bo poniata doman kon sia in nodarit. Bo ḷagapan inta nobiagpa tatua musti bayáannea buḻian kon padang gurun.

IMAMAT 16:4

Moiduduimai kon tua ki Harun musti monarukira kon atorang mita tanaa. Kon tungkuḷ in sia diápa tumuot kon Yuang inta Totok in Motusi sia musti moinggúpa muna bodongka momaké in pakeang imang, inta ḷambung, soḷana mopoḷok, baan bo bogot in uḷu, inta komintan nongkon kaeng linen.

IMAMAT 8:6

Bo sia in nopotabá kon i Harun bo kon i adínea mita mamangoi in muna bo mondarit kon awak monia.

ZAKHARIA 13:1

Ki Tuhan Inta Totok in mokawasa in noguman, “Kon singgai tatua momukábí bokaká tobatú sin mopotusi kon buí i Daud bo intau inta nogutun kon Yerusalem nongkon bayongan in dosa bo posumbaan kon berhala inta ain inaidan monia.

PINOGIAPAN 8:7

nanaa in pogogaid: pisikai in tubig in mosia mobaḻí upacara pondaritan bo pokikarugdon in bayongan bubuḷ kon awak monia bo momatá kon pakeang monia. Tua in aidan monia bá modaritdon in mosia.

MATIUS 3:11

Akuoi mopobaptis in tubig kon i monimu, saḷaku bukti kon moiko aindon mogogai in mogaid kon inta diá mopia, táe Sia inta mamangoi moiduduimai kon inakó naa, kawasa-Nea moiḻiu totok kon inakó, sedang tongá mobuka kon togot in sapatu-Nea yo diá patus in akuoi. Sia in mopobaptis kon i monimu in Roho i Allah bo tuḷu.

LUKAS 1:1

Tuang Teopilus inta mopia. Nobayongdon intau ain noramuji nomais kino tompia kon soaḷ mita inta ain nobaḻí kon sigad naton.

YOHANES 3:5

Ki Yesus in notubag, “Totuubí in singog-Ku tanaa: aka intau bo diá polahiron nongkon tubig bo nongkon Roho i Allah, yo intau tatua in diábí motaau in mobaḻí umat i Allah.

YOHANES 8:9

Naonda in nokodongogmai kon singog i Yesus natua, minayádon mosia nonaḷámai kon tampat tatua, nobatu-batú pinangkoi kon intau inta nogurang totok. Pangabisannea in dongkadon ki Yesus takin bobay tatua inta simindogpa mako kon tampatnea.

OUMAN IN RASUL MITA 22:16

Bo tanaa in donaaidon mokopoonggot in iko, pobangondon bo bayádon pokibaptis. Pokuanidon kon i Tuhan sinbá iko in pilatandon nongkon bayongan in dosamu.’ ”

OUMAN IN RASUL MITA 8:21

Diá motaau iko in dumudui mogaid takin nami, sin diá motuḻid in ginamu kon i Allah.

KORINTUS 1 6:11

Koḻipod oyúon in kon sigad monimu in umuran mogaid kon natua mita. Táe tanaa in poniatadon kon nodaritdon in moiko nongkon bayongan oaid inta diá mopia. Moiko in nobaḻídon umat i Allah inta piniḻí-Nea. Moiko buidon noyobayat i Allah, sin nopirisayadon kon i Tuhan Yesus Kristus bo popisí kawasa doman in Roho inta nongkon i Allah naton.

KORINTUS 2 7:1

Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

EPESUS 3:12

Popisí in mopirisaya kon i Kristus bo lantaran notobatúdon takin-Nea, dá kita inogoiandon in daḷan dimiug kon i Allah takin totu-totuu mopirisaya.

EPESUS 5:26

Inaidan i Kristus intua sinbá motaau-Nea daritan in jamaat tatua takin totundú-Nea bo takin tubig inta pobaptis, sinbá motaaudon posarakan-Nea kon i Allah.

EPESUS 6:5

Utatku mita inta nobaḻí ata! Duduiaibí in onu inta pinoki aid i tuangmu inta kon dunia naa. Aidai intua takin porasaan horomat, motoindudui, bo gina inta totu-totuu, naonda bo pogogaid monimu kon onu inta pinoki aid i Kristus tontaní.

TIMOTIUS 1 4:2

totundú mita tatua inta pinotaau i intau mita inta mongo munapik bo mongouboḷ. Gina in intau mita tatua ain nosindip.

TITUS 3:5

Sia in noposaḷamat kon i naton, táe deemanbí popisí in kita ain nogaid kon inta mopia, táe popisíbí in tabi-Nea kon i naton. Sia in noposaḷamat kon i naton takin Roho i Allah inta ain nobogoi kon i naton in kolahiran bo kobiagan mobagu takin cara nondarit kon i naton.

IBRANI 10:1

Hukum in agama Yahudi tongábí nobogoi in gambaran inta diá nosilang kon soaḷ mita mopia inta kon singgai moiduduimai, deemanbí gambaran inta totokanea nongkon soaḷ mita tatua. Sin hukum mita tatua in diábí mokosompurna kon intau inta mamangoi mosumba kon i Allah takin kodia-dia in barang inta posumba. Umpakabí pomuḷoi in taong umuran moposumba in kuruban mita natua.

IBRANI 10:19

Yo uḻe utat mita, dugú i Yesus tua in nobogoidon in kabaranian kon i naton in tanaa tumuot kon Yuang Totok Motusi.

IBRANI 11:28

Popisí in nopirisaya, dá ki Musa in nomia doman kon Paska bo nokipisik doman in dugú kon ḷoḻingkop mita in baḷoi in intau Israel sinbá diá ḻimodon in Malaekat Maut in ki adí mita monia guya-guyang.

IBRANI 12:24

Moiko in namangoi sinumayow kon i Yesus, tonsigad in dodandian inta mobagu tua; moiko in sinumayow kon dugú pinomisik inta nojamin kon soaḷ mita inta mopia-pia nongkon onu inta jinamin in dugú i Habel.

IBRANI 4:16

Tuamai, koḻigai in kita dika moondo-ondok in mayá kon tayowon i Allah inta nomarenta takin pia in gina. Motabibí in ki Allah kon i naton bo ogoian-Neabí in barakat, sahingga motarimabí in kita kon totuḷung-Nea aka kon wakutuneadon.

IBRANI 6:11

Ibogon nami bá moiko komintan in umuran morigon in gina bo totu-totuu mopirisaya kon wakutu in mobiagpa, sahingga in moiko motarima kon onu inta i harap mako monimu tua.

IBRANI 7:19

Sin diábí tobatúmai in motaau sompurnaan in hukum agama Yahudi tua. Tuamai tanaa kita in inogoiandon in harapan inta totuu mopira; sahingga in kita motaaudon dimiug kon i Allah.

IBRANI 9:10

Sin upacara mita tatua in tongábí soaḷ kokaanon bo oinumon bo noyagi-yagimaidon upacara pondaritan. Bayongan intua tongábí atorang mita in intau inta pakéon modapot wakutunea ki Allah monoimbagu kon dunia naa.

IBRANI 9:19

Munapabí in ki Musa nopotaau in bayongan hukum i Allah kon intau mita in Israel. Onda intua sia nogamá kon dugú in ki adí in sapi bo dugú in bembé koḷakian bo binaukannea in tubig. Noiduduimai kon tua pinisikanneadon in Buk inta pinomaisan kon hukum mita inta nongkon i Allah bo bayongan intau in Israel. Sia in nomisik kon tua takin hisop bo bubuḷ in domba inta nopuya totok in batangannea.

YAKOBUS 1:6

Tongá intau inta moigum in musti mopirisaya bo mokopotantú kon gina. Sin intau inta diá motantú in gina naonda bo bokoḷ kon dagat inta poyambá magí-mako in tompot.

YAKOBUS 4:8

Diugaidon in ki Allah, bo ki Allah in dimiugdon kon i monimu. Daritaidon in ḻimamu, moiko inta binaradosa! Bo insilangaidon in ginamu, moiko inta nonanga in gina!

PETRUS 1 3:21

Dá bá kotaauandon monimu kon onu inta nobaḻídon tatua nobaḻí oḻinow in baptisan inta nokosaḷamat kon i monimu tanaa. Baptisan tatua in deeman tobatú upacara pondaritan kon bayongan inta nokotor kon awak, táe tua in dodandianbí kon i Allah inta nongkon bonu in ginamu inta mopia. Baptisan tatua in mokosaḷamat kon i monimu sin ki Yesus Kristus ain nobiag bui nongkon kinopatoian,

WAHYU 1:5

bo nongkon i Yesus Kristus, sakusi inta mosatia. Sia tua inta muna-munamai totok biniag bui nongkon kinopatoian bo Sia doman in nongawasa kon bayongan datu kon dunia naa. Ki Yesus in motabi kon i naton, tuamai Sia in noibog minatoi sin momilat kon i naton nongkon kawasa in dosa mita naton,