HOSEA 9:15 - Alkitab Singog In Mongondow Masa In Tanaa

¹⁵ Ki Tuhan in noguman, “Bayongan in aid moraat monia pinangkoi kon Gilgal. Kon tuata nomangkoidon noyaat in gina-Ku kon i monia. Popisí in aid monia inta moraat, poguntunon-Kubí in mosia nongkon butá-Ku tanaa. Akuoi in diábí motabi bui kon i monia; bayongan in itoi monia ain noḷawang kon i-Nakó.

HOSEA 9:15 ပူးပေါင်းရင်းမြစ်များ

MAZMUR 78:60

Sia in nonaḷámai kon ḷoḷaigan-Nea kon Silo, tampat pogogutunan-Nea kon sigad in intau.

YESAYA 1:23

Itoimu mita momomarontak bo nobaḻí ki ata in mononakow; mosia in moibog motarima kon tombuinag bo doit posogó. Mosia in doíbí moduḷu kon uno-unon kon pongadilan; doí mokidongog kon popongaduan in boba-bobay mita.

YEREMIA 11:15

Ki Tuhan in noguman, “Umat-Ku inta kinotabi-Ku ain nogaid kon inta moraat mita. Mosia in diádon in hak tumuot kon Baḷoi-Ku. Kai monia kamai kon pongin momia kon dandi mita, bo pongin moposumba in mahaḷuk, mosia in mokoampaidon kon bodito. Degá pongin natua mouḻí monia in mosanang?

YEREMIA 12:8

Umat inta piniḻí-Ku noḷawang kon i-Nakó; naonda bo singa kon kayuon natuata in mosia moganggor kon i-Nakó. Tuamai in Akuoi morongó kon i monia.

YEREMIA 15:1

Ki Tuhan in noguman kon inakó, “Diá bidon in Akuoi motabi kon bangusa tanaa, umpakabí ki Musa bo ki Samuel in simindog kon naa mopoigum in totabi-Ku kon i monia. Potabádon mayá in bangusa tanaa, doídon in Akuoi moindoi kon i monia!

YEREMIA 5:5

Biódon Akuoi in mayá kon intau mita moḷoben, bo moyosingog monia. Notantúbí kon kinotaauan monia onu inta kinoibog bo inta sinuntut i Tuhan Allah kon i monia.” Táe, mosia komintan doí parentaan i Tuhan, mosia in doí motoindudui kon i-Nia.

YEHEZKIEL 22:27

Pojabat mita in pomarentanea naonda bo serigala inta noyingki-yingkit kon kokaanonnea. Mosia in moḻimod tongábí makusud motayak kon kauntungan.

YEHEZKIEL 23:18

Nopaḷut mako kon tua diádon inumado-adop in sia in sumundaḷ bo mopoontongdon in awaknea kon intau mita. Mobú in Akuoi in mokoontong kon inia, ná kobú-Ku mokoontong kon i guya-guyangnea.

HOSEA 1:6

Onda intua ki buḷoiku tatua nopononggadí bui in adí nami nogindua, adí bobay. Ki Tuhan in noguman kon inakó, “Hosea, tangoiai in ki adímu tatua ‘Inta diá Kinotabi’, sin Akuoi in diá bidon motabi bui kon bangusa in Israel, bo totokbí in diá mongampung kon i monia.

HOSEA 1:9

Ki Tuhan in noguman kon inakó, “Tangoiai in adímu tatua ‘Deeman Umat-Ku’, sin intau in Israel in deeman umat-Ku, bo Akuoi in deemanbí ki Allah monia.”

HOSEA 12:11

Akuoi in nosingogdon kon nabi mita, bo nobogoidon in nobayong in oontongon kon i monia. Pinongin i monia Akuoi nopotaau in tomayá-Ku mita kon i monimu, umat-Ku,

HOSEA 12:2

Bayongan yagi-yagi inta pinomia in intau in Israel nongkon doḷo-doḷom nodapot in doḷom diá in mangaḻenea bo sipatnea in moyopúbí naonda bo tompot nongkon pomukaan. Aid motombogá bo moḻingá kodugang-kodugang kon sigad monia. Mosia in nomia kon dodandian noyotakin i Asyur bo nodia kon ḷana minayá in Mesir nobaḻí tomponuot yoyobayatan.”

HOSEA 3:4

Natuabí doman in bangusa in Israel; noonggotdon totok in mosia in musti mobiag takin diá in datu andeka itoi, takin diá in kuruban andeka tugu mita mokaramat, takin diádon in berhala mita andeka ajimat mita inta mopotaau in onu inta noibunipa kon singgai moidudui.

HOSEA 4:15

Ei moiko intau in Israel, moiko in diá motoindudui kon i-Nakó! Táe, harapon-Ku mako Yohuda in diá mogaid kon taḷá ná inta inaidan monimu! Dika moibada kon Gilgal andeka kon Betel. Dika mongibot kon tua podoyon kon tangoi i Tuhan inta nobiag.

HOSEA 4:9

Dá moiko in mororigabí naonda bo rayat! Hukumon-Kubí in moiko podudui in oaid monimu.

HOSEA 7:2

Diábí kon dodai in onda in noiraimai kon i monia kon toropon-Kubí in bayongan in aid moraat tatua. Táe dosa mita monia in noikoḷobdon kon i monia dá nosilangdon totok kon mata-Ku.”

HOSEA 9:17

Ki Allah inta inundoiku tua in mondoídon kon umat-Nea, popisí in mosia doídon mokidongog kon i-Nia. Mosia in maya-mayá mako kon sigad in bangusa mita.

HOSEA 9:3

Moiko, ei bangusa in Israel, diábí umuran mogutun kon butá inta inogoi i Tuhan kon inimu. Moiko in mustibí mobui kon Mesir, bo musti mokaan kon kaanon haram kon Asyur.

IMAMAT 26:30

Rimumudon-Kudon in tampat mita pososumbaanmu kon tudu in buḷud mita, mogumpag kon mezbahmu mita tampat pototubáan kon dupa, bo mopogambat in mayat mita monimu kon tudu in toḻindua mita in Tuhanmu inta ain noumpag tatua. Takin yaat in gina

AMOS 4:4

Ki Tuhan Inta Totok in Moḷantud in noguman, “Ei umat in Israel! Bayádon kon pooibadaan kon Betel, bo pogaidon kon dosa kon tua! Bayádon in Gilgal, bo pogaidon kon dosa kinoibog in ginamu! Kumudungdon in moposumba in kuruban pomuḷoi in doḷo-doḷom, bo modia kon mopuḷú noporosen nongkon bayongan inta nouḻímu pomuḷoi in toḷu nosinggai!

AMOS 5:27

Kon tungkuḷ in ḷumbúon-Ku in moiko kon butá tobatú inta noyayú nongkon Damsyik. Akuoi ki Tuhan inta tangoi-Ku ki Allah Inta Totok in mokawasa ain nosingog.”

AMOS 5:5

Dika mayá in Bersyeba sin moibada. Dika motayak kon i-Nakó kon Betel, sin Betel in moinggamábí. Dika doman mayá in Gilgal, sin intau kon kotá tatua in akutonbí pobayá in poḷumbúan.”

MIKHA 3:11

Mongongawasa mita in kotá momarenta mokiigum in doit pomompon kon bibig, imang mita in motundú kon hukum i Tuhan sin motayak kon tondan pogaidan, bo nabi mita mopoigum in topotundú nongkon i Allah sinbá mokouḻí kon doit – bo kai monia kamai dá ki Allah in dinumotábí kon i monia. Mosia in moguman, “Ki Tuhan in oyúon kon yua-yuak naton; kita in diábí koantugan in anib.”

MIKHA 6:5

Umat-Ku, toropdon onu in sinomayá i Balak datu in Moab kon inimu, bo onu in sinubagan i Bileam ki adí i Beor kon inia. Toropdon onu in nobaḻí kon binayáan kon sigad in ḷoḷaigan kon Sitim bo kon Gilgal. Aka kotoropan monimu komintan intua, yo kotaauandon monimu onu inta ain inaidan-Ku sin moposaḷamat kon i monimu.”

ZEPANYA 3:3

Intau mita moḷoben kon kotá mita tatua in naonda bo singa inta moroganggor. Hakim-nea mita in naonda bo serigala mita inta ginogoi; mosia in totok turá nodapot in tuḷan yo diábí in sinaḷáan kaanon mopoikoḷomai.

ZAKHARIA 11:8

Toḷu in gombala inta doí kon inakó nokoinggamá kon sabarku. Mosia in pinoguntunku kon bonu in tongobuḷan monag.

OUMAN IN RASUL MITA 4:27

Sin totuubí kon ki Herodes bo ki Pontius Pilatus aindon noyosipun kon kotá tanaa takin intau mita inta diá nonotaau kon i Tuhan bo intau mita in Israel sin moḷawang kon i Yesus, simpaḷ-Mu inta ain piniḻí-Mu bo inta kinoibog-Mu.

OUMAN IN RASUL MITA 5:21

Dá rasul mita tatua in dinumudui kon koyow in malaekat tatua. Modiugpa mobayag in mosia minayá in Baḷoi Tuhan bo mulai notundú kon tua. Kon wakutu intua imang moḷoben bo dumoduduinea mita in namangoi bo nogaid kon sidang takin itoi mita intau in Yahudi. Onda intua binayá monia pinoki gamá in rasul mita tatua kon ponjara sin sidangon potayow kon i monia.

YOSUA 10:43

Nopaḷut mako kon tua, ki Yosua nobuidon takin in tontaranea kon pinononḷoḷaigan kon Gilgal.

SAMUEL 1 7:16

Pomuḷoi in taong sia mayá moḻibu kon Betel, Gilgal, bo Mizpa. Bo kon tampat mita tatua sia mopoyotutui in pelekara mita yogenggengan.