HOSEA 9:12 - Alkitab Singog In Mongondow Masa In Tanaa

¹² Táe umpaka oyúon in adí mita inta pononggadí bo biniag, mosia in gamáan-Kubí; diábí tobatúmai in intau in pomayá-Ku mako mobiag. Moboditodon in moiko, ei bangusa in Israel, aka taḷaan-Ku in moiko!”

HOSEA 9:12 ပူးပေါင်းရင်းမြစ်များ

DATU MITA 2 17:18

dá sinumorúdon totok in Sia kon i monia bo diá noindoimai kon i monia. Iḷumbú-Nea in mosia nongkon butá inta inogoi-Nea kon i monia; dongkadon dodatuan in Yohuda in sinaḷáan.

DATU MITA 2 17:23

dá kon imbuitnea ki Tuhan in doídon noindoimai kon i monia, noidapotdon in iḷumbú in mosia nongkon butá inta inogoi-Nea kon i monia. Tua in nobaḻí notongkai ná tompoingat inta ain inogoi i Tuhan kon i monia pinongin mogogundoi-Nea mita, inta nabi mita. Natuata in nobaḻí intau in Israel in dinia iḻumbú kon butá in Asyur, bo kon tuadon in pinogutunan monia noidapot in tanaa.

AYUB 27:14

Aka ki adínea mobayong, yo mosia in matoi kon bonu in parang bo adí bo ompunea in mobiag mobogá.

YEREMIA 15:7

Kon batúan in kotá kon butá tanaa moiko in ḷumbúon-Ku naonda bo wawa. Umpakabí moiko in umat-Ku táe yopúon-Kubí in moiko takin ki adímu mita popisí in moiko doí momaḷui kon gogutúmu.

YEREMIA 6:8

Ei intau in Yerusalem, igumon mako bayongan in roriga tatua mobaḻí tompoingat kon inimu! Dika modapot in Akuoi monaḷámai kon imonimu bo baḻíon-Ku in kotámu tatua padang gurun inta diá pinogutunan in intau.”

OMBAḶ 2:20

Kaasí Tuhan, indoiai bo taridiaipa in mosia inta iroriga-Mu tatua! Degá oyúon in nokoimontan-Mu pinomia natua? Ki iná nokaan kon i adínea inoyod inta kinotabi totok, imang bo nabi in iḻimod kon bonu in Baḷoi-Mu inta motusi.

OMBAḶ 2:22

Inoiní-Mu in musung mita inta kinoondok nami sin momia kon rame aid moḻingá kon ḻibumai nami. Mosia in noḻimod kon bayongan inta biniag bo inta kinotabi nami. Kon singgai in torú-Mu, diábí tobatúmai in intau in mokoḷagui.

HOSEA 7:13

Mobodito in mosia, sin mosia in nonaḷámaidon kon i-Nakó. Mosia in morimumudbí sin nomaḷawangdon kon i-Nakó. Akuoi in moibogbí moposaḷamat kon i monia, táe ibada monia kon i-Nakó in tongábí ubo-uboḷ ibada.

HOSEA 9:13

Tuhan, inontongku in ki adí mita monia in dinuduran bo iḻimod.

HOSEA 9:16

Intau in Israel in hukumon-Kubí. Mosia in mobaḻíbí naonda bo pinomuḷa inta diá nomungai, bo inta uakatnea mita ain noingkag. Mosia in diábí mokouḻí kon adí; táe umpaka mosia kogadí, yo ḻimodon-Kubí in adí mita inta kinotabi monia tua.”

MALEAKHI 2:12

Igumon mako intau mita inta nogaid kon natua in poyayúondon i Tuhan nongkon umat in Israel. Igumon mako mosia in diádon dumudui kon bangusa naton moposumba in kuruban mita kon i Tuhan Inta Totok in mokawasa.

PINOGIAPAN 14:34

Moiko in mobababí kon bungai mita in dosamu opat nopuḷú notaong koonggotnea; totaong iyapon tosinggai nongkon pomuḷoi in singgai inta pinaké monimu minayá nonaridi kon butá tatua. Kotaauanbí monimu naonda in kororiganea aka Akuoi moḷawang kon i monimu!

PINOGIAPAN 26:65

Ki Tuhan ain noguman kon mosia komintan in matoibí kon padang gurun. Bo totuu kon mosia in minatoidon komintan, koḻikudon in ki Kaleb adí i Yepune bo ki Yosua adí i Nun.

ULANGAN 28:18

Kinutuk in moiko, dá tongádon topiḻik in adímu, bungai in boyómu, takin sapi bo bembé dombamu.

ULANGAN 28:32

Kon tayowon matamu adímu mita in ogoi mobaḻí ata kon intau ango-angoi. Pomuḷoi in singgai matamu mopomporí in motayak kon i adímu mita, táe diábí in mangaḻenea, sin mosia in diábí mobui mangoi.

ULANGAN 31:17

Aka tua bo mobaḻí, yo torú-Ku in moḷobendon kon i monia. Mosia in taḷaan-Kudon bo yopúon-Ku. Mobayong in bodito mokoondok in moiuma kon i monia, bo mosadardon in mosia kon tua mita in nobaḻí popisí in Akuoi, ki Allah monia diádon koyota-yotakin monia.

ULANGAN 32:25

Parang in modia kon kopopatoi kon daḷan mita; mokoondok in moiuma kon intau mita kon baḷoi. Tayow mobiag bo mongodeaga mita batánea in tokoyopúon, bo adí doman mointok bo intau inta nogoguyangdon.

HAKIM MITA 4:16

Ki Barak nogaḷow kon kereta mita in parang bo tontara mita in musung tatua nodapot kon Haroset-Hagoyim bo bayongan in tontara i Sisera tatua iḻimodnea; diá tobatúmai in pinomayánea mako nobiag.

SAMUEL 1 16:14

Kon dodai intua ki Saul sinaḷáandon in Roho i Tuhan, bo tanaa in sia tuyayowondon in dimukud moraat inta pinotabá i Tuhan.