HOSEA 8:2 - Alkitab Singog In Mongondow Masa In Tanaa

² Umpaka mosia moguman kon Akuoi in ki Allah monia, bo moguman kon mosia in umat-Ku inta nonotaau kon i-Nakó,

HOSEA 8:2 ပူးပေါင်းရင်းမြစ်များ

DATU MITA 2 10:16

poḷat noguman, “Koḻigai dudui bo indoiai tontaní naonda in akuoi dumudui kon onu inta pinoguman i Tuhan.” Bo noyotakindon in mosia sinumakoi kon kereta minayá in Samaria.

DATU MITA 2 10:29

Tuamai in ki Tuhan noguman kon i Yehu, “Bayongan inta pinarentaku kon inimu inta aidanmu kon buí i Ahab aindon inaidanmu. Tuamai in modandi in Akuoi kon adí bo ompumu modapot in buímu inggopatnea in mobaḻíbí datu kon Israel.” Táe diá noḻimbatú in gina i Yehu in dinumudui kon hukum i Tuhan, Allah in Israel. Dinumuduibí in sia kon aid i Yerobeam inta nokopopisí kon intau in Israel binaradosa pinongin nosumba kon sapi buḷawan inta pinosindognea kon Betel bo kon Dan.

YEREMIA 7:4

Dikabí mopirisaya kon intau mouboḷ inta moguman, ‘Kita in noaman, sin naa in Baḷoi Tuhan. Totuu kon naa in Baḷoi Tuhan!’

HOSEA 5:15

Umat-Ku in taḷaan-Kubí modapot in roriga kon i monia tugatdon popisí in dosanea mita, bo mamangoi sin motayak kon i-Nakó. Degá kon bonu in roriganea, mosia in moḷongasi moyodungkuḷ-Ku.”

HOSEA 8:3

táe diábí tarimaan monia onu inta mopia. Tuamai mosia in duduranbí in musung mita monia.

MIKHA 3:11

Mongongawasa mita in kotá momarenta mokiigum in doit pomompon kon bibig, imang mita in motundú kon hukum i Tuhan sin motayak kon tondan pogaidan, bo nabi mita mopoigum in topotundú nongkon i Allah sinbá mokouḻí kon doit – bo kai monia kamai dá ki Allah in dinumotábí kon i monia. Mosia in moguman, “Ki Tuhan in oyúon kon yua-yuak naton; kita in diábí koantugan in anib.”

MATIUS 25:11

Onda intua noiangoidon in mongodeaga mita inta bodok bo noguman, ‘Tuang, Tuang, bukataipa in ḷoḻingkop sin tuotan nami.’

MATIUS 7:21

“Diábí komintan intau inta mogoiní kon i-Nakó, ‘Tuhan, Tuhan,’ in mobaḻí umat-Ku, táe tongábí mosia inta dinumudui kon koibog i Amá-Ku inta kon soroga.

LUKAS 13:25

Aka ki togi baḷoi bo simindogdon moḻingkop kon ḷoḻingkop in baḷoinea, yo moiko in dongka bidon simindog mako kon ḷuai bo umuran monangkokó bo moguman, ‘Tuang, bukataipa in ḷoḻingkop sin tuotan nami!’ Táe ki togi baḷoi tatua in motubag kon i monimu nanaa, ‘Diábí kinotaauan-Ku mongo nongkon onda in moiko!’

TITUS 1:16

Mosia in mongaku kon nonotaaudon kon i Allah, táe oaid monia in diábí noidudui kon inta kinoibog i Allah. Oaid monia tua mokorongó bo diá doman motoindudui; mosia tua in intaubí mita inta diádon mokomampu mogaid kon inta mopia.

YOHANES 1 2:4

Intau inta mongaku, “Akuoi in nonotaau kon i Allah,” táe diá dinumudui kon parenta-Nea mita, yo mouboḷ in intau tatua, bo ki Allah in doíbí mogutun kon bonu in ginanea.