HOSEA 7:13 - Alkitab Singog In Mongondow Masa In Tanaa

¹³ Mobodito in mosia, sin mosia in nonaḷámaidon kon i-Nakó. Mosia in morimumudbí sin nomaḷawangdon kon i-Nakó. Akuoi in moibogbí moposaḷamat kon i monia, táe ibada monia kon i-Nakó in tongábí ubo-uboḷ ibada.

HOSEA 7:13 ပူးပေါင်းရင်းမြစ်များ

NEHEMIA 1:10

Tuhan, kami naa in mogogundoi-Mu mita, umat-Mu tontaní inta pinosaḷamat-Mu pinongin kawasa bo ropot-Mu inta motoyang.

AYUB 22:17

Mosia tuata inta mokobaḻí mogindoí kon i Inta Totok in mokawasa, bo kainia kamai diábí in Sia mokoaid kon onu bo onu kon i monia.

MAZMUR 106:10

Tua in inaidan-Nea sin moposaḷamat kon i monia nongkon kawasa in musung, pinoḷuat-Nea in mosia nongkon kawasa in musung.

YESAYA 30:1

Ki Tuhan noguman, “Mobodito in intoi mita in Yohuda, sin mosia in momarontak kon i-Nakó. Mosia in dinumudui kon tomayá mita inta deeman tomayá-Ku. Mosia in notekeng kon dodandian inta noyoposi in ibog-Ku. Dá moguntu-guntuḷdon in dosa monia.

YESAYA 30:2

Mosia minayá in Mesir takin diá nopoigum in kinotantúan in tosingogon-Ku. Mosia in nokioḻiung kon Mesir bo moharap mako kon totuḷung in datu in Mesir.

YESAYA 31:1

Moboditodon in intau inta mayá in Mesir sin mokituḷung! Mosia in mopongatabí in ropot in tontara in Mesir inta tumakoi kon kabaḷo bo kabaḷonea inta mongoropot bo keretanea inta mobayong. Táe mosia in diábí mopirisaya kon i Tuhan, Allah mokudus in Israel bo diá mokituḷung kon i-Nia.

YESAYA 41:14

Guman i Tuhan, “Dika moondok, Israel, umpaka in iko mointok bo moyangkó. Akuoibí in ki Tuhan inta motuḷung kon inimu, Inta Totok in mokudus, Allah in Israel in mopoposaḷamatmu.

YESAYA 43:1

Israel, nanaa in guman i Tuhan, “Akuoibí in inta nomaḻí bo inta nomia kon inimu, dika moondok, iko in notantú bidon kon posaḷamaton-Ku! Akuoi in nogoinídon kon inimu pinongin tangoimu, iko in Akuoi in kitogi.

YESAYA 59:13

Kami in nonguboḷdon bo nomarontak kon i Tuhan, bo doí dumudui kon i Allah nami. Kami in nondorotdon kon intau ibanea bo nobaḷui in raian; raian nami in noiḷaḻedon, bo tosingogon mita nami in uboḷ.

YESAYA 63:8

Ki Tuhan in noguman, “Totuu, mosia in umat-Ku, adí mita inta diá mokokudai kon gina.” Dá Sia in nobaḻí mopoposaḷamat monia,

YEREMIA 14:10

Aka kon bangusa tatua ki Tuhan in noguman, “Diá mopia in gina-Ku kon intau mita tatua inta moibog moḷagui kon i-Nakó, bo doí monahang kon gina. Diábí koḻiongan-Ku in taḷá monia, hukumon-Kubí in mosia popisí in dosa monia.”

YEREMIA 42:20

kon moiko in nogaidon kon taḷá moḷoben. Moiko in nopoigum sinbá akuoi in mosambayang kon i Tuhan Allah naton sin kopontingan monimu, bo moiko in nodandi kon dumuduibí kon bayongan inta pinoguman i Tuhan.

YEREMIA 51:9

Intau ango-angoi inta nogutun kon tua in nosigumanan, ‘Kita in noḷongasidon notuḷung kon Babel, táe nolatdon! Maníka taḷaandon naton in butá tanaa bo mobui kon butá naton tontaní. Ki Tuhan in nohukumdon kon Babel totok in mobogat, bo norimumudon komintan.’ ”

YEREMIA 7:15

Moiko in poguntunon-Ku nongkon tayowon-Ku ná inta pinogoguntun-Ku kon ginaḷum motoḷuadímu, umat in Israel.”

OMBAḶ 5:16

Onu inta nokoyunggagá kon inami in diádon, kami in nobodito popisí in binaradosadon.

YEHEZKIEL 16:23

Ki Tuhan Inta Totok in moḷantud noguman, “Moboditodon in iko! Totuu kon mobodito! Iko in nomiadon kon bayongan inta moraat tatua.

YEHEZKIEL 18:2

“Nongonu sin singog tango-tangoion tanaa in tantúbí kotango-tangoian kon butá in Israel? ‘Guyanga in mokaan kon bungai in anggur inta boil táe ingiponbí in mongoadí mita in monilu.’

YEHEZKIEL 18:25

Degá oyúon in moguman nanaa, ‘Noitaḷádon in aid i Tuhan.’ Indongogaidon, ei intau in Israel! Degá noitaḷá in inta inaidan-Ku? Moikobí in noitaḷá.

YEHEZKIEL 34:6

Dá domba-Ku mita in minayádon in tombuḷudannea mita inta moḷantud bo kon buḷud mita. Mosia in noibaya-bayá mako kon sinangkub in butá, diábí tobatúmai in intau in nopandungmai bo notayak kon i monia.

HOSEA 11:2

Táe kokakit-kokakit in oiní-Ku kon i adí-Ku tatua koyayú-koyayú domandon in sia kon i-Nakó. Sia in nodia kon kuruban bo notubá kon kamania kon i Baal bo dewa mita ibanea.

HOSEA 5:7

Mosia in diá motoindudui kon i Tuhan; ki adí mita monia in deemanbí ki adínea. Tuamai, diádon moonggot in mosia bo yopúon poyotakinon in gobá mita monia.

HOSEA 7:1

Ki Tuhan in noguman, “Pomuḷoi in Akuoi moibog monompia kon umat-Ku Israel bo mopoyobui in kaadaan monia, inta ontongon-Ku in tongábí aid moraat bo dosa monia. Mosia in mosiakaḷan, tumuot in mosia kon baḷoi in intau bo monakow, bo mosia in mogagow kon daḷan mita.

HOSEA 7:3

Ki Tuhan in noguman, “Pinongin tompobaḻik bo aid mita inta moraat rayat moḷongasi moposanang in gina i datu bo in pojabat mita in pomarenta.

HOSEA 9:12

Táe umpaka oyúon in adí mita inta pononggadí bo biniag, mosia in gamáan-Kubí; diábí tobatúmai in intau in pomayá-Ku mako mobiag. Moboditodon in moiko, ei bangusa in Israel, aka taḷaan-Ku in moiko!”

HOSEA 9:17

Ki Allah inta inundoiku tua in mondoídon kon umat-Nea, popisí in mosia doídon mokidongog kon i-Nia. Mosia in maya-mayá mako kon sigad in bangusa mita.

YUNUS 1:10

Onda intua inoumanneadon kon naonda in sia moḷongasi moḷagui kon i Tuhan. Nokodongogmai kon tua intau mita in kapaḷ nodugangdon noondok, bo noguman kon inia, “Totokbí in mokobaḻí in iko in mogaid kon natua!”

YUNUS 1:3

Táe ki Yunus in tongábí minayá in kotá ibanea sin yumayú kon i Tuhan. Sia in minayá in Yope, noikoḷatbí nokouḻí kon kapaḷ inta mopobayá in Spanyol. Naonda in noguboḻi mako kon tondan in takoiannea, sinumakoidon in sia kon kapaḷ, bo dongka iḷumeag noyotakin in intau mita in kapaḷ nopobayá in Spanyol, sin yumayú kon i Tuhan.

MIKHA 6:12

Intau mita inta nooyúon kon kotámu in mondorot kon intau nobogá, bo moiko komintan in mongopopak.

MIKHA 6:4

Moiko in dinia-Kudon iḻumuai nongkon Mesir, bo pinoḷuat-Kudon nongkon pinononggataan; Akuoi in nopotabádon kon i Musa, kon i Harun, bo kon i Miryam sin modia kon i monimu.

MATIUS 23:37

“Yerusalem, Yerusalem! Nabi mita iḻimodmu. Totabá mita i Allah inandurmu in batu nodapot in minatoi. Nokakitdon in Akuoi moibog totok mosipun kon i adímu mita naonda bo ki iná in manuk mosipun kon i adínea mita kon koḻikipnea, tongá doí in moiko!

ULANGAN 15:15

Toropdon kon moiko in koḻipod in atabí doman kon Mesir bo pinoḷuatdon i Tuhan Allahmu; tuamai in ogoiku in parenta tanaa kon inimu.

YOHANES 1 1:10

Táe aka kita in moguman kon kita naa in diá kotaḷá, dá inanggapdon naton kon ki Allah tua in naonda bo mouboḷ, bo onu inta siningog-Nea diádon sinagú mako naton kon bonu in gina.

WAHYU 8:13

Bo akuoi in nokoontong bo nokodongog kon ḷagapan boniá tobatú inta iḷumayug noḷantud nomaḷú nanaa: “Mobodito! Mobodito! Moboditodon in bayongan intau kon dunia naa aka mokodongogdon kon malaekat taya toḷu ibanea in mogirup kon torompetnea!”