HOSEA 6:8 - Alkitab Singog In Mongondow Masa In Tanaa

⁸ Gilead in kotá inta nopuḻing in intau moraat bo moḷoḻimod.

HOSEA 6:8 ပူးပေါင်းရင်းမြစ်များ

SAMUEL 2 20:8

Naonda in mosia nodapot in batu moḷoben kon Gibeon, ki Amasa namangoi nokipodungkuḷ kon i monia. Kon dodai intua ki Yoab nogiḷambung in ḷambung parang bo nopogabit in kedangnea. Naonda in sia minayá, gumá in kedangnea tatua noḷuat nodapot in kedangnea nopamping kon ḻimanea koḷoigi.

SAMUEL 2 3:27

Naonda in ki Abner nodapotdon kon Hebron, inanutan i Yoab in sia minayá sinimí nopobayá in diug in ngara moḷoben, naonda bo oyúon in oumanon inta diá motaau kodongogan in intau ibanea. Bo daḻídon sinumbuk i Yoab kon sian in ki Abner nodapot in minatoi in sia. Ki Abner minatoi iḻimod i Yoab sin nonuḻí kon kinopatoian i ai-ainea ki Asael.

DATU MITA IMITÁNEA 2:5

Tobatúpa doman! Kinotoropanmupabí in onu inta ain inaidan i Yoab kon inakó takin noḻimod kon porwira in Israel doyowa, ki Abner adí i Ner bo ki Amasa adí i Yeter. Sia in noḻimod kon i monia kon dodai in diá noparang sin motuḻí kon pinoḻimodan monia kon dodai in parang. Sia in noḻimod kon intau inta diá kotaḷá táe tanaa in akuoidon in musti mobaba kon oaidnea bo akuoidon in mororiga.

MAZMUR 10:8

Sia in mogadop kon ḻipú mita sin moḻimod kon intau mita inta diá kotaḷá. Naonda bo singa sia in mogoḷat kon siungon in bo bonganga motarap mako kon intau inta moyangkó. Sia in moḷabot kon intau nobogá kon tampat inta moingongow, domokonnea bo pogambatnea mako.

MAZMUR 141:4

Poyayúdon in akuoi kon ibog mogaid kon inta moraat. Dikabí pomayá mako in akuoi in moyokapung in intau moromú bo mongaan moyotakin kon bobutungan monia.

MAZMUR 59:2

O Allah, posaḷamatdon in akuoi nongkon musungku mita, oḻingoiaidon in akuoi nongkon intau inta monubu kon inakó.

YEREMIA 11:19

Akuoi in naonda bo domba inta diábí in curiga dinia kon tampat pororataan. Diábí kinotaauanku kon akuoibí inta nobaḻí makusud in tomayá mita moraat monia. Mosia in noguman, “Igai pupuḷon naton in pangkoi in kayu tanaa kon dodai in sia in momungaipa; yopúon naton in sia sinbá tangoinea in ḻiongondon in intau.”

HOSEA 12:11

Akuoi in nosingogdon kon nabi mita, bo nobogoidon in nobayong in oontongon kon i monia. Pinongin i monia Akuoi nopotaau in tomayá-Ku mita kon i monimu, umat-Ku,

HOSEA 12:12

tongá umpaka natua oyúonpa doman in nosumba kon berhala kon Gilead, bo moposumba in sapi kon tudu in mezbah kon Gilgal. Táe mosia inta nosumba kon berhala tatua in matoibí, bo mezbah mita kon Gilgal in mobaḻíbí bonturungan in batu kon gobá mita.”

HOSEA 4:2

Mosia in mongibot, táe diábí totuuon monia; mosia in monguboḷ, moḻimod, monakow bo monuaḻing. Aid moraat modugang, bo poḻimodan in moyo-moyodudui.

HOSEA 5:1

Ki Tuhan in noguman, “Indongogaidon, ei imang mita! Taridiaidon, ei intau in Israel! Indongogai, ei intau mita buí in datu! Hukuman in pinoḷabúdon kon i monimu. Sin, mustibí mokopoadil in moiko in monisig, táe noyotuuidon, moiko in nobaḻídon ná poyogaḷap kon Mizpa, naonda bo potait kon Buḷud in Tabor,

MIKHA 7:2

Intau motuḻid diádon in kon butá, intau inta motoindudui kon i Allah diádon mouḻí. Batúan in intau komintandon mogoḷat kon kasampatan moḻimod. Kon batúannea motaan kon poyogaḷap kon tumpaḷa intau.

OUMAN IN RASUL MITA 25:3

Mosia in umuran modondouḷug kon i Pestus sinbá podudui in kopopia in ginanea, sin in moibog mopotabá kon intau modia kon i Paulus mayá in Yerusalem; sin mosia ain notobatú kon gina moḻimod kon inia wakutu in sia kon daḷanpa.