HOSEA 6:5 - Alkitab Singog In Mongondow Masa In Tanaa

⁵ Tuamai in Akuoi nopotabá in nabi-Ku mita sin mopotaau kon inimu onu inta ain sinantú-Ku kon moiko in mustibí hukumon bo yopúon. Inta koibog-Ku kon i monimu in nobayag bo nosilang bidon:

HOSEA 6:5 ပူးပေါင်းရင်းမြစ်များ

KINOBAḺIAN 18:25

Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

DATU MITA IMITÁNEA 14:6

Táe naonda in dinongog i Nabi Ahia in ḷangkad in sioḷnea kon ngara, noguman in sia, “Igai tumuot, kinotaauankubí kon iko in ki buḷoi i Yerobeam. Dikadon ki ubo-uboḷmai. Oyúon in habar diá mopia kon inimu.

DATU MITA IMITÁNEA 17:1

Oyúon in nabi tangoinea in ki Elia. Sia in nongkon Tisbe, kotá tobatú kon butá in Gilead. Kon singgai tobatú namangoi in sia kon i Datu Ahab bo noguman, “Pinodoyon kon i Tuhan inta nobiag, Allah inta sinumba in intau in Israel bo inta pinogundoianku, akuoi in mopotaau in naa kon i Tuang, kon bonu in doyowa andeka toḷu notaong moiduduimai naa in diábí in oḷú andeka uyan tongopiḻikmai, koḻikudbí in aka pogumankudon.”

DATU MITA IMITÁNEA 18:17

Kon dodai in ki Ahab nokoontong kon i Elia, ki Ahab nomaḷú, “Naa in sia mononuyayow kon i Israel!”

DATU MITA IMITÁNEA 19:17

Ki ineka in diá ḻimodon i Hazael, yo ḻimodonbí i Yehu, bo mosia inta mokoḷagui nongkon i Yehu yo ḻimodonbí i Elisa.

DATU MITA 2 1:16

Bo ki Elia in noguman kon i datu, “Ki Tuhan in noguman, ‘Iko in nopotabá in intau nopoigum in topotundú kon i Baal-Zebub dewa in kotá in Ekron naonda bo kon Israel in diá in Allah inta motaau poḻibóan. Tuamai iko in diábí mopia, iko in matoibí!’ ”

TAWARIKH 2 21:12

Bo ki Yehoram in nokouḻí kon surat tobatú inta pinais i Nabi Elia kon wakutu in sia nobiagpa. Nanaa in tombonu in surat tatua, “Ki Tuhan, Allah inta sinumba i Daud mohukum kon i Tuang sin ki Tuang in diá dinumudui kon aid i amá bo i aki i Tuang.

AYUB 15:30

Sia in diábí moiḷagui kon sindip; tuḷú in momokakbí kon tokatnea mita. Moputúbí in sia in tompot nongkon bibig i Allah.

AYUB 34:10

Ei intau mita inta moarip, indongogai! Umpaka dá ki Allah Inta mokawasa totok mogaid kon moitaḷá?

MAZMUR 119:120

Akuoi in mourot popisí in moondok kon ini-Mu, ginaku in moondok kon atorang-Mu.

MAZMUR 37:6

Poniata-Neabí in kototoinduduimu naonda bo bayag, bo kototuḻid in ginamu naonda bo singgai.

YESAYA 11:4

Intau bogá ihakimnea kinoadil, intau inta diá kodaya dinuḷuannea takin gina motuḻid; intau kotaḷá ihukum podudui in parentanea, intau moraat iyompatnea.

YESAYA 58:1

Ki Tuhan in noguman, “Pomaḷúdon podudui in ropotmu! Potaaudon kon umat-Ku in dosa mita monia.

YEREMIA 1:10

Singgai in naa Akuoi in mobogoi kon inimu in kawasa kon bangusa mita bo dodatuan mita – kawasa mogumpag bo morumbun, bo mopoḷabú bo moyopú, sin moposindog bui bo momuḷa.”

YEREMIA 1:18

Indongogai! Iko in tayowanbí in intau mita kon butá tanaa, pinomayá datu mita in Yohuda, pomarenta mita, imang mita, bo rayat. Táe singgai naa Akuoi in mobogoi in ropot kon inimu sin monayow kon i monia. Iko in mobaḻídon naonda bo kotá inta dininding, naonda bo oigi uatoi bo dinding bitú. Mosia in diábí mokotaḷow kon inimu, sin Akuoi in moyotakinmu bo moḷukad kon inimu. Akuoi, ki Tuhan, ain nosingog.”

YEREMIA 13:13

Dá pogumandon kon i monia kon intau mita kon butá tanaa, datu mita buí i Daud, imang mita, nabi, bo bayongan in intau in Yerusalem in bonuan-Ku kopuḻingon in anggur modapot in moḷoḷangu.

YEREMIA 23:29

Tosingogon-Ku in naonda bo tuḷú, bo ná bobibil inta norimumud kon batu!

YEREMIA 5:14

Bo ki Tuhan inta Totok in mokawasa in noguman kon inakó, “Yeremia, popisí in intau mita tatua nosingog natua, dá mosia in kotugatanbí in bodito inta podudui in singog monia in diábí mobaḻí. Akuoi in mopototuubí kon tosingogon-Ku naonda bo tuḷú kon bonu in bibigmu. Bangusa tanaa in naondadon bo kayu pondungú, bo tuḷú tatua in momokak kon i monia modapot in mopayong.”

YEHEZKIEL 3:9

Iko in baḻíon-Ku ná koroton in batu karang bo ná kotogat in intan. Dikadon moondok kon intau mita momomarontak tatua.”

YEHEZKIEL 32:18

“Ei intau ilo-ilow, ponogumatoidon kon rayat kon Mesir. Pokidiadon in mosia kon dunia in intau minatoi moyotakin in butá mita intau moropot ibanea.

YEHEZKIEL 43:3

Oontongon tatua in notongkai in inta inontongku kon dodai in ki Allah namangoi sin morimumud kon Yerusalem, bo ná inta inontongku kon Ongkag in Kebar. Bo inumumpag in akuoi bo nosundud.

ZEPANYA 3:5

Táe ki Tuhan in oyúonpabí in kon kotá tatua; Sia in umuranbí mopobayá in onu inta mobanar bo diábí kon dodai in onda in inta moitaḷá. Pomuḷoi in doḷo-doḷom notantúbí kon Sia in mobogoi in inta moadil kon umat-Nea. Táe, intau inta diá nonotaau in inta moadil kon kotá tatua in umuranbí mogaid kon inta moraat bo diábí in oya-oyá mako.

OUMAN IN RASUL MITA 7:31

Ki Musa in noherang totok in nokoontong kon soaḷ tatua. Sahingga minayá in sia dinimiug bo moindoi mongo onu intua. Bo sia in nokodongog kon singog i Tuhan noguman kon inia,

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

EPESUS 6:17

Gamádon in kasaḷamatan saḷaku sapoyo uwaja, bo singog i Allah saḷaku pitow nongkon Roho i Allah.

IBRANI 4:12

Sin pirman i Allah tatua in singogbí inta nobiag bo moropot bo Siabí in moḷani-ḷanit nongkon pitow inta doyowa in matanea. Singog tatua in tumurak nodapot in nopoyotondí in jiwa bo roho; boḻikatog bo tuḷan bobubuton, sahingga in kotaauanneadon totok in raian bo niat in intau.

WAHYU 1:16

Ḻima-Nea koḷanan in nokadai kon tundi pitu, bo kon bibig-Nea iḷumuai in tobatú pitow moḷanit inta doyowa in matanea. Pogot-Nea in monindar naonda bo mata in singgai inta noutudon.

WAHYU 2:16

Sin tuamai, pogogaidon in mogaid kon dosa mita monimu! Aka diá, yo ḷagidon in Akuoi mamangoi kon i monimu bo duduran-Ku in pitow inta kon bibig-Ku in intau mita tatua.

WAHYU 9:15

Dá binuḻiandon in malaekat opat tatua. Mosia tua in sinila-silaiandon in tugas, oyúon kon jam, kon singgai, kon buḷan bo kon taong sin moḻimod kon sepertiga nongkon bayongan in intau inta kon dunia naa.

WAHYU 9:21

Mosia in diápa doman mogogai in moḻimod, monggaing, mogaid kon inta diá patus aidan bo monakow.

SAMUEL 1 13:13

Nokodongogmai kon natua, ki Samuel in noguman kon i Saul, “Mobodok totok in aid i Tuang tatua. Aka kuma bo ki Tuang in dinumudui kon parenta i Tuhan Allah kon i Tuang Datu, yo tantúon bidon i Tuhan kon mononoi in Tuang Datu bo buí i Tuang Datu in momarenta mobaḻí datu kon Israel naa.

SAMUEL 1 15:22

Táe ki Samuel in noguman, “Onda degá in koibog i Tuhan, kotoindudui andeka kuruban sosumba? Kotoinduduibí kon i Tuhan in mopia-pia nongkon moposumba in kuruban. Dumuduibí kon parenta-Nea in mopia-pia nongkon ḷongó in domba.

SAMUEL 1 15:32

Onda intua ki Samuel nomarenta, “Diadon mangoi in ki Datu Agag kon naa,” Ki Agag namangoi kon inia takin pia in ginanea sin iraineamai, “Bodito in popatoi noitaḻibdon.”

SAMUEL 1 15:33

Táe ki Samuel noguman, “Ná doman onda bo pitowmu inta nokopopisí kon nobayong in guyanga bobay kinobuḻian in adí monia, yo natua doman in ki inámu kobuḻian i adínea.” Bo ki Samuel nonibat kon i Agag nodapot in minatoi kon tayowon in mezbah kon Gilgal.