HOSEA 5:14 - Alkitab Singog In Mongondow Masa In Tanaa

¹⁴ Naonda bo singa inta monubu, natuata in pononubú-Ku kon intau in Israel bo Yohuda. Akuoibí tontaní in moyingki-yingkit kon i monia, bodongka taḷaan-Ku. Aka irudon-Ku in mosia mayá, yo diábí tobatúmai in intau in mopoḷuat kon i monia.

HOSEA 5:14 ပူးပေါင်းရင်းမြစ်များ

AYUB 10:16

Aka kodapotanku onu in inaidanku, umpaka diá moḷoben, Iko mogaḷow kon inakó naonda bo singa. Bo poontong-Mu bui in kawasa-Mu, tongábí mopogogondok kon inakó.

AYUB 10:7

Sabanarnea in kinotaauan-Mubí bo nosadar, kon akuoi in diá kotaḷá, táe nobanarbí. Kinotaauan-Mubí kon tobatúmai intau diábí in mokotongod in moposaḷamat kon inakó nongkon kawasa-Mu.

MAZMUR 50:22

Tondudutka, moiko inta nokoḻiong kon i Allah; ḷukadai bá diá dapot in yopúon-Ku in moiko, bo diábí in moposaḷamat.

MAZMUR 7:2

Oo Tuhan Allahku, akuoi in moniung kon ini-Mu; posaḷamatdon bo poḷuatdon in akuoi nongkon bayongan in intau inta mogaḷo-gaḷow mako kon inakó.

YESAYA 5:29

Tontaranea mita in moganggor naonda bo singa inta bagu nodomok kon kokaanonnea, bo nodia kon tua pinoḷagui, bo diábí in mokopoḷuat kon tua.

YEREMIA 25:38

Naonda bo singa iḻumuai nongkon bubúnea, natuata in ki Tuhan iḻumuai sin mohukum kon umat-Nea. Koḻingáan in parang bo torú i Tuhan in nomaḷuidon kon butá tanaa nobaḻí padang gurun.

OMBAḶ 3:10

Naonda bo beruang nogoḷat in Sia, naonda bo singa in Sia noḷabot kon inakó.

HOSEA 13:6

Táe naonda in moiko kon bonudon in butá mopia, poḷat nobotug nodapotdon in moiko noorop, nobaḻídon in moiko moḷoḷatú bo iḻiongdon monimu in Akuoi.

HOSEA 2:12

Daiton-Kubí yompaton in pangkoi mita in anggur bo pangkoi mita in ara inta podudui kon inia nobaḻí tondan in pinobatuangannea kon intau mita inta nosiug takinnea. Baḷuian-Kubí in gobá mita in anggur bo gobá mita in aranea mobaḻí kayuon; mahaḷuk mita ḻindong in nomoguyaatbí kon tua.

HOSEA 6:1

Intau mita in Israel in noguman, “Igai mobuidon in kita kon i Tuhan. Siabí inta nopororiga kon i naton, táe Siabí doman inta monompia. Sia in nonongkekeb, táe Siabí doman in mobakut kon kekeb mita naton.

AMOS 2:14

Umpaka intau inta totok in moḻikat yo diábí doman mokoḷagui; intau moropot in kobuḻianbí in ropotnea, bo intau motorindog in diábí mokoposaḷamat kon awaknea tontaní.

MIKHA 5:8

Israel in monaḷowbí kon musungnea mita poḷat morimumud kon i monia komintan.

ULANGAN 28:31

Sapimu in ratáanbi kon tayowonmu, táe moiko in diábí moikaan kon tapúnea. Keledaimu mita in tokougutondon mayá bo tongádon indoian mako monimu bo diá bidon pobuion. Dombamu mita in ogoi kon musungmu mita bo diábí in motuḷung.

ULANGAN 32:39

Indoiaika, tongábí Akuoi in ki Allah, diábí in Allah ibanea koḻikudbí in Akuoi. Akuoi in moḻimod bo momiag, monompaḻí bo mongundam. Aka Akuoi in mogaid, diábí tobatúmai in intau in mokoḷawang.