HOSEA 5:10 - Alkitab Singog In Mongondow Masa In Tanaa

¹⁰ Ki Tuhan in noguman, “Akuoi in sinumorú popisí in itoi mita in Yohuda ain nonubu kon Israel bo nogagow kon butánea. Tuamai in popouma-Kubí in hukuman kon i monia naonda bo ḷunud.

HOSEA 5:10 ပူးပေါင်းရင်းမြစ်များ

MAZMUR 32:6

Tuamai in pomuḷoi in intau inta motoḷutui musti mosambayang kon tungkuḷ in koumaan in roriga, dá aka ḷunud in susa moiangoi, sia in diábí kodangatannea.

MAZMUR 69:24

Biódon mako in mata monia mobilog bo ḻikud monia in tantúdon moḻemé.

MAZMUR 88:17

Torú-Mu inta motoyang nokorimumud kon inakó; pinonubuan-Mu inta motoyang nokoyompat kon inakó.

AMSAL 17:14

Momangkoi kon rogenggeng in naonda bo mobuká kon daḷan in tubig; tuamai in undokdon wakutu in diápa momangkoi in rogenggeng.

AMSAL 22:28

Dika mokoimontanmai in momamping kon sigad in butá inta ain sinantú in mogoguyangmu.

YESAYA 1:23

Itoimu mita momomarontak bo nobaḻí ki ata in mononakow; mosia in moibog motarima kon tombuinag bo doit posogó. Mosia in doíbí moduḷu kon uno-unon kon pongadilan; doí mokidongog kon popongaduan in boba-bobay mita.

YEHEZKIEL 22:22

Naonda bo saḷaka iḷoḷayat kon bonu in tuḷú, yo natua doman in mosia poḷayaton kon Yerusalem. Dá kotaauandon monia kon Akuoi, ki Tuhan, ain nopoḷuai in torú-Ku kon i monia.”

YEHEZKIEL 7:8

Diádon moonggot bo moiko in mokonanamdon kon torú-Ku inta motoyang. Moiko in sisigan-Ku podudui in aidmu. Tuḻían-Kubí kon inimu in bayongan in aidmu inta moromú.

MATIUS 7:27

Onda in nonguyan, inuntag in ḷunud bo tompot in baḷoi tatua, dá noumpag bo nogoguyaat totok.”

LUKAS 6:49

Táe ki ine inta nokodongog kon singog-Ku, tongá doí mogaid kon onu in pinoki aid-Ku, intau tatua in naonda bo intau inta noposindog in baḷoi kon tudu in butá inta diá in pondasinea. Naonda in inuntag in ḷunud, baḷoi tatua baḷú noumpag; bo nogoguyaat totok!”

ULANGAN 19:14

“Aka moiko modapotdon kon butá inta inogoi i Tuhan Allahmu kon inimu, dikabí momamping kon sigad in topodiugmu inta sinantú nongkon tungkuḷ intua.”

ULANGAN 27:17

‘Kinutuk in intau inta monisí kon sigad in butá in topodiugneamai.’ ‘Amin!’