HOSEA 4:14 - Alkitab Singog In Mongondow Masa In Tanaa

¹⁴ Táe Akuoi in diábí mohukum kon aid monia tatua, sin moiko tontaní in minayá doman kon sundaḷ mita inta nogaid kon kuil mita, bo noyotakin monia moiko in nobogoi in sosumba kuruban kon dewa. Totuubí totok in tosingogon tanaa: ‘Bangusa inta diá kopomomangaḻe soaḷ ki Allah in moumpagbí.’

HOSEA 4:14 ပူးပေါင်းရင်းမြစ်များ

DATU MITA IMITÁNEA 15:12

Bayongan in intau sundaḷ inta nogaid kon oaidan monia kon tampat mita pososumbaan nodaitnea inuntun, bo bayongan in berhala inta pinosindog in datu mita inta nomarenta noiuna kon inia nodaitnea iyompat kon butá tatua.

DATU MITA 2 23:7

Gopot mita kon bonu in Baḷoi Tuhan inta pinaké in sundaḷ mita in kuil sin sumundaḷ mosumba kon dewa, in irimumud. (Kon gopot mita tatua bobay mita nogaboḷ kon didit sin pakéon kon posumbaan kon i Dewi Asyera.)

AMSAL 28:5

Inta moadil in diábí kotaauan in intau binaradosa, táe intau inta mosumba kon i Tuhan, totu-totuubí kon nonotaau.

YESAYA 1:5

Nongonu sin moiko in umuranbí momayow? Moibog degá in moiko hukumon moiḻiu kon tua in kobogatnea? Uḷumu ain nopuḻing in paḻí mita, gina bo raianmu monakit.

YESAYA 27:11

Aka tanganea mita moingkagdon bo moputoḷ, bobay mita in mamangoi mogamá sin pondungú. Bangusa tatua in diábí nonotaau in onu bo onu, dá ki Allah inta nomaḻí kon inia in diábí motabi andeka monotabi kon i monia.

YESAYA 56:11

Mosia in naonda bo ungkú turá inta diá kon dodai in onda in mobotug. Itoi mita tatua in diá momangaḻe. Kon batúannea mogaid kinooibogbí in gina bo motayak kon kauntungannea tontaní.

DANIEL 12:10

Mobayong in intau in tungkuḷan bo pomurnion. Mosia inta moraat in diábí momangaḻe bo tantúbí mogaid kon inta moraat; tongábí mosia inta mobijaksana in momangaḻe.

HOSEA 14:9

Intau in Israel in moḷumbúbí kon patong mita berhalanea; mosia in ḷukadan-Kubí bo tubagan-Ku in sambayangnea. Naonda bo pangkoi in kayu inta umuran mobarong in daunnea, Oḻiungan-Kubí in mosia. Akuoibí in pangkoi in bayongan barakat monia. Akuoi, ki Tuhan, ain nosingog.”

HOSEA 4:1

Oyúon in pelekara i Tuhan kon intau inta nogutun kon butá tanaa. Ei Israel, indongogai onu in pinoguman-Nea, “Kon butá tanaa diádon in motoindudui andeka motabi, bo Akuoi in diá bidon ḷabiton monia saḷaku ki Allah monia.

HOSEA 4:17

Umat in Israel ain nongibog totok kon berhala. Tuamai in pomayádon mako in mosia.

HOSEA 5:4

Aid moraat inta inaidan in intau in Israel nokopopisí kon i monia diádon mokopobui mangoi kon i Allah monia. Mosia in kinadaiandon in posumbaan kon berhala, dá mosia in diádon mopandungmai kon i Tuhan.

AMOS 2:7

Mosia in nondorot kon intau moyangkó inta diá mokopongonu bo moposí in intau nobogá. Ki ata monia bobay tobatú in siniugandon i amánea bo i adínea ḷoḷaki, dá nokokotordon kon tangoi-Ku inta motusi.

AMOS 7:17

ki Tuhan in noguman kon ki buḷoimu in mobaḻí sundaḷ kon daḷan mita in kotá, bo ki adímu mita in ḻimodon kon parang. Butámu in silaionbí magí mako kon intau ibanea, bo iko tontaní in matoibí kon butá in intau inta diá nonotaau kon i Tuhan. Intau in Israel in notantú bidon kon akuton pobayá in poḷumbúan, moyayú nongkon butánea tontaní.”

PINOGIAPAN 25:3

Popisí in intau Israel nosumbadon kon i Baal Peor, dá ki Tuhan sinumorú kon i monia bo noguman kon i Musa,

YOHANES 8:43

Nongonu sin diábí komangaḻean monimu in onu in pinoguman-Ku? Popisíbí in moiko diá mokotahang in mokodongog kon totundú-Ku.

SURAT I PAULUS KON JAMAAT RUM 3:11

diábí tobatúmai intau inta nomangarti bo diábí doman tobatúmai in intau in nosumba kon i Allah.

KORINTUS 1 6:16

Ande degá diápa kinotaauan monimu kon aka intau bo nosiugdon noyotakin in tobatú bobay monakaḷ, yo intau tatua in notobatúbí domandon takin bobay tatua! Sin kon Buk Motusi ain pinais nanaa, “Taya dua in notobatúdon.”

EPESUS 4:18

Raian monia tua in nosindipdon. Diábí kinotaauan monia in kobiagan inta inogoi i Allah, sin mosia in beresibí diá nonotaau in onu bo onu soaḷ ki Allah. Natua in mosia sin gina in motogat.

ULANGAN 23:17

Intau Israel tobatú pinomayá ḷoḷaki ande bobay, diábí motaau in mobaḻí sundaḷ kon kuil mita pososumbaan.

IBRANI 12:8

Aka moiko diádon moitakin sambokon ná mongoadí mita ibanea naa, yo tua in mangaḻenea moiko in deeman bidon ki adí-Nea totok, táe dongka bidon uatok.