HOSEA 14:5 - Alkitab Singog In Mongondow Masa In Tanaa

⁵ Ki Tuhan in noguman, “Umat-Ku inta nonuaḻing, gamáan-Ku bui bo kotabi-Ku takin ḻimbatú in gina; mosia in diá bidon torúan-Ku bui.

HOSEA 14:5 ပူးပေါင်းရင်းမြစ်များ

SAMUEL 2 23:4

Sia in naonda bo sindar in mata in singgai doḷo-doḷom kon doḷo-doḷom inta diá in goḷom. Sia in naonda bo sindar in mata in singgai nopaḷut mako in nonguyan nomaḻí kon bonok noḷunow mopouḻi-uḻinag.”

DATU MITA 2 19:30

Intau in Yohuda inta nobiagpa in mobiagbí motompia naonda bo pinomuḷa inta moonag totok in uakatnea bo mopomungaidon in bungainea.

AYUB 29:19

Akuoi in naonda bo pangkoi in kayu inta nobiag noḷumbá, uakatnea tugat diá kodaitan in tubig bo oḷú momuntad kon tanganea.

MAZMUR 133:3

Andeka naonda bo oḷú kon Buḷud in Hermon, inta noiḻig monag kon tombuḷud mita in Sion. Kon tuata in popoangoian i Tuhan in barakat-Nea, kobiagan modapot in mononoi.

MAZMUR 72:16

Igumon mako gandum in bontu-bonturung kon sinangkub in butá, bo tombuḷudnea mita mopuḻing in bungai in pinomuḷa. Igumon mako butánea in moḷumbá naonda bo Buḷud in Libanon, bo intau in kotánea in modugang naonda bo bonok kon rawang.

MAZMUR 72:6

Igumon mako sia in naonda bo uyan inta noḷabú kon rawang, naonda bo uyan morogot inta nomuntad kon gobá mita.

MAZMUR 80:9

Umat-Mu in naonda bo pangkoi in anggur inta pinamping-Mu nongkon Mesir. Bangusa mita ibanea inuntun-Mu, bo pinomuḷa-Mu in pangkoi mita in kayu tatua kon butá monia.

MAZMUR 92:12

Akuoi in nokoontong kon kinotaḷowan in musung mita, intau mita inta ain sinimindog nonayow kon inakó, tomayá mita monia inta moraat in dinongogkudon.

MAZMUR 92:13

Intau motuḻid in monubu naonda bo pangkoi in kurma, bo mobiag moḷumbá naonda bo pangkoi in ḷokuyú in Libanon.

AMSAL 19:12

Torú in datu naonda bo ganggor in singa; kopopia in datu naonda bo oḷú inta momobat kon mobobiag mita.

DONDONG MOḶANTUD 2:16

Batoḷ in dodobku kapunyaanku, bo akuoi sia in kitogi, sia in noḷukad kon dombanea mita kon sigad in bungang mita bakung

DONDONG MOḶANTUD 4:5

Tetému naonda bo ki adí in rusa doyowa, ki adí in kijang apang inta koyogot in moranut kon bonok kon yua-yuak in bungang mobondu.

YESAYA 12:1

Moiangoibí in wakutunea moiko in modondong: “Tuhan, akuoi mopoyaput in sukur kon ini-Mu, Sin Iko in noḻipoi kon inakó. Koḻipod Iko in sinumorú kon inakó, táe tanaa in noinggamádon in torú-Mu.

YESAYA 18:4

Ki Tuhan in noguman kon inakó, “Nongkon pinogutunan-Ku kon omonik, Akuoi in moḷongow monag takin moonow bo mosanang, ná koonow in oḷú inta nobaḻí kon tungkuḷ in doḷom inta mopatú kon sempo in pobatunan kon boyó, bo ná koriang in sindar in mata in singgai kon tungkuḷ in nobayagdon.

YESAYA 26:19

Umat-Mu inta ain minatoi in mobiagbí bui, awak mita monia in mobiagdon bui. Intau inta ain iḷobong kon bonu in butá in mobiagbí bo morogiow. Naonda bo oḷú inta mokoonow kon butá, Iko in momiag kon umat-Mu inta ain noonggot in minatoi.

YESAYA 27:6

Kon singgai moiduduimai, bangusa in Israel in mobaḻídon naonda bo pangkoi in kayu inta nonguakat bo modugang, bo momuḻing kon dunia pongin bungainea mita.

YESAYA 35:2

Padang gurun in kobiagandon in yagi-yagi, bo mopodondong in dondong mita mosanang. Kogaganea in naonda bo Buḷud in Libanon, koḷoḷumbánea in naonda bo Ḷopá in Karmel bo Saron. Dá bayongan in intau in mokoontongbí kon kawasa i Tuhan, bo kamuliaan i Allah naton.

YESAYA 44:3

Sin Akuoi in mopobutakbí in tubig kon butá inta noingkag, bo mopoiḻig in ongkag mita kon butá inta nongoguang. Akuoi in mobogoibí in kawasa-Ku kon buímu, bo momarakat kon adí bo ompumu.

YESAYA 45:8

Nongkon ḷangit pinoonag-Ku in kauntungan naonda bo uyan, butá noibog in notarima kon tua, bo nopomuká in kasaḷamatan bo kabebasan; Akuoi ki Tuhan inta nopobaḻí intua.”

YESAYA 57:18

Akuoi in nokoontongdon kon dodia monia, táe mosia in bui-Kubí tompiaan. Kapiton bo tuḷungan-Kubí in mosia bo moḻipoi kon intau inta moajar in gina.

YESAYA 57:19

Akuoi in mobogoibí in kobiagan moaman kon bayongan in intau, pinomayá inta nodiug andeka inta noyayú. Akuoi in monompiabí kon umat-Ku.

YEREMIA 3:22

Ei moiko komintan inta ain nonaḷámai kon Tuhan, pobuidon mangoi! Sia in monompiabí kon i monimu, bo baḻíon-Nea in moiko motoindudui. Moiko in moguman, “Oo, tanaa kami in mamangoi kon i Tuhan, sin Sia in ki Allah nami.

YEREMIA 32:41

Mopiabí in gina-Ku in mopoaid kon inta mopia kon i monia, bo mopobaḻí kon i monia mogutun motantú kon butá tanaa modapot in mononoi.

HOSEA 6:3

Tuamai in koḻigai in kita moḷongasi totu-totuu monotaau kon i Tuhan. Sia in notantúbí kon mamangoi kon i naton naonda bo koangoi in bayag doḷo-doḷom, bo naonda bo uyan inta nomuntad kon butá kon imbuit in pongonguyan.”

MIKHA 5:7

Intau in Israel inta nogutunpa kon yua-yuak in bangusa mita in mobaḻídon naonda bo singa kon yua-yuak in mahaḷuk mita kon kayuon andeka kon yuak in paanan in domba kon rawang in bonok. Singa tatua in tumuot kon yua-yuak in paanan in domba tatua bo moritak poḷat momera-merak; diábí in mokopomuḻi kon domba mita tatua.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

MATIUS 6:28

Bo nongonu sin moiko in mohawatirbí kon onu in pakéon monimu? Ḻiḻiaika totok in bungang mita. Mosia in nobiag, bo diábí kon dodai in onda in nogaid bo diá doman kon dodai in onda in nodagum;

LUKAS 12:27

Tarukiraka naonda in kobobiag in bungang mita kon taman; mosia in diábí nogaid kon siningkoi bo dodagum. Táe umpakabí ki Salomo, Datu inta totok in nooyúon diábí nomaké in tobatúmai ḷambung inta ná kopira in bungang mita tatua!

EPESUS 3:17

Igumondon mako ki Kristus inta pinirisaya monimu in mogutundon kon bonu in gina monimu bo moiko in mobiag moidoyon kon bonu in tabi.

ULANGAN 32:2

Poigumon mako in topotundúku mamonag naonda bo uyan, bo tosingogonku motait naonda bo oḷú, naonda bo rinsi-rinsik in uyan kon tudu in bonok, bo uyan inta morogot kon pinomuḷa mita.