HOSEA 14:3 - Alkitab Singog In Mongondow Masa In Tanaa

³ Pobuidon kon i Tuhan bo poyaputdon in sambayang tanaa saḷaku sosumbamu kon i-Nia, “Tuhan, ampungaidon in bayongan dosa nami, bo tarimadon kaasí in sambayang nami naa, dá kami in modayowbí kon ini-Mu ná inta ain pinodandi nami.

HOSEA 14:3 ပူးပေါင်းရင်းမြစ်များ

TAWARIKH 2 16:7

Kon tungkuḷ intua ki Nabi Hanani namangoi kon i Datu Asa bo noguman, “Popisí in iko inumandoḷdon kon i datu in Siria, bo deemanbí kon i Tuhan Allahmu, dá noinggamádon in kasampatanmu monaḷow kon tontara i datu in Israel.

MAZMUR 10:14

Táe inontong-Mubí; Sinaridian-Mu in susa bo roriga, bo umuran mosadia motuḷung. Intau inta moyangkó moposarakan in kobiagan kon ini-Mu, Iko in umuranbí motuḷung kon intau nobogá.

MAZMUR 146:3

Dikadon mongamang kon mongongawasa, kon intau inta diá mokoposaḷamat.

MAZMUR 146:9

Sia in moḷukad kon intau ango-angoi; Sia in motuḷung kon boba-bobay bo uno-unon, táe moḷamboi kon tomayá in intau moraat.

MAZMUR 33:17

Kabaḷo in diábí motaau pongata kon mokountung, ropotnea inta moḷoben in diábí mokosaḷamat.

MAZMUR 68:5

Podondongdon kon i Allah, dayowdon in tangoi-Nea, sadiadon in daḷan moḷoben kon i-Nia inta sinumakoi kon goḷom. Tangoi-Nea in ki Tuhan – poḷungangadon in gina kon tayowon-Nea!

YESAYA 1:29

Mosia in angoianbí in oyá sin mosumba kon pangkoi mita in kayu bo mopotondí in gobá mita sin ogoi kon dewa mita.

YESAYA 27:9

Táe dosa mita in Israel in tongábí motaau ampungan aka mezbah in dewa mita giḻingon koyimokon naonda bo silon. Bayongan in pototubáan kon dupa bo lambang i Dewi Asyera in rimumudon doman.

YESAYA 30:16

Nodapotbí in moiko nomiabí kon tomayá sin moḷagui nongkon musung tumakoi kon kabaḷo inta moḻikat. Mopia! Totuu moiko in mustibí moḷagui! Kai monimu kamai dá kabaḷomu tua in tugatbí in koḻikatnea, bokaka mogogaḷumubí in moḻika-ḻikat nongkon i monimu.

YESAYA 30:2

Mosia minayá in Mesir takin diá nopoigum in kinotantúan in tosingogon-Ku. Mosia in nokioḻiung kon Mesir bo moharap mako kon totuḷung in datu in Mesir.

YESAYA 31:1

Moboditodon in intau inta mayá in Mesir sin mokituḷung! Mosia in mopongatabí in ropot in tontara in Mesir inta tumakoi kon kabaḷo bo kabaḷonea inta mongoropot bo keretanea inta mobayong. Táe mosia in diábí mopirisaya kon i Tuhan, Allah mokudus in Israel bo diá mokituḷung kon i-Nia.

YESAYA 31:3

Intau in Mesir tongábí intau, deemanbí Allah. Kabaḷo monia in biagbí biasa, deemanbí ná ki Allah. Aka ki Tuhan mopoaid in oaidan-Nea, bangusa inta mototuḷung tatua in moipintudbí bo bangusa inta sinuḷungannea in moḷabúbí. Dá taya dua tua in tumpaḷa moyopú.

YESAYA 36:8

Tanaa in akuoi podoyon kon tangoi in datu in Asyur mokobaḻí mobataru kon aka moiko ogoian in kabaḷo doyowa noribu, yo notantú bidon kon diábí tugat natua in kobayong in intaumu inta tumakoi kon kabaḷo tatua.

YEREMIA 49:11

Ei Edom! Taḷaaidon kon i-Nakó in ki adímu mita uno-unon, biagon-Kubí in mosia. Biódon mako bá intau boba-bobaymu mita in umandoḷdon kon i-Nakó.

YEHEZKIEL 36:25

Mopaḷut mako kon tua moiko in pisikan-Ku in tubig inta mosilang, sinbá modaritdon nongkon bayongan in berhalamu bo nongkon bayongan yagi-yagi inta ain nokokotor kon i monimu.

YEHEZKIEL 37:23

Mosia in diá bidon mongotor kon awak monia pongin mogaid kon dosa bo mosumba kon berhala mita inta mokorongó. Poḷuaton-Kudon in mosia nongkon bayongan in totuaḻingan inta nokopopisí kon i monia nonoḻikud kon i-Nakó. Potusion-Ku in mosia; mosia in mobaḻí umat-Ku, bo Akuoi in ki Allah monia.

HOSEA 12:1

Ki Tuhan in noguman, “Bangusa in Israel iḻimibu kon i-Nakó pinongin uboḷ bo tompobaḻik; bangusa in Yohuda umuran moḷawang kon i-Nakó, ki Allah Inta Mokudus bo inta mosatia.

HOSEA 13:2

Dapot in tanaa intau mita in Epraim tatua in tantúpa doman mogaid kon dosa; mosia in mogaid kon patong mita saḷaka sin sumbáan – patong inta sinomayá in raian in intau bo inta pinomia in ḻima in intau. Mosia in noguman, “Posumbadon in kuruban kon patong mita tanaa!” Mokoherang, intau in mongayok kon patong in ki adí in sapi!

HOSEA 14:8

Mosia in mobuibí mangoi kon i-Nakó bo mogutun kon bonu in siungon-Ku. Totokbí in motoyong kotomomanan monia, naonda bo gandum inta mobiag kon gobá inta noḷumbá bo naonda bo gobá in anggur. Naonda bo tubig in anggur in Libanon tangoi monia in ponango-nangoiandon.

HOSEA 2:17

Diá bidon ogoi-Ku in sia in monangoi bui kon tangoi in Baal, dá koḻiongandon in intau in tangoi tatua.

HOSEA 4:12

Moiko in mopoigum in topotundú kon kayu topongkó! Tungkud tobatú in mopotaau kon inimu kon onu inta koibogmu kotaauan! Moiko in notongkai in buḷoi bobay tobatú inta nobaḻí sundaḷ; moiko in nonaḷámai kon i-Nakó bo nobogoi in awakmu kon ilah mita ibanea.

HOSEA 5:13

Bangusa in Israel bo bangusa in Yohuda nonotaaudon kon kaadaannea inta diá mopia, dá Israel minayá in Asyur bo mopoigum in totuḷung kon i datu moḷoben. Táe ki datu tatua in diábí mokotuḷung andeka monompia bui kon kaadaan monia.

HOSEA 7:11

Israel in uik-untag naonda bo ḷagapan paḷoma inta bodok. Dungkuḷ intaunea mita in mokituḷung kon Mesir, onda intua mosia in noḷagui minayá in Asyur!

HOSEA 8:6

Sapi buḷawan inta sinumba kon Samaria tatua in miabí in ḻima in intau in Israel! Tua in deemanbí Allah, bo mustibí rimumudon!

HOSEA 8:9

Naonda bo keledai ḻindong inta iḷumoḷongon, natuata in intau mita in Israel dinumudui kon ibog mita monia tontaní. Mosia in notayak kon totuḷung nongkon Asyur, bo notaḷui kon yoyobayatan in bangusa mita ibanea.

YUNUS 2:10

Onda intua, podudui kon parenta i Tuhan, toyá tatua noḷuádon kon i Yunus kon toba.

ZAKHARIA 13:2

Kon singgai tatua popatan-Kudon in tangoi in berhala mita nongkon butá tanaa, dá diádon tobatúmai in mokotoropa kon tua. Bayongan intau inta mongaku kon nabi in sia poguntunon-Ku takin i monia inta kinokawasaan in dimukud inta motombogá.

YOHANES 14:18

Moiko in diábí taḷaan-Ku tontaní ná uno-unon. Akuoi in mamangoibí bui kon i monimu.

ULANGAN 17:16

Datu in diábí motaau kokabaḷo mobayong sin pakéon in tontaranea bo diábí motaau mopotabá kon bangusa tanaa in bui mayá in Mesir sin motaḷui kon kabaḷo, sin ki Tuhan ain noguman kon umat-Nea in diábí motaau mayá bui in butá tatua.