HOSEA 14:1 - Alkitab Singog In Mongondow Masa In Tanaa

¹ Samaria in mustibí hukumon popisí in nomarontak nonayow kon i-Nakó. Rayatnea in matoi kon poparangan; adí mita mointok monia in ḻintogon, bo bobay mita sidia in botakon in siannea.”

HOSEA 14:1 ပူးပေါင်းရင်းမြစ်များ

DATU MITA 2 8:12

“Nongonu sin ki Tuang in mongombaḷbí?” iḻibó i Hazael. “Kinotaauanku in moraat inta pomiaanmu kon intau in Israel,” guman i Elisa. “Turubonmu in kotá mita inta oyúon in poḷoḷukadan, moḻimod kon tayow mobiag mita inta totok in mongopia, bo monagang kon adí mita mointok bo momotak kon sian in bobay mita inta nonogusian.”

YESAYA 19:22

Ki Tuhan in momongkugbí kon bangusa in Mesir, táe mopaḷut mako kon tua Sia in mongundambí bui kon i monia. Mosia in mobuibí mangoi kon i Tuhan, bo Sia in mokidongogbí kon sambayang monia poḷat mongundam.

YEREMIA 2:19

Aidmu tontaní inta moraat in mohukum kon inimu tontaní iko in nororiga popisí in nondoí kon i-Nakó, ki Allahmu. Tanaa in nanamnea totuu mopait bo mopomporí aka Akuoi toḻikudanmu bo diá horomatonmu. Akuoi, ki Tuhan Allahmu ain nosingog; Akuoibí in Tuhan Inta Totok in moḷantud bo Inta Totok in mokawasa.”

YEREMIA 4:1

Ki Tuhan in noguman, “Umat in Israel, aka moiko moibog mobui mangoi, yo pobuidon mangoi kon i-Nakó. Ḷumbúdon muna in berhala mita inta kinorongó-Ku tua, bo pokotoinduduidon kon i-Nakó.

OMBAḶ 5:16

Onu inta nokoyunggagá kon inami in diádon, kami in nobodito popisí in binaradosadon.

YEHEZKIEL 16:46

Ki guya-guyangmu in ki Samaria kon utuan takin bayongan in ḻipúnea. Bo ki ai-aimu in Sodom kon toḷatan takin bayongan in ḻipúnea.

YEHEZKIEL 33:11

Potaaudon kon i monia, kon podoyon kon i-Nakó, ki Allah inta nobiag, ki Tuhan Inta Totok in moḷantud, diábí mopia in gina-Ku, aka intau moraat matoi; ibogon-Ku in sia in monaḷámai kon dosanea mita sinbá sia in umuran mobiag. Ei bangusa in Israel, pogogaidon in mogaid kon inta moraat! Nongonu sin moibogbí in moiko matoi?

YEHEZKIEL 33:14

Akuoi in nopotoingatdon kon intau inta moraat kon sia in matoibí. Táe aka mogogai in sia in mogaid kon dosa bo momangkoidon mogaid kon onu inta mopia bo moitutui, ná mopobui in pakakat inta pinogade in intau, andeka pakakat inta ain sinakownea bo dumuduidon kon hukum mita inta mokopoangoi kon kobiagan, dá diábí in sia matoi.

HOSEA 10:12

Akuoi in moguman, ‘Ei Israel! Bukádon in gobá mobagu kon inimu, ponimboidon in bibit in kooadil, bo koyutdon in barakat inta pinomungai in tabimu inta totu-totuu kon i-Nakó. Sin, wakutuneadon iko in motayak kon i-Nakó, ki Tuhanmu. Akuoi in mamangoibí bo mopoinggú in barakat-Ku kon inimu.’

HOSEA 12:6

Ki Allah tua in ki Tuhan Inta Totok in Mokawasa. Tangoinea in ki Tuhan. Pinongin tangoi tatuata ibogon-Nea intau moibada kon i-Nia.

HOSEA 12:8

Ki Tuhan in noguman kon bangusa in Israel, “Moiko in motombogá naonda bo intau in Kanaan; mododagangmu mita moibog monguboḷ kon mototaḷuinea pongin simbangan inta diá moitutui.

HOSEA 13:9

Akuoi in morimumudbí kon i monimu, ei bangusa in Israel! Bo ki ine in mokotuḷung kon inimu?

HOSEA 4:8

Moiko in mobaḻí mooyúon popisí in dosa in umat-Ku, tuamai in ibogon monimu sinbá mosia in umuran mogaid kon dosa.

HOSEA 5:5

Koḷoḷoḷatú in bangusa in Israel koontongandon totok, bo noponiata kon taḷá monia. Dosa monia in nokopopisí kon i monia noipintud bo noidodot, bo bangusa in Yohuda noḷabú takin monia.

HOSEA 6:1

Intau mita in Israel in noguman, “Igai mobuidon in kita kon i Tuhan. Siabí inta nopororiga kon i naton, táe Siabí doman inta monompia. Sia in nonongkekeb, táe Siabí doman in mobakut kon kekeb mita naton.

HOSEA 9:13

Tuhan, inontongku in ki adí mita monia in dinuduran bo iḻimod.

HOSEA 9:7

Noiangoidon in wakutunea pohukuman, wakutu motarima kon tontuḻínea kon bayongan in oaid. Israel in mokonanambí kon tua! Moiko in moguman, “Nabi inta kinawasa in roho tanaa in dondunguḷ! Nobundai in sia!” Moiko in noguman natua sin moiko in doí totok kon inakó bo dosamu in totuu moḷoben.

AMOS 1:13

Ki Tuhan in noguman, “Bangusa in Amon in nopobui-buimaidon binaradosa, tuamai in notantú bidon kon hukumon-Ku in mosia. Kon tungkuḷ in noparang sin moginoḷad kon butánea, mosia in nomotak kon sian in bobay mita sidia kon Gilead.