HOSEA 13:14 - Alkitab Singog In Mongondow Masa In Tanaa

¹⁴ Bangusa tanaa in diábí posaḷamat-Ku nongkon kawasa in dunia in intau minatoi. Ei popatoi, ponimboidon in yampoimu! Aidaidon in oaidanmu inta mokorimumud tua! Akuoi in diá bidon motabi bui kon bangusa tanaa.

HOSEA 13:14 ပူးပေါင်းရင်းမြစ်များ

AYUB 33:24

Takin tabi in malaekat tatua in moguman, ‘Buḻiaidon in sia, diábí motaau in sia moponag kon dunia in intau minatoi. Naa in doit potobut, sinbá moiḷuatdon bui in sia.’

AYUB 41:22

Sindunnea in moropot totok, dá modait moondok in kon tayowonnea.

MAZMUR 16:10

Sin diábí pinomayá-Mu mako matoi in akuoi; intau inta kinotabi-Mu diábí pinomayá-Mu mako in moyopú.

MAZMUR 30:3

Tuhan Allahku, akuoi in mokuani kon ini-Mu mokituḷung, bo Iko in nongundam kon inakó.

MAZMUR 49:15

Naonda bo domba, mosia in sinantúbí kon matoi; popatoi in mobaḻí gombala monia. Doḷo-doḷom mosia sinaḷowdon in intau mojujur; awak monia in ḷagidon mobongkog kon dunia in intau minatoi, noyayú kon pogogutunan inta mopia totok.

MAZMUR 49:16

Táe ki Allah in mopoḷuatbí kon inakó, Sia in mopoḷuatbí kon inakó nongkon kawasa in popatoi.

MAZMUR 71:20

Inogoian-Mu in akuoi in mobayong in roriga mobogat, táe poguḻíon-Mubí in ropotku bo momiag bui kon inakó nongkon pinoḷobongan.

MAZMUR 86:13

Sin Iko in tantúbí notabi kon inakó takin tabi moḷoben; Iko in noposaḷamatdon kon nyawaku nongkon bubú in poḷoḷobongan.

YESAYA 25:8

Ki Tuhan Inta Totok in mokawasa in monginggamábí kon popatoi modapot in mononoi! Sia in momopatbí kon ḷuá nongkon bayongan in pogot, bo mopoyayú in kohohina inta binaba in umat-Nea kon sinangkub in butá. Ki Tuhan ain nosingog, bo tua in notantúbí kon mobaḻí.

YESAYA 26:19

Umat-Mu inta ain minatoi in mobiagbí bui, awak mita monia in mobiagdon bui. Intau inta ain iḷobong kon bonu in butá in mobiagbí bo morogiow. Naonda bo oḷú inta mokoonow kon butá, Iko in momiag kon umat-Mu inta ain noonggot in minatoi.

YEREMIA 15:6

Moiko in nondoídon bo nonaḷámai kon i-Nakó, tuamai in tonggóon-Ku in ḻima-Ku sin porimumud kon i monimu, sin mobúdon in Akuoi in momondam kon torú-Ku.

YEREMIA 20:16

Biódon mako ki inta nodia kon habar tatua in naonda bo kotá mita inta irimumud i Tuhan takin diá in tabi. Biódon mako in sia mokodongog kon karak monakit kon dodai in doḷo-doḷom, bo kokow in parang kon dodai in noutu in singgai.

YEREMIA 31:35

Mata in singgai sinadia i Tuhan sin monimbayag kon tungkuḷ in singgai; buḷan bo tundi mita in monimbayag kon tungkuḷ in doḷom. Dagat in kinaui-Nea dá mobokoḷ monomburá, Ki Tuhan Inta Totok in mokawasa, tuata in tangoi-Nea.

YEHEZKIEL 37:9

Ki Allah in noguman kon inakó, “Ei intau ilo-ilow, posingogdon kon tompot. Pogumandon kon Akuoi, ki Tuhan Inta Totok in moḷantud nomarenta kon inia sinbá mamangoi nongkon bayongan in tampat, sin mopoirup in tompot poginaan kon bonu in awak mita inta minatoi tatua sinbá mobiag bui in mosia.”

HOSEA 6:2

Kon bonu in doyowa andeka toḷu nosinggai naa Sia in monompiabí kon i naton, bo kita in mobiagbí kon siungon-Nea.

HOSEA 7:10

Koḷoḷoḷatú in bangusa in Israel koontongandon totok bo nobaḻí tomponuot kon taḷá monia. Umpaka tua komintan ain nobaḻí, mosia in diábí doman notayak kon i-Nakó andeka mobui mangoi kon i-Nakó, ki Tuhan Allah monia.

MALEAKHI 3:6

“Akuoibí in ki Tuhan, bo Akuoi in diábí mobaḷui. Tuamai in moiko buí i Yakub, diá iyopú.

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

SURAT I PAULUS KON JAMAAT RUM 11:15

Sin mosia ain sinolak i Allah, dá hubungan in intau kon dunia naa takin i Allah in motompiadon bui; apadoman aka mosia in tarimaan i Allah! Tantú tua in notongkaibí in naonda bo intau minatoi inta nobiagdon bui!

SURAT I PAULUS KON JAMAAT RUM 11:29

Sin aka ki Allah momiḻí kon intau bo mobogoi in barakat kon intau tatua, yo diábí kon dodai in onda in Sia mogamá bui kon onu inta ain pinomia-Nea.

KORINTUS 2 5:4

Sin wakutu in kon baḷoipa ilo-ilow naa, kita tantú mogamui sin mobogat totok in roriga inta moiantug. Deemanbí igu-igumon mako kon bá matoidon in awak naton ilo-ilow naa, táe lantaranbí moibogdon mokorasa kon kobiagan inta kon soroga tua, sinbá kobiagandon in mongawasa kon awak naton inta ilo-ilow naa.

PILIPI 3:21

Awak naton inta ilo-ilow bo inta diá mononoi naa, baḷuian i Kristus mobaḻí naonda bo awak-Nea tontaní inta momulia. Motaau-Neabí aidan intua, sin oyúonbí in kawasa nongkon i-Nia mopotungkud in bayongan yagi-yagi.

TESALONIKA 1 4:14

Kita in mopirisaya kon ki Yesus ain minatoi, táe nobiagbí bui. Tuamai kita in mopirisaya doman, kon biagonbí bui i Allah in bayongan intau inta mopirisaya kon i Yesus Kristus inta ain minatoi bo mosia in mobiag moyotakin-Nea.

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.

WAHYU 20:13

Bo dagat noposarakan domandon in intau mita inta kon bonunea. Popatoi bo dunianea in noposarakan doman in intau mita minatoi inta kon i monia. Bo intau minatoi mita tatua in komintan pinopoḷabúan in hukuman pinodudui kon oaid monia.

WAHYU 21:4

Paḻitandon i Allah in bayongan ḷuá kon mata monia. Diá bidon in popatoi. Diá bidon in mokoajar kon gina. Amui ande ombaḷ onu inta mokonakitpa kon gina in diá bidon. Soaḷ mita inta nokoyongandon ain noinggamá.”

WAHYU 6:8

Bo inontongku in tobatú kabaḷo inta nobilai. Ki inta sinumakoi tua tangoinea in ki Maut. Bo dumuduianmai kon inia in dodatuan popatoi. Tokoar in kawasa kon dunia naa in pinosarakan kon i monia, sinbá mosia in motaau moḻimod popototoi kon parang, malarat bo popototoi kon takit mita bo popototoi kon mahaḷuk mita inta mokokaan kon intau.

SAMUEL 1 15:29

Inta Momulia ki Allah in Israel in diábí monguboḷ bo diábí doman momanasaḷ, sin Sia in deemanbí intau.”