HOSEA 12:12 - Alkitab Singog In Mongondow Masa In Tanaa

¹² tongá umpaka natua oyúonpa doman in nosumba kon berhala kon Gilead, bo moposumba in sapi kon tudu in mezbah kon Gilgal. Táe mosia inta nosumba kon berhala tatua in matoibí, bo mezbah mita kon Gilgal in mobaḻíbí bonturungan in batu kon gobá mita.”

HOSEA 12:12 ပူးပေါင်းရင်းမြစ်များ

KINOBAḺIAN 27:43

Dá tanaa, aidaidon onu in pogumanku kon inimu. Ḷagidon bayá kon i guya-guyangku ki Laban kon Haran,

KINOBAḺIAN 30:26

Pomayádon mako akuoi modia kon i buḷoiku doyowa takin ki adíku mita, inta nouḻíku saḷaku tondan in pinogaidanku kon inimu. Kinotaauanmu, kon akuoi aindon totu-totuu nogaid kon inimu.”

KINOBAḺIAN 31:41

Ná domai tua in rorigaku tungkuḷ in akuoi nogaid kon inimu doyowa nopuḷú notaong koonggotnea. Mopuḷú bo opat notaong koonggotnea akuoi nogaid kon inimu sinbá motaau mobuḷoi kon i adímu doyowa tatua – bo onompa doman notaong bui sinbá mokouḻí kon paanan bembé bo domba tatua. Bo solama intua iko ain kopuḷú nomaḷui kon tondan in pinogaidanku.

HOSEA 4:15

Ei moiko intau in Israel, moiko in diá motoindudui kon i-Nakó! Táe, harapon-Ku mako Yohuda in diá mogaid kon taḷá ná inta inaidan monimu! Dika moibada kon Gilgal andeka kon Betel. Dika mongibot kon tua podoyon kon tangoi i Tuhan inta nobiag.

HOSEA 6:8

Gilead in kotá inta nopuḻing in intau moraat bo moḷoḻimod.

ULANGAN 26:5

Onda intua kon tayowon i Tuhan Allahmu, musti in iko mopoyaput in tosingogon mita tanaa: ‘O Tuhan, mogoguyangku naa intau in Aram inta nodondaḷoi. Sia nodia kon koluarganea minayá in Mesir bo nogutun kon tua nobaḻí mokokiangoi. Kon tungkuḷ in minayá intua mosia tongá topiḻik, táe mosia in nobaḻí bangusa inta moḷoben bo moropot.