HOSEA 12:10 - Alkitab Singog In Mongondow Masa In Tanaa

¹⁰ Táe Akuoi, ki Tuhan Allahmu, inta nodia kon i monimu iḻumuai nongkon Mesir, buibí mopoutun kon i monimu kon ḷoḷaigan mita ná dungkuḷmai kon tungkuḷ in Akuoi namangoi kon inimu kon padang gurun.

HOSEA 12:10 ပူးပေါင်းရင်းမြစ်များ

DATU MITA IMITÁNEA 13:1

Kon dodai intua oyúon in nabi tobatú kon Yohuda. Sia in pinotabá i Tuhan mayá in Betel. Nabi tatua noiyaput intua kon tungkuḷ in ki Yerobeam simindog mako kon tayowon in mezbah sin moposumba in kuruban.

DATU MITA IMITÁNEA 17:1

Oyúon in nabi tangoinea in ki Elia. Sia in nongkon Tisbe, kotá tobatú kon butá in Gilead. Kon singgai tobatú namangoi in sia kon i Datu Ahab bo noguman, “Pinodoyon kon i Tuhan inta nobiag, Allah inta sinumba in intau in Israel bo inta pinogundoianku, akuoi in mopotaau in naa kon i Tuang, kon bonu in doyowa andeka toḷu notaong moiduduimai naa in diábí in oḷú andeka uyan tongopiḻikmai, koḻikudbí in aka pogumankudon.”

DATU MITA IMITÁNEA 19:10

Ki Elia notubag, “O Tuhan, Allah Inta Totok in mokawasa, akuoi in umuran mogaid tongábí kon ini-Mu. Táe umat in Israel in iḻimimpat kon dodandian monia takin-Mu. Mosia in nongokai kon mezbah-Mu mita bo noḻimod kon nabi-Mu mita. Dongkadon akuoi in naa, bo tanaa in tayakondon monia ḻimodon in akuoi!”

DATU MITA 2 17:13

Ki Tuhan in nopotabá in totabá mita bo nabi-Nea mita namangoi kon umat in Israel bo Yohuda sin mopotaau in tompoingat tanaa: “Pogogaidon in mogaid kon inta moraat bo duduiaidon in bayongan in parenta bo hukum inta inogoi-Ku kon mogoguyangmu bo kon inimu pinongin nabi mita, mogogundoi-Ku mita tatua.”

NEHEMIA 9:30

Pomuḷoi in taong mosabar in Iko mobogoi in tompoingat kon i monia; pinongin in nabi, Roho-Mu in moguman kon i monia. Táe umat-Mu tatua in momompon kon bongoḷan, bo pinosarakan-Mu kon bangusa mita inta kon dunia naa.

IḶUAIAN 20:2

“Akuoi naa in ki Tuhan Allahmu inta nopoḷuai kon i monimu nongkon Mesir tampat inta pinononggataan kon i monimu.

YEREMIA 19:1

Ki Tuhan in nopotabá kon inakó notaḷui kon kendi, bo nonongganut kon tongonumai in itoi in bangusa bo tongonumai in imang inta nongogurangdon mita,

YEREMIA 19:10

Onda intua ki Tuhan in nopotabá kon inakó noḷosi kon kendi tatua kon tayowon in intau mita inta dinumudui kon inakó.

YEREMIA 25:4

Ki Tuhan in umuran doman mopotabá mangoi kon inimu in nabi mita mogogundoi-Nea, táe moiko in doíbí mokidongog bo monaridi kon i monia.

YEREMIA 7:25

Pinangkoi kon mogoguyangmu iḻumuai nongkon Mesir nodapot in singgai naa Akuoi in umuranbí nopotabá mangoi kon mogogundoi-Ku mita, nabi mita, namangoi kon inimu.

YEHEZKIEL 17:2

“Ei intau ilo-ilow, oumandon kon intau mita in Israel in poumpamaan,

YEHEZKIEL 20:49

Táe akuoi ki Yehezkiel nomayow poḷat moguman, “Tuhan Inta Totok in moḷantud, dika potabá in akuoi moguman kon tua! Bayongan in intau ain nogamui sin akuoi in moibog mosingog pongin tangkí dá mororiga komangaḻean.”

HOSEA 13:4

Ki Tuhan in noguman, “Akuoibí in ki Tuhan Allahmu, inta nodia kon i monimu iḻumuai nongkon Mesir. Moiko in diábí ko Allah ibanea koḻikudbí in Akuoi. Tongábí Aku-Akuoi mita in mopoposaḷamatmu.

HOSEA 3:1

Ki Tuhan in noguman kon inakó, “Bayádon bui bo kotabi in bobay tobatú inta moibog mokituaḻing. Kotabidon in sia ná doman Akuoi notabi kon intau in Israel umpaka mosia ain nonaḷámai kon i-Nakó bo nosumba kon ilah mita ibanea poḷat doman noposumba in kukis kismis kon berhala.”

YOËL 2:28

“Kon singgai moiduduimai bayongan in intau in ogoian-Kudon in roho-Ku. Dá ki adímu ḷoḷaki bo bobay in mopotaaudon in koyow-Ku mita; intau mita inta noguyangdon mita kon yuakmu in tumogoindopdon oontongon in ogoidon kon tayowmobiag bo mongodeaga.

IMAMAT 23:42

Pitu nosinggai in koonggotnea bayongan bangusa Israel musti mogutun kon bonu in pondok mita inta inatopan in daun,

AMOS 7:14

Ki Amos in notubag, “Akuoi in deemanbí nabi popisí in ḷoḻitúan. Sabanarnea in akuoi naa in mononombobiagonbí bo mososipú kon bungai in ara.

PINOGIAPAN 12:6

bo ki Tuhan noguman, “Indongogai in tosingogon-Ku naa! Aka kon sigad monimu bo oyúon in tobatú nabi, yo Akuoi in mokipogontong kon inia kon bonu in oontongon mita, bo mongonguman takinnea kon bonu in togoindop.

OUMAN IN RASUL MITA 2:17

‘Kon singgai tumi, Akuoi in mobogoi in Roho-Ku kon bayongan in intau. Ki adímu mita ḷoḷaki bo ki adímu mita bobay in mopotaaubí kon i monimu in soaḷ mita inta pinotaau-Ku kon i monia. Intaumu mita inta nongobagupa in mokoontong kon soaḷ mita inta poontong-Ku kon i monia. Guyangamu mita in tumogoindopbí kon togoindop inta ogoi-Ku kon i monia.

KORINTUS 2 12:1

Totuubí kon diábí in mangaḻe dumodia. Tongá mustikubí doman popotaau onu inta ain pinowahyu bo inta pinoontong i Allah kon inakó.

KORINTUS 2 12:7

Táe sinbá diá dumodia in akuoi kon soaḷ mita inta ain pinoontong i Allah tatua, dá akuoi in inogoian in naonda bo tobatú panyaki kon bonu in awakku inta nobaḻí alat in Ibilis. Panyaki tatua inogoi pinohukum kon inakó sinbá diá dumodia in akuoi.