HOSEA 10:4 - Alkitab Singog In Mongondow Masa In Tanaa

⁴ Mosia in mosingog kon ambungangaḷ bo momia kon dandi diá totuu bo tumogot kon dodandian inta diá in mangaḻenea. Hukum tuuyon dá inta diá moadil in mobiag naonda bo tagoi kon gobá inta ain pinasoḷan.

HOSEA 10:4 ပူးပေါင်းရင်းမြစ်များ

YESAYA 5:7

Sin gobá in anggur i Tuhan Inta Totok in Mokawasa in umat in Israel, bo intau mita in Yohuda in pangkoi in anggur inta pinomuḷa-Nea. Kon i monia iharap-Nea mako in aid inta moadil, táe tongábí aid moraat. Kon bonu in kamang-Nea mosia in moposindogbí in inta mobanar, táe tongábí oyúon in karak moigum kon koadilan.

HOSEA 4:2

Mosia in mongibot, táe diábí totuuon monia; mosia in monguboḷ, moḻimod, monakow bo monuaḻing. Aid moraat modugang, bo poḻimodan in moyo-moyodudui.

HOSEA 6:7

Táe naonda bo kon Adam, moiko in nonaḷámai kon dodandianmu takin-Ku.

AMOS 5:7

Moboditodon in moiko, moiko inta mopoyotuuy kon inta moadil bo mogagow kon hak in intau!

AMOS 6:12

Yo degá mokoribatukpa in kabaḷo kon buḷud batu? Nokoimontandon degá in intau nopomajeko in sapi kon dagat? Táe moiko in nonuuidon kon kooadil nobaḻí rasum inta mokopatoi, bo inta moitutui mobaḻí moitaḷá.

OUMAN IN RASUL MITA 8:23

Sin kinotaauanku kon iko nion in intaubí inta mointoi totok bo kinawasa in raian mita inta diá mopia.”

SURAT I PAULUS KON JAMAAT RUM 1:31

mosia in doíbí mosimangartian; diá doman mosatia bo diá doman in totabian kon tumpaḷa intau.

ULANGAN 29:18

Dá ḷukadaidon sinbá diá modapot in tobatúmai in intau kon sigad monimu, ḷoḷaki ande bobay, koluarga ande suku inta sinimindog kon naa, in monoḻikud kon i Tuhan Allah naton sin mayá mosumba kon ilah mita in bangusa ibanea. Oaid natua naonda bo uakat inta nobiag nobaḻí pinomuḷa inta pait bo korasum.

ULANGAN 31:16

Guman i Tuhan kon i Musa, “Kopatoianmu in motoyongdon. Naonda in iko matoi, bangusa Israel in diádon mosatia kon i-Nakó bo monoḻikudon kon dodandian inta pinomia-Ku takin i monia. Mosia in monaḷámaidon kon i-Nakó sin mayá mosumba kon ilah mita inta sinumba kon butá inta diádon moonggot tuotan monia.

ULANGAN 31:17

Aka tua bo mobaḻí, yo torú-Ku in moḷobendon kon i monia. Mosia in taḷaan-Kudon bo yopúon-Ku. Mobayong in bodito mokoondok in moiuma kon i monia, bo mosadardon in mosia kon tua mita in nobaḻí popisí in Akuoi, ki Allah monia diádon koyota-yotakin monia.

TIMOTIUS 2 3:3

Diábí in tabi monia kon tumpaḷa intau, sahingga doíbí mongampung kon intau inta kotaḷá kon i monia, bo moibo-ibog in moporaatmai kon intau ibanea, bo diá doman mokotahang kon ibog, totok doman in morogi bo soaḷ inta mopia in kodoíbí monia.

IBRANI 12:15

Ḷukadaibí sinbá diá tobatúmai in intau ḷumuai nongkon kobiagan inta pinodoyon kon totabi i Allah, sinbá diá in mobaḻí rasum inta mokopomuká kon ropatoi bo inta mokogoguyaat kon kobiagan intau mobayong.