HAKIM MITA 8:3 - Alkitab Singog In Mongondow Masa In Tanaa

³ Moikobí nion in nokouḻí kon kawasa nongkon i Allah dá nokoḻimod kon i Oreb bo kon i Zeeb, itoi doyowa in intau Midian tua! Aka poyobandingonmai intua yo onubí in mangaḻe in aidku naa?” Naonda in ki Gideon noguman natua, mosia diádon sinumorú bui.

HAKIM MITA 8:3 ပူးပေါင်းရင်းမြစ်များ

MAZMUR 115:1

Deemanbí kami, o Tuhan, deemanbí kami, táe tongábí Iko in musti dayowon, sin Iko in mosatia bo umuran motabi.

MAZMUR 44:3

Iko tontaní in noguntun kon bangusa mita sinbá umat-Mu in mogutun motantú kon butá monia. Bangusa mita ibanea pinobodito-Mu, táe umat-Mu in pinomayá-Mu mako in kodugangannea.

AMSAL 15:1

Singog inta moḷukó, mokopiong kon torú; tubag inta mopatú mokotagab kon torú.

AMSAL 16:32

Diá ḷagi tumorú tuabí in mopia-pia in kokawasa; mokoigon kon gina in mopia-pia in mokotaḷow kon kotá.

AMSAL 25:11

Bonu in raian inta pinoposingog noitongkaná kon wakutunea in naonda bo bungai in buḷawan kon bonu in pindan saḷaka moḷoben.

AMSAL 25:15

Aid mosabar takin tosingogon mita inta moḷukó in mokoyakinbí kon intau inta nongawasa, bo mokorimumud kon bayongan inta moḷawang.

YOHANES 4:37

Totuubí in toḻibag nanaa, ‘Tobatú in momuḷa, ibanea i mokoyut.’

SURAT I PAULUS KON JAMAAT RUM 12:3

Ki Allah in nobogoidon in totabi-Nea kon i-Nakó. Manangka intua utat mita akuoi in mononggina kon i monimu nanaa: Donaaibí in moiko morasa kon lebedon moḷantud nongkon kaadaanmu sabanarnea. Táe naa in aidai: mokopoompá kon raian bo nilaidon in kaadaan monimu tontaní. Nilai in kaadaan monimu tontaní podudui in komampuan inta inogoi i Allah kon inia, sin sia in mopirisaya kon i Yesus.

SURAT I PAULUS KON JAMAAT RUM 12:6

Kita in inogoianbí in totabi inta noyo-noyoposi. Totabi mita tatua in inogoi i Allah kon i naton pinoduduibí kon ibog-Nea. Manangka intua onu inta pinonotabi tatua in mustibí pakéon naton. Intau inta nokouḻí kon totabi mopohabar in habar nongkon i Allah, mustibí mopohabar in habar nongkon i Allah podudui in komampuannea.

PILIPI 2:3

Dika motayak kon kauntungan tontaní andeka dumodia kon intau. Táe pokopoompábí kon dodia bo anggapdon kon intau ibaneabí in mopia-pia nongkon inaton.

HAKIM MITA 8:2

Táe ki Gideon in notubag, “Onu in pinomiaku diábí totok in moḷoben in mangaḻenea aka poyobandingonmai in onu inta ain pinomia monimu. Umpaka inta pinomia monimu tua tongá topiḻik, táe inta topiḻikbí tua in moḷobe-ḷoben in mangaḻenea nongkon bayongan inta ain inaidan in tontara nongkon inanakanku.

HAKIM MITA 8:4

Kon dodai intua ki Gideon takin intaunea inta toḷu nogatut nodapotdon kon ḷoḷan in Ongkag in Yordan. Mosia noḷopídon totok táe umuranpa doman nondudur kon musung.