HAKIM MITA 7:9 - Alkitab Singog In Mongondow Masa In Tanaa

⁹ Doḷom tua ki Tuhan noguman kon i Gideon, “Pobangon, Gideon! Bayádon tubu in pinononḷoḷaigan in intau in Midian. Popountung-Kubí in iko nongkon i monia.

HAKIM MITA 7:9 ပူးပေါင်းရင်းမြစ်များ

TAWARIKH 2 20:17

Moiko in diá bidon paraḷu moropatoi kon bonu in parang tanaa. Bayádon kon tampat inta ain sinantú kon inimu bo oḷatdon kon tua. Moiko in mokoontongbí kon ki Tuhan in mobogoi in kauntungan kon i monimu. Ei intau in Yohuda bo Yerusalem, dikadon moḻia-ḻiaw in gina andeka moondok. Bayádon kon parang tatua, ki Tuhan in motuḷungbí kon i monimu!”

AYUB 4:13

Siugku in kinotuyayowannea, nádon onda bo sinumogoindop kon diá mopia kon sindip moromon.

MATIUS 1:20

Tongá kon wakutu in sia koyogot nopomiki-mikirmai kon makusudnea tatua, malaekat i Tuhan namangoi kon inia kon bonu in togoindop bo noguman: “Yusup, buí i Daud, donaaibí moondok iko motonibuḷoi takin i Maria, sin adí inta kon bonupa in siannea tua in nobaḻí sin kawasabí in Roho i Allah.

MATIUS 2:13

Naonda intau mita in Mayusi minayádon, malaekat i Tuhan nokipogontong kon i Yusup kon bonu in togoindop bo noguman: “Pobangondon iko bo gamádon in Adí tatua takin ki iná-Nea bo dia, poḷaguidon kon butá in Mesir bo pogutunpa kon tua modapot in Akuoi bui mosingog kon inimu, sin ki Herodes moḷongasi motayak kon adí tatua bo ḻimodon”.

OUMAN IN RASUL MITA 27:23

Sin kogobíi malaekat i Allah inta sinumbaku, ki Allah inta ki togi kon inakó in namangoi kon inakó.

YOSUA 10:8

Ki Tuhan noguman kon i Yosua, “Dika moondok kon i monia. Kauntungan inogoi-Kudon kon inimu, tuamai in diábí tobatúmai in intau mokotahang in monayow kon inimu.”

YOSUA 11:6

Ki Tuhan noguman kon i Yosua, “Dika moondok kon i monia. Ikoḷom kon oras ná tanaa, mosia tua in komintandon ḻimodon-Ku sin motuḷung kon Israel. Kabaḷo monia in musti pengkoḷanmu, bo kereta mita in parang monia in musti turubon mu.”

YOSUA 2:24

Onda intua mosia noguman, “Notantú bidon kon ogoibí i Tuhan in bayongan in butá tatua kon inaton; Bayongan in intau kon tua moondokdon kon i naton.”

HAKIM MITA 3:10

Sia in kinawasa in Roho i Tuhan dá sia in nobaḻí itoi kon umat in Israel. Sia in minayá noparang, bo pinopountung i Tuhan in sia nongkon datu in Mesopotamia.

HAKIM MITA 3:28

“Dudui kon inakó,” gumannea kon i monia, “Ki Tuhan ain nonaḷow kon intau mita in Moab, mosia kon bonudon in kawasamu.” Dá kon bonu in tongganut i Ehud, nosiḻigdon in intau mita in Israel tatua nongkon buḷud. Mosia in nogagow kon ḷoḷoḷanan in intau in Moab kon Ongkag in Yordan. Diá in tobatúmai in musung mita tatua pinomayá mako iḷumoḷan takin nosaḷamat.

HAKIM MITA 7:10

Táe aka iko moondok, dá anutaidon in ki Pura, bobantungmu tua mayá moyotakinmu kon pinononḷoḷaigan in musung.

HAKIM MITA 7:8

Tuamai in pinoki pobuiandon i Gideon in bayongan intau in Israel ibanea koḻikudon in toḷu nogatut tatua. Bayongan in tongkaaḷ bo torompet ginamádon nongkon intau mita inta nobui tatua. Intau in Midian kon ḷopá inta kon ḻimonaganmai in inta pinononḷoḷaigan in intau in Israel.

SAMUEL 1 14:8

“Mopia,” guman i Yonatan. “Kon wakutu in iḷumoḷan, mokipogontong in kita kon intau mita in Pilistin tatua.

SAMUEL 1 23:4

Manangka intua komintanpa doman in ki Daud minayá nopoigum in totundú nongkon i Tuhan, bo ki Tuhan in notubag, “Dika moḻia-ḻiaw in gina. Tubudon in kotá tatua ogoi-Kubí kon inimu.”