HAKIM MITA 5:9 - Alkitab Singog In Mongondow Masa In Tanaa

⁹ Kon panglima mita in Israel inta namangoi takin ibog tontaní, poyaputku in tosingogon ponghargaan moḷoben kon i monia. Dinayo-dayowdon in ki Tuhan!

HAKIM MITA 5:9 ပူးပေါင်းရင်းမြစ်များ

TAWARIKH 1 29:9

Rayat in nobogoibí takin pia in gina kon i Tuhan bo noḷunganga in gina sin nobayongdon in pinosumba monia. Nosanang domandon totok in gina i Datu Daud.

TAWARIKH 2 17:16

Intau nogintoḷu in ki Amasia ki adí i Zikhri; sia in nobaḻí tongguḷu kon 200.000 in tontara (Ki Amasia naa in intau tobatú inta ibogneabí tontaní in nogundoi kon i Tuhan.)

TAWARIKH 2 31:8

Nokoontongmai kon oogoi inta námai tua in kobayong, ki Datu Hizkia bo pogawainea mita nodayow kon i Tuhan bo nomuji kon rayat in Israel, umat-Nea.

NEHEMIA 11:2

Kon sigad monia oyúonbí in takin ḻimbatú in gina mogutun motantú kon Yerusalem bo mosia in dinayow in rayat.

MAZMUR 103:2

Dayowdon in ki Tuhan, ei dimukudku, dika ḻiongon in bayongan in kopopia-Nea!

MAZMUR 110:3

Kon singgai iko mamangoi takin kawasa, kon buḷud inta motusi, rayatmu in mayá takin ibog tontaní. Naonda bo oḷú doḷo-doḷom, tayowmobiag mita mamangoi kon inimu.

KORINTUS 2 8:12

Aka gina monimu bo motuḻidbí in mobogoi, dá tarimaanbí i Allah onu inta inogoi monimu tua, asaḷ bo onu inta inogoi monimu tua, pinodoyon kon onu inta oyúon kon i monimu, deemanbí pinodoyon kon onu inta diá in kon i monimu.

KORINTUS 2 8:17

Sia in diábí tongá sakadar nomaḷut kon onu inta pinoigum nami, táe totu-totuubí noibog notuḷung kon i monimu noidapot in sia tontaní in namangoi kon i monimu.

KORINTUS 2 9:5

Manangka intua, iraikumai yo maní potabákudon muna mamangoi kon i monimu in mosia, sinbá motaau monouḷut muna kon onu inta ogoi monimu podudui in dandi monimu tungkuḷ intua. Aka natua yo moniatadon kon onu in inogoi monimu nion inogoibí takin nosanang in gina bo deemanbí tongá pakisa.

HAKIM MITA 5:2

Dayowdon in ki Tuhan, sin tontara mita in Israel in noniat bidon in mayá moparang, bo nobayagbí in gina in rayat in mayá moparang.