HAKIM MITA 4:3 - Alkitab Singog In Mongondow Masa In Tanaa

³ Ki Yabin kokereta in parang inta pinomia nongkon uatoi, 900 in kobayongnea. Doyowa nopuḷú notaong in koonggotnea sia in nononggata kon intau in Israel takin dodia moraat. Bo mosia in nokuani nokituḷung kon i Tuhan.

HAKIM MITA 4:3 ပူးပေါင်းရင်းမြစ်များ

MAZMUR 106:42

Bo mosia in dinorot in musung mita monia, bo pinotungkud kon ḻimonag in kawasa monia.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

MAZMUR 78:34

Pomuḷoi in ki Allah moḻimod kon tongonumai in kon sigad monia, ibanea in momanasaḷ bo mobui mangoi kon i-Nia.

IḶUAIAN 2:23

Noonggot mako kon tua ki datu in Mesir minatoidon. Táe bangusa Israel umuranpa doman mogamui popisí in mosia umuranpa doman sinonggata, nodapot in mosia nomaḷú mokituḷung. Amui monia tatua dinongogdon i Allah.

ULANGAN 28:29

Singgai moiko in mayá takin mongokap naonda bo intau bilog, táe diábí mokouḻí kon daḷan. Bayongan in totayakmu diábí in mangaḻenea. Moiko in tantú bidon doroton bo pogagowan, bo diábí in motuḷung kon i monimu.

ULANGAN 28:33

Bangusa ango-angoi in mogamádon kon bayongan bungai in boyómu inta nouḻí monimu takin iyumoyiga in nogaid, táe moiko tontaní in diábí mokouḻí kon onu bo onu koḻikudbí in umuran tonggataan bo popoaidan monia in aid moraat.

YOSUA 17:16

Buí i Yusup tatua notubag, “Butá kon buḷud tatua in diábí tugat kon inami, bo bangusa in Kanaan inta nogutun kon rata mita inta moompá oyúon in kereta mita in parang inta pinomia nongkon uatoi – pinomayá inta nogutun kon Bet-Sean bo ḻipú mita inta kon diugneamai, ande mosia inta nogutun kon Ḷopá in Yizreel.”

HAKIM MITA 10:10

Bo umat in Israel nokuanidon kon i Tuhan, kainia, “Kami aindon nogaid kon dosa kon ini-Mu, sin kami in diádon noindoimai kon ini-Mu, o Allah nami. Kami in nosumbadon kon dewa mita i Baal.”

HAKIM MITA 10:16

Onda intua mosia noḷumbúdon kon bayongan patong berhala, bo nosumbadon bui kon i Allah. Dá inagíandon in tabi in ki Allah nokoontong kon i monia kon bonu in roriga.

HAKIM MITA 3:15

Táe naonda in umat Israel nokuani nokituḷung kon i Tuhan, inogoi i Tuhan in ki Ehud sin nopoḷuat kon i monia. Ki Ehud naa in ḻimanea koḷoigi in moropot; sia in ki adí i Gera nongkon suku Benyamin, bo sia tua inta biasamai mogatod kon i Datu Eglon kon iba inta musti uboḻian in umat in Israel.

HAKIM MITA 3:9

Onda intua umat in Israel nokuani nokituḷung kon i Tuhan, bo inogoi i Tuhan in ki Otniel sin mopoḷuat kon i monia. (Ki Otniel ki adí i Kenas, inta ki ai-ai i Kaleb.)

HAKIM MITA 4:13

sia nosipun kon siow nogatut in kereta parangnea inta pinomia nongkon uatoi tatua, takin bayongan in tontaranea bo nodia kon i monia nongkon Haroset-Hagoyim minayá ná Ongkag in Kison.

HAKIM MITA 4:4

Kon dodai intua intau inta nobaḻí itoi kon Israel in nabi bobay tobatú. Ki Debora in tangoinea, ki buḷoi i Lapidot.

HAKIM MITA 5:8

Naonda in Israel momangkoidon mosumba kon dewa, nobaḻídon in parang kon butá monia; kon sigad in opat nopuḷú noribu in tontara in bangusa, diábí in tobatúmai in notonggó kon ḷoḷutam.

HAKIM MITA 6:6

bo umat in Israel diá mokopongonu kon i monia.

SAMUEL 1 7:8

Mosia in noguman kon i Samuel, “Dikadon mogoga-gogai in mosambayang kon i Tuhan Allah naton sinbá posaḷamaton-Nea in kita nongkon intau in Pilistin.”