HAKIM MITA 3:3 - Alkitab Singog In Mongondow Masa In Tanaa

³ Bangusa mita inta nogutunpa kon butá tatua in bangusa inta nogutun kon ḻima in kotá in Pilistin, bayongan in bangusa Kanaan, bangusa Sidon, bo bangusa Hewi inta nogutun kon buḷud in Libanon, pinangkoi kon Buḷud in Baal-Hermon nodapot kon daḷan inta nopobayá in Hamat.

HAKIM MITA 3:3 ပူးပေါင်းရင်းမြစ်များ

KINOBAḺIAN 49:13

Ki Zebulon in mogutun kon diug in dagat; kapaḷ mita in sinumubu kon pintadnea; modapot kon Sidon in sigad toḻibutánea.

SAMUEL 2 24:7

Nongkon tua in mosia minayá ná toḷatan kon Tirus kotá inta oyúon in tampat poḷoḷukadan tua. Noiduduimai kon tua mosia minayá in bayongan kotá in intau in Hewi bo intau in Kanaan, bo imbuitnea in kon Bersyeba, kon dotá in toḷatan in Yohuda.

DATU MITA IMITÁNEA 8:65

Kon Baḷoi Tuhan tatua ki Salomo bo bayongan umat in Israel nomia kon rame Pondok Daun pitu nosinggai in koonggotnea. Totuu mobarong in intau inta noyosipun kon tua. Mosia in namangoi nongkon butá Hamat kon utuan nodapot in pinosigadan in Mesir kon toḷatan.

DATU MITA IMITÁNEA 9:20

Kon pinogaidan tatua ki Salomo nomaké in intau mita buí in intau Amori, Het, Peris, Hewi bo Yebus. Mosia tua in intau mita buí in bangusa Kanaan inta diá motaau daiton ḻimodon in intau in Israel kon dodai in mosia ḻimitúdon kon butá tatua. Umaai naa buí monia tantúpa nobaḻí ata.

YEHEZKIEL 47:20

Pinosigadan kon dotá in toyopan sinompid in Dagat Toyuak, bodongka nopobayá ná utuan kon tampat tobatú kon dotá in toyopan daḷan tumuot in Hamat.

PINOGIAPAN 13:29

Intau in Amalek nogutun kon dotá in toḷatan butá tatua; Intau in Het, Yebus bo Amori nogutun kon buḷud; bo intau in Kanaan in nogutun kon butá inta kon bingkí in dagat bo kon bingkí Ongkag in Yordan.”

PINOGIAPAN 34:8

bo nongkon tua mopobayá in Daḷan Hamat, bo tumurus mayá in Zedad

ULANGAN 1:7

Tanaa kokaidon in ḷoḷaiganmu bo bayádon kon buḷud in intau Amori bo kon bayongan in butá inta kon diugneamai, tuata in Ḷopá in Yordan, butá inta notombuḷud bo inta nooyuk, butá inta kon dotá in toḷatan bo pintad in Dagat Toyuak. Bayádon ḻitúai in butá in Kanaan bo Buḷud in Libanon modapot kon ongkag moḷoben in Eprat.

ULANGAN 3:9

Buḷud in Hermon sinangoi intau in Sidon ‘Siryon’ bo sinangoi intau in Amori ‘Senir’.)

YOSUA 11:19

Nongkon kotá mita kon bayongan in butá tatua, diábí in tobatúmai in kotá in nogaid kon dodandian yoyobayatan takin Israel, koḻikudbí in Gibeon, kotá in bangusa in Hewi. Bayongan doman kotá ibanea sinaḷow doman monia kon bonu in parang.

YOSUA 11:3

Sia in nopotabá doman in intau minayá kon intau in Kanaan inta kon dotá in toyopan bo kon dotá in pomukaan kon Yordan, kon intau in Amori, Het, Peris, bo intau in Yebus inta kon buḷud mita, bo kon intau in Hewi kon sipangkoion in Buḷud in Hermon kon butá in Mizpa.

YOSUA 13:3

bo bayongan butá in Awi nopobayá; ná toḷatan. (Butá inta nongkon Ongkag in Sikhor kon pinosigadan in Mesir nodapot kon pinosigadan in Ekron kon dotá in utuan, tua komintan in noituot kon butá in bangusa Kanaan; bo datu mita in Pilistin nogutun kon Gaza, Asdod, Askelon, Gat bo Ekron.)

YOSUA 13:5

noiduduimai kon tua butá in bangusa in Gebal, bo bayongan in butá in Libanon nopobayá ná pomukaan, nongkon Baal-Gad kon dotá in toḷatan Buḷud in Hermon, bo minayá nodapot kon daḷan inta nopobayá ná Hamat.

YOSUA 19:28

Ebron, Rehob, Hamon, bo Kana, nodapot kon Sidon.

YOSUA 9:7

Táe intau mita in Israel noguman, “Onubí in mangaḻenea kami momia kon dodandian takin i monimu? Degá bo moiko nion in tongábí nogutun kon nodiugmai mita kon naa!”

HAKIM MITA 10:7

Tuamai in sinumorú in ki Tuhan kon umat in Israel, dá pinomayá-Neadon mako in bangusa in Pilistin bo bangusa in Amon nongawasa kon i monia.

HAKIM MITA 14:4

Guranga i Simson diábí nonotaau kon ki Tuhanbí in nopobaḻí kon Simson momia kon natua. Sin ki Tuhan in motayakdon kon kasampatan momarang kon intau in Pilistin. Kon tungkuḷ intua intau in Pilistin nongawasadon kon intau in Israel.

HAKIM MITA 18:7

Nopaḷut mako kon tua taya ḻima tua minayá in Lais. Kon tua nonaridimai in mosia kon intau mita inta nogutun kon tua. Noniata magí kobobiag in intau mita in Lais tatua naonda bo kobobiag in bangusa in Sidon. Umpakabí noitontaní in mosia, bo noyayú nongkon bangusa in Sidon, mosia tua in nobiagbí noaman bo motompia, diá in musung, nooyúon, bo diábí in diá kon i monia.

HAKIM MITA 3:2

Pinomia i Tuhan intua tongábí makusud motundú kon bayongan in intau mita topobiagan kon Israel moparang, inta dungkuḷ totok in mosia inta diápa kon dodai in onda sinumakin noparang.

HAKIM MITA 4:2

Dá pinomayádon mako i Tuhan in mosia sinaḷow i Yabin, datu in Kanaan inta kon kotá in Hazor in kinoḻitúannea. Panglima in tontaranea in ki Sisera inta nogutun kon Haroset-Hagoyim.

SAMUEL 1 13:5

Bo kon dodai intua intau in Pilistin noyosipun domandon sin monubu kon intau in Israel; kon dotá monia oyúon in 30.000 in kereta in parang, 6.000 in intau sinumakoi kon kabaḷo, bo prajurit mita ná kobayong in bungaion kon pintad. Mosia in noyosipun kon Mikhmas kon dotá in pomukaan kon Bet-Awen.

SAMUEL 1 29:2

Datu in Pilistin taya ḻima minayá nopipid takin pinonobatúan-pinonobatúannea inta kon batúannea oyúon in tumogogatut bo oyúon in tumongoribu in intau; ki Daud bo intaunea in nopipid kon tumi noyotakin i Datu Akhis.

SAMUEL 1 6:16

Naonda in datu in Pilistin taya ḻima tatua nokoontong kon bayongan tua nobuidon in mosia kon Ekron kon singgai doman tuata.

SAMUEL 1 6:4

“Tontobut onu in musti ogoi naton kon i-Nia?” intau mita tatua noḻibó. Tubag in imang mita tatua, “Ḻima in bobentuḷ buḷawan bo ḻima in boyod buḷawan, podudui in kobayong in datu mita in Pilistin. Kinotaauan bidon monimu kon bodito ná bobentuḷ mita bo boyod doman ain noiuma kon i monimu komintan, pinomayá rayat andeka datu?