HAKIM MITA 2:2 - Alkitab Singog In Mongondow Masa In Tanaa

² Tuamai moiko in diá bidon motaau in mogaid kon dodandian ibanea takin intau mita inta nogutun kon butá tanaa. Mezbah mita monia in mustibí toko umpagon monimu.’ Táe diábí inaidan monimu in onu inta ain pinoki aid-Ku tatua. Tongábí inta diá pinoki aid-Ku in inaidan monimu!

HAKIM MITA 2:2 ပူးပေါင်းရင်းမြစ်များ

KINOBAḺIAN 12:18

Bo ki datu in nogoiní kon i Abram bo noḻibó kon inia, “Onudon in pinomiamu kon inakó naa? Nongonu sin diábí pinogumanmu kon sia naa in ki buḷoimu?

KINOBAḺIAN 4:10

Bo ki Tuhan in noguman, “Nongonu sin iko in nogaidbí kon soaḷ inta mokoondok natua? Dugú i ai-aimu in nokuani kon Inakó nongkon butá, naonda bo singog inta nomaḷú mokituḻí.

IḶUAIAN 32:21

Sia in noguman kon i Harun, “Onudon in inaidan monia kon inimu nodapot in pinomayámudon mako in mosia nogaid kon dosa moḷoben tatua?”

YEREMIA 2:18

Onu in mangaḻe in binayáanmu in Mesir? Monginum degá kon tubig in Ongkag in Nil? Onu in mangaḻenea in bayáanmu in Asyur? Monginum degá kon tubig in Ongkag in Eprat?

YEREMIA 2:36

Moḷamemet totok in moiko in mayá kon dewa mita in bangusa ibanea sin mokituḷung! Moiko in notantú bidon kon pokudaion in Mesir, notongkai in moiko pinokudai in Asyur.

YEREMIA 2:5

Ki Tuhan in noguman, “Taḷá onu in nouḻí in mogoguyangmu kon i-Nakó, nodapot in mosia nomaḻidawan kon i-Nakó? Mosia in nomatuk kon berhala inta diá in mangaḻenea bo imbuitnea mosiadon tontaní in nohina.

ULANGAN 7:16

Batúan in bangusa inta pinosarakan i Tuhan Allahmu kon bonu in kawasa mu musti yopúon monimu; dika mopoontong in tabi kon i monia. Dika mosumba kon ilah mita monia, sin aid mita natua mokopoangoi kon bodito kon inimu.

TESALONIKA 2 1:8

bo takin tuḷú inta kodoko-dokot. Sia in mamangoi mohukum kon intau mita inta diá mopirisaya kon i Allah bo inta doí mokidongog kon Habar Mopia i Yesus Kristus ki Tuhan naton.

YOSUA 9:7

Táe intau mita in Israel noguman, “Onubí in mangaḻenea kami momia kon dodandian takin i monimu? Degá bo moiko nion in tongábí nogutun kon nodiugmai mita kon naa!”

PETRUS 1 4:17

Sin naa bidon wakutu i Allah momangkoi mohakim kon dunia naa. Bo umatbí i Allah inta muna-munamai hakimon. Dá aka kita inta mopirisaya bo hakimon doman, yo onu in mobaḻí kon i monia inta diá mopirisaya kon Habar Mopia nongkon i Allah tua?

HAKIM MITA 2:20

Manangka intua ki Tuhan sinumorúdon totok kon umat in Israel, bo noguman, “Akuoi in nogumandon kon mogoguyang in bangusa tanaa sinbá umuran kumadai kon dodandian-Ku takin i monia. Táe bangusa tanaa in nomontowdon kon dodandian tatua; mosia in iḻimimpat kon parenta-Ku.

HAKIM MITA 6:10

Aindon pinoguman-Ku kon inimu kon Akuoibí in ki Tuhan Allahmu, bo moiko in diábí motaau mosumba kon dewa mita in bangusa in Amori inta butá monia in pinogutunan monimu masai naa. Táe moiko in doíbí dinumudui kon parenta-Ku.’ ”

HAKIM MITA 6:8

Ki Tuhan nopotabá mangoi kon i monia in nabi tobatú. Nabi tatua noguman, “Nanaa in guman i Tuhan, Allah in Israel: ‘Moiko ain pinoḷuat-Ku nongkon pinononggataan kon Mesir.

HAKIM MITA 8:27

Nongkon buḷawan mita tatua, ki Gideon nomia kon patong berhala, bo pinosindognea kon ḻipúnea inta kon Opra. Bayongan in intau in Israel minayá intua sin nosumba kon patong berhala tatua, nodapot in mosia diádon noindoimai kon i Allah. Bo soaḷ tatua in nobaḻí naonda bo poyogaḷap tobatú kon i Gideon bo motoḷuadínea.