HAKIM MITA 13:3 - Alkitab Singog In Mongondow Masa In Tanaa

³ Táe kon singgai tobatú malaekat i Tuhan nokipogontong kon i buḷoinea bobay bo poḷat noguman, “Naa in koonggotnea iko in diábí nokouḻí kon adí, táe diá bidon moonggot bo iko in monogusiandon, bo mokouḻí kon adí ḷoḷaki.

HAKIM MITA 13:3 ပူးပေါင်းရင်းမြစ်များ

KINOBAḺIAN 17:16

Barakatan-Ku in sia bo sia in mopononggadí in adí ḷoḷaki tobatú inta ogoi-Ku kon inimu. Totuu, Akuoi in momarakatbí kon i Sara, bo sia in mobaḻí mogoguyang bobay in bangusa mita. Kon sigad in buínea oyúon in mobaḻí datu mita.”

KINOBAḺIAN 18:10

Tobatú inta kon sigad nayatoḷu tua in noguman, “Siowpa nobuḷan Akuoi in momangoi bui. Bo kon dodai intua ki Sara ki buḷoimu in kogadídon kon adí ḷoḷaki.” Kon dodai intua ki Sara nokidongog mako nongkon ḷoḻingkop in ḷoḷaigan, inta kon tumimai in mokokiangoi mita tatua.

KINOBAḺIAN 18:14

Eta oyúon in diá komampuan i Tuhan aidan? Ná inta pinoguman-Ku koina, siowpa nobuḷan Akuoi in mobui mangoi kon naa. Bo kon dodai intua ki Sara in mopononggadídon in adí ḷoḷaki.”

DATU MITA 2 4:16

Bo ki Elisa in noguman kon inia, “Taong moiduduimai, kon oras ná tanaa, ki iná in mokoyot bidon kon adí mointok ḷoḷaki.” “Amá, dika monguboḷ!” guman in bobay tatua. “Ki Amá naa in mogogundoi i Allah!”

LUKAS 1:11

Bo kon wakutu in sia notubá kon kamania, malaekat i Tuhan nokipogontong kon inia. Malaekat tatua in sinimindog kon dotá in koḷanan meja pototubaan kon kamania.

LUKAS 1:13

Táe kain singog in malaekat tatua kon inia, “Dika moondok Zakharia, sin mintahangmu inindongogandon i Tuhan, dá ki Elisabet ki buḷoimu tua in mopolahirbí in adí ḷoḷaki, bo mustibí tangoianmu ki Yohanes in adí tatua.

HAKIM MITA 13:10

Dá, noribatuk in sia minayá nopotaau intua kon i buḷoinea, “Uḻe, indoiaika, dá intau inta koḻipod namangoi kon inakó tatua, namangoi bui!”

HAKIM MITA 13:15

Bo guman i Manoah kon i-Nia, “Oḷatpa Tuang motoyong. Podungúanpa nami kon bembé batánea in ki Tuang.”

HAKIM MITA 13:6

Nopaḷut mako kon tua ki buḷoi Manoah minayá kon i buḷoinea bo noguman, “Uḻe, totabá i Allah in namangoi kon inakó; batangannea in ná malaekat i Allah, dá inagían in ondok in akuoi. Diábí in akuoi noḻibó mongo nongkon onda in sia, bo diábí doman pinogumannea in tangoinea kon inakó.

HAKIM MITA 13:8

Nokodongogmai kon natua, nosambayangdon in ki Manoah kon i Tuhan, nanaa, “Tuhan, aka motaau yo buipa potabá-Mu mangoi in mogogundoi-Mu tatua kon inami sin mopotaau kon onu in musti pomiaan nami kon adí tatua naonda in sia pononggadí.”

HAKIM MITA 2:1

Malaekat i Tuhan nongkon Gilgal minayá in Bokhim bo noguman kon intau mita in Israel, “Akuoi ain nopoḷuai kon i monimu nongkon Mesir, bo nodia kon i monimu sinumuot kon butá inta pinodandi-Ku kon mogoguyang monimu. Ain doman pinoguman-Ku, ‘Dodandian-Ku takin i monimu in diábí bontowon-Ku.

HAKIM MITA 6:14

Onda intua ki Tuhan nobogoi in parenta tanaa kon i Gideon, “Takin bayongan in ropotmu bayádon poḷuat in intau Israel nongkon kawasa intau in Midian. Akuoibí in nopotabá kon inimu.”

SAMUEL 1 1:20

Bobay tatua in nonogusian bo nopononggadí in adí ḷoḷaki tobatú. Sinangoiannea ki Samuel, gumannea, “Sia in pinoigumkudon kon i Tuhan.”