HAGAI 2:6 - Alkitab Singog In Mongondow Masa In Tanaa

⁶ Kon modiugmai naa guguron-Kudon in ḷangit bo butá, toba bo dagat.

HAGAI 2:6 ပူးပေါင်းရင်းမြစ်များ

AYUB 9:6

Baḻíon i Allah in ḻinug nodapot in nodandú in butá naa, bo oigi tumbok in dunia modandú totok,

MAZMUR 18:7

Kon bonu in roriga nokuani in akuoi kon i Tuhan, akuoi in nomaḷú kon i Allahku mokituḷung. Nongkon Baḷoi-Nea inindongogan-Nea in singogku bo nonondudut kon kuaniku.

MAZMUR 37:10

Intau moraat in ḷagibí moinggamá, aka tayakon, yo diá bidon in sia.

YESAYA 10:25

Kon bonu in wakutu motoyong torú-Ku kon inimu mogogaidon, bo mosia in yopúon-Ku.

YESAYA 13:13

Baḻíon-Ku in ḷangit gumugur bo butá in moḷundan nongkon kinoḻitúannea kon singgai in Akuoi, ki Tuhan Inta Totok in mokawasa, mopoontong in torú-Ku.

YESAYA 2:19

Kon dodai in ki Tuhan simindog bo modandú kon butá, intau in tumuotbí kon bonu in angob mita kon buḷud mita in karang andeka mongaḻi kon bubú kon bonu in butá sinbá moiḷagui kon torú i Tuhan bo nongkon kawasa-Nea inta moḷantud. Aka singgai tatua in moiangoi, berhala mita saḷaka bo buḷawan inta pinomia bo sinumba monia tua in taḷaanbí mako natua ogoi kon boyod bo poniki.

YESAYA 29:17

Oyúon in toḻibag inta noguman nanaa, “Diádon moonggot bo kayuon mobaḻí gobá, bo gobá mobaḻí kayuon.”

YESAYA 34:4

Mata in singgai, buḷan bo tundi mita in morimumudbí. Ḷangit in ḻitodon naonda bo karatas. Tundi mita in moḷabúbí naonda bo daun mita inta mototak nongkon pangkoinea.

YEREMIA 33:14

Ki Tuhan in noguman, “Moiangoibí in wakutunea Akuoi in mogintompod kon dandi inta ain pinomia-Ku takin Israel bo Yohuda.

YEREMIA 51:33

Diádon moonggot taḷowon in mosia bo ritakan in musung naonda bo gandum kon tampat poḷoḻidokan. Akuoi, ki Tuhan Inta Totok in mokawasa, Allah in Israel, ain nosingog.”

YEHEZKIEL 38:19

Bo takin totok in tumorú indoyóon-Ku in mosia, kon singgai tatua in mobaḻídon in ḻinug inta motoyang totok kon butá in Israel.

YEHEZKIEL 38:20

Bayongan in toyá bo ḷagapan, bayongan in mahaḷuk moḷoben bo mointok, bo bayongan in intau kon dunia naa in mourotbí mako in ondok in tumayow kon i-Nakó. Buḷud mita in motabibí, irib mita in mongoḻitubí bo bayongan in dinding in moobatbí.

YOËL 3:16

Ki Tuhan in nopodongog in singog-Nea noḷangon nongkon Sion, buḷud-Nea; nongkon Yerusalem modoradádon in singog-Nea. Ḷangit bo butá moḻiai popisí-Nea. Táe ki Tuhan in umuranbí moduḷu bo moḷukad kon Israel, umat-Nea.

OUMAN IN RASUL MITA 2:19

Bo Akuoi in mogaid kon oaidan mita inta totok in mokoherang kon ḷangit, bo tanda mita kon butá naa; bo oyúonbí in dugú bo tuḷu bo poyok mobunod.

IBRANI 10:37

Sin kon Buk Motusi ain pinais nanaa: “Nodiugdon totok in wakutunea, dá Sia inta sinango-tangoi moiangoi tua, in ḷagidon moiangoi; Diá bidon baḷu-baḷuian-Nea in wakutu koangoian-Nea.

WAHYU 11:9

Intau mita nongkon bayongan negara, suku, bahasa bo bangusa in mokoontong kon mayat monia kon bonu in toḷu nosinggai kapin, bo diábí ogoi in intau mita tatua ḷobongon in mayat monia tua.