HAGAI 2:21 - Alkitab Singog In Mongondow Masa In Tanaa

²¹ sin potaau kon i Gubernur Zerubabel. Guman i Tuhan, “Diádon moonggot ḷangit bo butá in guguron-Ku,

HAGAI 2:21 ပူးပေါင်းရင်းမြစ်များ

TAWARIKH 1 3:19

Ki Pedaya in kogadí kon adí ḷoḷaki doyowa: ki Zerubabel bo ki Simei. Ki Zerubabel in kogadí kon adí ḷoḷaki doyowa ki Mesulam bo ki Hananya, bo tobatú in adí bobay tangoinea in ki Selomit.

EZRA 2:2

Itoi mita monia in ki Zerubabel, ki Yesua, ki Nehemia, ki Seraya, ki Reelaya, ki Mordekhai, ki Bilsan, ki Mispar, ki Bigwai, ki Rehum bo ki Baana. Naa in tangoi mita in motoḷuadí in Israel, takin kobayong in intau nongkon batúan in inanakan inta nobui nongkon pinoḷumbúan:

EZRA 5:2

Nokodongogmai kon koyow in nabi doyowa tatua, ki Zerubabel ki adí i Sealtiel bo ki Yesua ki adí i Yozadak ḷagidon nomangkoi bui noposindog in Baḷoi Tuhan kon Yerusalem, binantungan in nabi doyowa tatua.

MAZMUR 46:6

Ki Allah in nogutun kon tua, dá kotá tatua in diábí moinggamá; Tuḷungan-Neabí kon dodai in modiugdon mobayag.

YEHEZKIEL 21:27

Kotá tanaa in rimumudon-Kudon komintan, dá kon ondaka oyúonbí in apug. Táe tua in mobaḻí aka intau inta piniḻí-Ku sin mohukum kon kotá tanaa in moiangoidon. Sia tuata in pobogoian-Ku kon kotá tanaa.’ ”

YEHEZKIEL 26:15

Ki Tuhan Inta Totok in moḷantud ain noguman kon kotá in Tirus, “Intau inta nogutun kon pintad in mourotbí in ondok aka mokodongog kon karak kinotaḷowanmu bo kurik in intau inta totadonmai.

YOËL 3:16

Ki Tuhan in nopodongog in singog-Nea noḷangon nongkon Sion, buḷud-Nea; nongkon Yerusalem modoradádon in singog-Nea. Ḷangit bo butá moḻiai popisí-Nea. Táe ki Tuhan in umuranbí moduḷu bo moḷukad kon Israel, umat-Nea.

HAGAI 1:1

Kon taong induanea kon pinomarentaan i Datu Darius kon Persia, kon singgai imitánea kon buḷan noginggonom, ki Tuhan in nosingog pinongin i Nabi Hagai. Koyow i Tuhan tatua inogoi kon i Zerubabel ki adí i Sealtiel, gubernur in Yohuda, bo kon i Imang moḷoben Ki Yosua ki adí i Yozadak.

HAGAI 1:14

Natuata in aid i Tuhan nobogoi in ibog kon i Gubernur Zerubabel, kon i Imang Moḷoben ki Yosua takin bayongan in intau inta ain nobui nongkon pinoḷumbúan, sinbá mosia komintan in mogaid moposindog bui in Baḷoi i Tuhan Inta Totok in mokawasa, ki Allah monia.