HAGAI 2:2 - Alkitab Singog In Mongondow Masa In Tanaa

² Ki Tuhan in nopotabá kon i Hagai noyosingog i Gubernur Zerubabel, i Imang Moḷoben ki Yosua, takin rayat sin mopotaau in koyow tanaa,

HAGAI 2:2 ပူးပေါင်းရင်းမြစ်များ

EZRA 1:8

Ki Kores in nokitoinut in pakakat mita tatua kon i Mitredat, tongguḷu in intau inta kitogi totaau in pakakat mita in dodatuan. Noiduduimai kon tua ki Mitredat nomais kon pakakat mita tatua bo pinoki ogoi kon i Sesbazar, gubernur in Yohuda.

EZRA 2:63

Gubernur in butá in Yohuda diá nobogoi kon i monia nokaan kon kaanon inta pinosumba kon i Allah, nodapot in oyúon in imang tobatú inta nopoigum in topotundú nomaké in Urim bo Tumim.

EZRA 3:2

bo ki Yesua ki adí i Yozadak takin totakinnea imang mita bo ki Zerubabel ki adí i Sealtiel takin ginaḷumnea, noposindog bui in mezbah i Allah in Israel. Dá notaaudon in mosia motubá kon kuruban kon tudunea, podudui ná inta topotundú mita inta pinais kon bonu in hukum i Musa, mogogundoi i Allah.

NEHEMIA 8:9

Nokodongogmai kon pinobacaan kon Hukum tatua, pinongoibu in rayat bo poḷat nongombaḷ. Dá ki gubernur Nehemia bo ki Imang Ezra inta nonotaau totok in Hukum tatua bo intau mita in Lewi inta noginsilang kon Hukum tatua, noguman kon bayongan in rayat nanaa, “Singgai naa in singgai inta mokudus kon i Tuhan Allahmu, dá dikadon pongoibúon andeka mongombaḷ.

HAGAI 1:1

Kon taong induanea kon pinomarentaan i Datu Darius kon Persia, kon singgai imitánea kon buḷan noginggonom, ki Tuhan in nosingog pinongin i Nabi Hagai. Koyow i Tuhan tatua inogoi kon i Zerubabel ki adí i Sealtiel, gubernur in Yohuda, bo kon i Imang moḷoben Ki Yosua ki adí i Yozadak.

HAGAI 1:12

Onda intua ki Zerubabel bo ki Yosua takin bayongan umat in Israel inta ain nobui kon pinoḷumbúan kon Babel, in dinumudui kon tosingogon mita i Hagai, totabá i Tuhan tua. Mosia in nogaid kon onu inta pinarenta i Tuhan kon i monia, popisí in moondok kon i Tuhan.

HAGAI 1:14

Natuata in aid i Tuhan nobogoi in ibog kon i Gubernur Zerubabel, kon i Imang Moḷoben ki Yosua takin bayongan in intau inta ain nobui nongkon pinoḷumbúan, sinbá mosia komintan in mogaid moposindog bui in Baḷoi i Tuhan Inta Totok in mokawasa, ki Allah monia.