HAGAI 2:18 - Alkitab Singog In Mongondow Masa In Tanaa

¹⁸ Kon singgai tanaa, singgai indoyowa nopuḷú bo opat buḷan in siownea, dodatoḷan in Baḷoi-Ku noḷapatdon pinoḻitú! Taridiai onu in mobaḻí pangkoion kon tanaa mako.

HAGAI 2:18 ပူးပေါင်းရင်းမြစ်များ

EZRA 4:24

Pinogaidan kon Baḷoi Tuhan in pinogogaidon bo diádon iningguputan nodapot kon taong nogindua kon pinomarentaan i Darius, datu in Persia.

IMAMAT 19:25

Bain kon taong noginḻima bo motaaudon moiko mokaan kon bungainea. Aka duduian monimu in bayongan atorang tatua, yo bayongan pangkoi in ayopmu modugangdon modatog in bungainea. Akuoi in ki Tuhan Allahmu.

HAGAI 2:10

Kon singgai indoyowa nopuḷú bo opat buḷan in siownea kon taong nogindua kon pinomarentaan i Datu Darius, ki Tuhan Inta Totok in mokawasa in nosingog bui kon i nabi Hagai.

HAGAI 2:15

Ki Tuhan in noguman, “Tungkuḷaika, taridiai onu inta ain nobaḻí kon singgai koḷabung, kon dodai in Baḷoi-Ku tanaa diápa sinompia bui! Naonda in kaadaanmu kon dodai intua?

ZAKHARIA 4:9

Kai-nia, “Ki Zerubabel ain nogukat kon dodatoḷan in Baḷoi-Ku, bo sia in moginḷapatbí kon bayongan in bangunan tatua. Aka tua bo mobaḻí, yo kotaauandon in umat-Ku kon Akuoibí inta ain nopotabá kon inimu Zakharia kon i monia.

ZAKHARIA 8:12

Mosia in moponimboibí in bibit takin dame. Pangkoi mita in anggur monia in momungaibí, butá in mopoḷuaibí in bungainea, bo uyan in umuranbí morogot. Bayongan in barakat tatua in ogoi-Kubí kon bangusa mita inta nobiagpa nongkon bangusa tanaa.

ZAKHARIA 8:9

Ki Tuhan in noguman kon umat-Nea, “Koropot in ginamu! Tanaa moiko in nokodongogdon kon tosingogon mita inta ain doman siningog in nabi kon dodai in dodatoḷan inukat, sin moposindog bui in Baḷoi-Ku.

ULANGAN 32:29

Aka kuma bo mosia mobijaksana, momangaḻebí in mosia, bo morai kon kopaḷutan monia.