HAGAI 2:14 - Alkitab Singog In Mongondow Masa In Tanaa

¹⁴ Onda intua ki Hagai in noguman bui, “Ki Tuhan in noguman kon atorang tatua in pakéon doman kon umat in Israel kon butá tanaa bo kon bayongan in yagi-yagi inta nouḻí monia. Dá, onu inta pinosumba monia kon mezbah tanaa in nonajis.”

HAGAI 2:14 ပူးပေါင်းရင်းမြစ်များ

AMSAL 15:8

Ki Tuhan in motarima kon sambayang in intau mopia, táe doíbí in Sia kon sosumba in intau moraat.

AMSAL 21:27

Ki Tuhan in doíbí kon sosumba in intau inta moraat, apa doman aka pinosumba pinongin makusud inta mokooyá.

AMSAL 21:4

Intau moraat tatua in binaradosa, popisí in kinawasa in dodia bo ḷoḷatúnea.

AMSAL 28:9

Aka iko bo diá motoindudui kon hukum i Allah, yo ki Allah in doíbí doman kon sambayangmu.

YESAYA 66:3

Táe bangusa tatua in mogaid kon onu in koibog monia; mopia in gina monia kon pooibada inta mokorongó. Kon i monia diábí in yoposinea: mopokuruban in sapi koḷakian bo mopokuruban in intau, mopokuruban in ki adí in domba bo momutoḷ kon sigogow in ungkú; moposumba in gandum bo mopokuruban in dugú in boké, motubá kon kamania bo mosumba kon patong.

HOSEA 9:4

Kon butá mita tatua moiko in diá bidon mokoposumba in anggur bo kuruban biag sin mokoposanang kon gina i Tuhan. Kokaanonmu in mokopopisí kon intau inta mokaan kon tua in monajis, naonda bo kaanon inta kinaan kon upacara poḷobongan. Kaanon tatua in baragunanea in tongábí mokobotug kon sianmu; topiḻikmai yo diábí diaan kon Baḷoi Tuhan sin posumba kon tua.

TITUS 1:15

Bayongan in yagi-yagi in nodaritbí aka kon intau mita inta nodarit in raian. Táe aka kon i monia inta raian mokotor bo inta diá mopirisaya kon i Tuhan, yo diábí in tobatúmai in modarit, sin raian bo gina monia in komintan domandon mokotor!

YUDAS 1:23

Kapit bo poḷuai in mosia nongkon bonu in tuḷu sinbá mosaḷamat. Bo poontong doman in tabi kon intau mita ibanea, táe musti motoguondok. Kodoíbí modapot pakeang monia inta ain kinotoran in ibog monia inta binaradosa.