HAGAI 2:10 - Alkitab Singog In Mongondow Masa In Tanaa

¹⁰ Kon singgai indoyowa nopuḷú bo opat buḷan in siownea kon taong nogindua kon pinomarentaan i Datu Darius, ki Tuhan Inta Totok in mokawasa in nosingog bui kon i nabi Hagai.

HAGAI 2:10 ပူးပေါင်းရင်းမြစ်များ

HAGAI 1:1

Kon taong induanea kon pinomarentaan i Datu Darius kon Persia, kon singgai imitánea kon buḷan noginggonom, ki Tuhan in nosingog pinongin i Nabi Hagai. Koyow i Tuhan tatua inogoi kon i Zerubabel ki adí i Sealtiel, gubernur in Yohuda, bo kon i Imang moḷoben Ki Yosua ki adí i Yozadak.

HAGAI 1:15

Mosia in nomangkoidon nogaid kon singgai indoyowa nopuḷú bo opat, buḷan inggonomnea kon taong nogindua kon pinomarentaan i Datu Darius.

HAGAI 2:18

Kon singgai tanaa, singgai indoyowa nopuḷú bo opat buḷan in siownea, dodatoḷan in Baḷoi-Ku noḷapatdon pinoḻitú! Taridiai onu in mobaḻí pangkoion kon tanaa mako.

HAGAI 2:20

Kon singgai doman tatuata, kon singgai indoyowa nopuḷú bo opat kon buḷan in siownea, ki Tuhan in nobogoi in koyow induanea kon i Hagai,

ZAKHARIA 1:1

Kon buḷan noginwaḷu kon taong nogindua kon pinomarentaan i Datu Darius kon Persia, ki Tuhan in nopotaau in koyow tanaa kon inakó, ki Nabi Zakharia ki adí i Berekhya bo ki ompu i Ido.