HABAKUK 3:8 - Alkitab Singog In Mongondow Masa In Tanaa

⁸ O Tuhan, popisí degá in dagat bo sinumorú in Iko? Ongkag mita degá in nokopopisí kon ini-Mu sinumorú? Sinakoian-Mu in goḷom naonda bo kabaḷo bo kereta in parang, kon dodai in umat-Mu pinountung-Mu.

HABAKUK 3:8 ပူးပေါင်းရင်းမြစ်များ

MAZMUR 104:3

bo noposindog in Baḷoi-Mu kon tudu in tubig kon ḷangit. Goḷom mita binaḻí-Mu kereta-Mu, Iko in sinumakoi kon koḻikip in tompot.

MAZMUR 114:3

Dagat in Gelagah nokoontong kon i-Nia bo noḷagui, Ongkag in Yordan nogogai in noiḻig.

MAZMUR 114:5

Nongonu degá, ei dagat, nodapot in iko in noḷaguibí, bo Ongkag in Yordan nogogai noiḻig?

MAZMUR 18:10

Ḷangit binotak-Nea, bo noponag in Sia bo goḷom mosindip in kon ḻimonag in sioḷ-Nea.

MAZMUR 45:4

Pogabitdon in kedangmu kon ogotan, ei datu inta motorindog, iko in totok in momulia bo motaingkat!

MAZMUR 68:17

Nongonu sin nongkon tudumu inta mobayong nion iko in mobobuibí takin intoi kon Buḷud in Sion inta piniḻí i Allah pogutunan-Nea? Ki Tuhan in mogutunbí kon tua modapot in mononoi.

MAZMUR 68:4

Táe intau motoḷutui in mopia takin moḷunganga in gina, mosia in moronggiow pia in gina kon tayowon i Allah.

MAZMUR 77:16

Pinongin ropot-Mu pinoḷuat-Mu in umat-Mu, buí i Yakub bo i Yusup.

IḶUAIAN 14:16

Sintak in tungkudmu bo potundú kon dagat. Dá tubig in mosilai doyowa bo intau Israel motaau maya-mayá kon yuaknea inta ain noingkag.

IḶUAIAN 7:19

Ki Tuhan noguman kon i Musa, “Potabádon in ki Harun mogamá kon tungkudnea bo potonggó kon bayongan tubig in Mesir, kon got mita bo kon tabang mita inta kon butá in Mesir. Tubignea in mobaḻídon dugú, bo kon bayongan butá tatua in komintandon oyúon dugú, nodapot in tubig mita kon bonu in pononionan mita kon tubig inta pinomia nongkon kayu bo tampayang mita inta nongkon batu.”

IḶUAIAN 7:20

Ki Musa bo ki Harun nogaid kon onu inta pinoki aid i Tuhan. Kon tayowon i datu bo pogawainea mita, ki Harun notonggó kon tungkudnea bodongka pinomobak kon tubig in Ongkag Nil, dá tubig in ongkag tatua nobaḷui nobaḻí dugú

YESAYA 19:1

Naa in koyow kon Mesir. Ki Tuhan in namangoi in Mesir sinumakoi kon goḷom inta moḻikat. Berhala mita in Mesir gumugur kon tayowon-Nea bo intau mita in Mesir yimintok in gina.

YESAYA 50:2

Nongonu sin nongkon umat-Ku diábí tobatúmai in intau in notubag, kon tungkuḷ in Akuoi namangoi nogoiní kon i monia? Degá mosia in tongá kibio-biómai sin kai monia kamai Akuoi in diá mokopoḷuat bo moposaḷamat kon i monia? Totuubí, podudui in parenta-Ku dagat nobaḻí noingkag, ongkag mita binaḻí-Ku padang gurun, nodapot in toyá mita minatoi bo nobódon in ḷandig.

YESAYA 66:15

Totuu, ki Tuhan in mamangoibí takin tuḷú; Sia in tumakoibí kon kereta-Nea ná deḷang, sin mopobayá in torú-Nea, bo mongguak moropot.

NAHUM 1:4

Sia in nongguak kon dagat bo nobaḻí nogiot, bayongan in ongkag iningkagan-Nea komintan. Buḷud in Karmel bo rawang mita kon Basan nobaḻídon noḷogat bo kon Libanon noḷaḷowdon in bayongan bungang.

HABAKUK 3:15

Takin kabaḷo-Mu iritakan-Mu in baḷangon bo dagat inta nobudó in nonomburá.

MARKUS 4:39

Dá nobangondon in ki Yesus bo nongguak kon tompot tatua poḷat noguman kon danow tatua, “Kibio-biómaidon, kooyongdon!” Dá tompot nogogaidon, bo danow noḷonongdon totok.

WAHYU 16:12

Onda intua malaekat inggonomnea in nopobutak doman bonu in palonea kon Ongkag Eprat inta moḷoben tatua. Dá ongkag tatua in noingkagdon sahingga datu mita nongkon timur mayádon mongintua.

WAHYU 19:11

Noiduduimai kon tua inontongku in soroga nobukat, bo inontongku oyúon in tobatú kabaḷo nobudó. Ki inta sinumakoi kon kabaḷo tatua, tangoinea ki Mosatia bo ki Mobanar. Sia in moadilbí in monantú kon hukuman bo kon parang.

WAHYU 19:14

Bayongan tontara in soroga dinumudui kon i-Nia; mosia in sinumakoi kon kabaḷo mita nobudó, bo nomaké in ḷambung moaḷus inta totok in nobudó.

WAHYU 6:2

Dá akuoi in nokoontong kon tobatú kabaḷo nobudó. Intau inta sinumakoi kon kabaḷo tatua in nokadai kon piot, bo sia inogoian doman in tobatú mahkota. Sia minayá in muna saḷaku inta nountung inta minayá notayak kon bá mountung.