HABAKUK 3:3 - Alkitab Singog In Mongondow Masa In Tanaa

³ Iko in ki Allah Inta Totok in motusi namangoi nongkon Téman, Iko in namangoi nongkon buḷud in Paran. Ḷangit kinokoḷoban in koagung-Mu; butá nopuḻing in dodayow kon ini-Mu.

HABAKUK 3:3 ပူးပေါင်းရင်းမြစ်များ

KINOBAḺIAN 21:21

Sia in pinopobuḷoi i inánea takin bobay in Mesir.

DATU MITA IMITÁNEA 11:18

Mosia in nobuat nongkon Midian, bo minayá kon Paran. Kon tua tongonumai in intau ibanea dinumugang kon i monia, bo noyotakin minayá in Mesir nokipodungkuḷ kon i datu in Mesir. Ki datu tatua nobogoi kon i Hadad in baḷoi bo butá sin pogutunannea bo jaminan in kobiagan.

MAZMUR 113:4

Ki Tuhan in nongawasa kon bayongan in bangusa, koḷoḷantud-Nea noiḻimonik kon ḷangit.

MAZMUR 148:13

Biódon mako in mosia komintan modayow kon tangoi Tuhan, sin tangoi-Nea in moḷantu-ḷantud nongkon bayongan in tangoi; koḷoḷantud-Nea in nonigad kon ḷangit bo butá.

MAZMUR 3:2

O Tuhan, totuu mobarong in musungku, totuu mobarong in monubu kon inakó!

MAZMUR 3:4

Táe Iko, o Tuhan, in kaḻeaw inta mogoḻingoi kon inakó. Pinopountung-Mu in akuoi, bo iniyotonan-Mu in ginaku.

MAZMUR 4:4

Pokotaaudon, ki Tuhan ain nomiḻí kon i-Nia tontaní tobatú intau inta kinotabi-Nea. Ki Tuhan in mokidongogbí aka mokuani in akuoi kon i-Nia.

MAZMUR 48:10

Kon bonu in Baḷoi-Mu kami in monano-nanob kon tabi-Mu, o Allah.

MAZMUR 68:17

Nongonu sin nongkon tudumu inta mobayong nion iko in mobobuibí takin intoi kon Buḷud in Sion inta piniḻí i Allah pogutunan-Nea? Ki Tuhan in mogutunbí kon tua modapot in mononoi.

MAZMUR 9:16

Bangusa mita inta diá nonotaau kon ini-Mu notopak kon bubú inta kinaḻi monia tontaní; mosia in noibaaḷ kon pukot monia tontaní.

MAZMUR 9:20

Sindogdon, o Tuhan, sisigaidon in bangusa mita, dika pomayá mako in intau ḷumoḷatú.

IḶUAIAN 20:18

Naonda in intau mita nokodongog kon gotup bo singog in torompet, bo nokoontong kon kilat bo buḷud inta nopuḻing poyok, mosia urot mako sin moondok bo sinimindogdon iyumayú.

YESAYA 31:1

Moboditodon in intau inta mayá in Mesir sin mokituḷung! Mosia in mopongatabí in ropot in tontara in Mesir inta tumakoi kon kabaḷo bo kabaḷonea inta mongoropot bo keretanea inta mobayong. Táe mosia in diábí mopirisaya kon i Tuhan, Allah mokudus in Israel bo diá mokituḷung kon i-Nia.

YESAYA 6:3

Mosia in nosigumanan tobatú bo tobatú: “Kudus, kudus, kudus. Mokudusdon in ki Tuhan Inta Totok in mokawasa. Butá nopuḻing in kinoangoian-Nea inta momulia.”

YESAYA 64:3

Nokoimontandon in Iko nopoontong in oaid-Mu inta motoyang, inta diábí sinangkamai nami. Iko in noponag, bo kon tayowon-Mu buḷud mita modandú.

YEREMIA 49:7

Naa in pinoguman i Tuhan Inta Totok in mokawasa soaḷ Edom, “Eta degá intau in Edom diá motaau morai mokopobijaksana? Eta mononongginanea diádon degá nononggina kon i monia? Noinggamádon degá in kobobijaksana monia!

YEHEZKIEL 43:2

bo kon tuata inontongku in nongkon dotá in pomukaan sindar mopouḻi-uḻinag inta nobaḻí tomponuot kon kinoangoian i Allah in Israel. Singog i Allah in kodongogan naonda bo singog in tubig kon dagat, bo dunia in moporia-riang popisí in sindar kinoangoian i Allah.

AMOS 1:12

Tuamai in potabá-Kubí mangoi in tuḷú kon kotá in Téman, bo momokak kon bayongan in benteng mita in Bozra.”

OBAJA 1:9

Pojuang mita nongkon Téman angoianbí in ondok, bo bayongan in tontara in Edom in matoi.”

HABAKUK 2:14

Táe naonda bo dagat inta nopuḻing in tubig, yo natua doman in butá in mopuḻingbí in sinotaau soaḷ ki Tuhan bo kawasa-Nea.

PINOGIAPAN 10:12

Bo intau Israel moyo-moyodudui in mayá monaḷámai kon padang gurun Sinai, bo goḷom tatua nogogai kon dodai in mosia modapotdon kon padang gurun Paran.

ULANGAN 33:2

“Ki Tuhan namangoi nongkon Buḷud in Sinai; Sia nomuká kon tudu in Edom naonda bo mata in singgai bo nongkon Buḷud in Paran sia nonimbayag kon umat-Nea. Sia sinakinan in mopuḷú noribu in malaekat; tuḷú nodokot kon dotá in koḷanan-Nea.

ULANGAN 5:24

Mosia noguman, ‘Ki Tuhan, Allah naton, ain nopoontong kon i naton in kamuliaan bo kawasa-Nea, bo singog-Nea aindon dinongog naton nongkon yuak in tuḷú. Singgai naa aindon inontong nami, ki Tuhan ain nongonguman takin intau bo intau tatua in umuranpa nobiag.

SAMUEL 1 25:1

Diá noonggot kon tua minatoi in ki Samuel. Bayongan intau in Israel noyosipun sin tumakin kon upacara pinonogumatoian. Onda intua iḷobongdon in sia kon baḷoinea kon Rama. Nopaḷut mako kon tua ki Daud minayá in padang gurun Paran.