HABAKUK 2:8 - Alkitab Singog In Mongondow Masa In Tanaa

⁸ Iko in nogagowdon kon nobayong in bangusa, táe bangusa mita inta nokoḷagui in mogagowbí bui kon inimu, popisí in pinoḻimodan inta ain inaidanmu, bo popisí in koḷoḻingámu kon ḻipú mita, bo kon kotá mita takin intaunea mita kon tua.

HABAKUK 2:8 ပူးပေါင်းရင်းမြစ်များ

MAZMUR 137:8

Ei Babel, iko in yopúonbí! Pia in kamang in intau inta motuḻí kon inimu aid moraat inta pinopoaidmu kon inami.

AMSAL 22:23

Sin, ki Tuhan in moduḷubí kon pelekara monia bo morabut kon nyawa in intau inta mondorot kon i monia.

YESAYA 33:1

Moboditodon in musung mita naton! Mosia in mogagow umpaka diá pinogagowan, bo nomaḻidawan umpaka diá Pinomaḻidawan. Táe naonda in mopaḷut mako mogagow bo momaḻidawan, mosia tontaní in mobaḻí bidon kuruban in pogagowan bo Pinomaḻidawan.

YESAYA 33:4

Naonda bo paanan in pangkoḷá intau monubu bo mogagow kon kaoyúonan monia.

YESAYA 47:6

Koḻipod in Akuoi in sinumorú kon umat-Ku, mosia in inanggap-Kudon deeman Akuoi in kitogi. Mosia in inogoi-Kudon kon inimu, bo iko in diábí notabi kon i monia, nodapot inta nongogoguyangdon totok in dinorotmu takin diá in tabi.

YEREMIA 27:7

Bayongan in bangusa in mobaḻíbí atanea, kon i adínea ḷoḷaki, bo kon i ompunea modapot in moiangoi in wakutunea negaranea tontaní moḷabú. Kon dodai intua bangusa in Babel in mobaḻí ata in bangusa mita inta moropot bo kon datu mita inta moḷoben.

YEREMIA 30:16

Táe tanaa bayongan inta noḻiom kon inimu in ḻiomonbí, bo bayongan in musungmu akutonbí kon poḷumbúan. Akuoi in mondorotbí kon inta nondorot kon inimu, Akuoi in mogagowbí kon inta nogagow kon inimu.

YEREMIA 50:14

Ei moiko momomiot mita! Tompiadon in pipidanmu sin mongopung bo monubu kon Babel. Popotanádon in bayongan piotmu kon Babel, sin sia in binaradosadon kon i-Nakó.

YEREMIA 50:28

Intau mita inta noḷagui minayá in Yerusalem nongkon Babel nongonguman kon naonda in ki Tuhan Allah naton notuḻí kon pinogogaid in intau in Babel kon Baḷoi Tuhan.)

YEREMIA 50:37

Rimumud in kabaḷo takin kereta in parangnea! Moyopúdon in tontara mita inta sinondanannea! Totok bidon in moyangkó in mosia! Payong komintan in bayongan in kaoyúonan in Babel! Agow in kapunyaannea!

YEREMIA 51:13

Butá tatua in nooyúon totok bo nobarong in ongkagnea, táe wakutu in kobiagannea in nodaitdon; imbuit in kobiagannea noidapotdon.

YEREMIA 51:24

Ki Tuhan in noguman, “Indoiaidon tontaní naonda in Akuoi in tanaa motuḻí kon Babel bo intaunea bayongan in aid moraat inta inaidan monia kon Yerusalem.

YEREMIA 51:44

Bel, dewa in butá in Babel, in hukumon-Kubí. Baḻíon-Ku in sia mopobui kon onu inta ain inagownea. Bangusa mita in diá bidon mosumba kon inia. Dinding mita in Babel in norumbundon.

YEREMIA 51:48

Bayongan inta kon ḷangit bo kon butá in morogiowbí pia in gina aka Babel moiḷabú kon bonu in kawasa in bangusa nongkon utuan inta mamangoi sin morimumud kon inia.

YEREMIA 51:8

Táe daḻídon noḷabú in Babel bo noḷosi. Ombaḷaidon in sia, bo potayakaidon kon undam pongundam kon kekebnea mita, dika-dika bo mopiapabí in sia.

YEHEZKIEL 28:16

Iko in mosibuk in modagang, bo tuata in nodia kon inimu pamandot bo nogaid kon dosa. Dá pinoguntun-Ku in iko nongkon buḷud-Ku inta motusi, bo malaekat moḷoḷukadmu nogampoi kon inimu nongkon yua-yuak in permata inta mopouḻi-uḻinag tua.

YEHEZKIEL 39:10

Dá diá bidon in mosia paraḷu motayak kon kayu pondungú kon gobá andeka momupuḷpa kon kayu kon kayuon, sin pakakat mita in parang inta sinaḷáan tua in tugatbí pakéon pondungú. Mosia in mogagowbí poḷat modia kon kapunyaan in intau inta ain nogagow bo nodia kon kapunyaan monia. Akuoi, ki Tuhan Inta Totok in moḷantud ain nosingog.”

AMOS 3:10

Ki Tuhan in noguman, “Intau mita tatua nomonu kon komaḻig monia in pakakat mita inta inagow takin aid moḻingá. Nodapot in mosia totokbí in diá mojujur.

OBAJA 1:15

“Totuu, nodiug bidon in singgainea, Akuoi, ki Tuhan, monisig kon bangusa mita. Onu in pinomia in Edom tuḻíanbí kon inia. Sia in mokonanambí doman kon onu inta ain inaidannea.

HABAKUK 2:10

Táe tomayámu tatua in tongábí mokopooyámai kon motoḷuadímu. Takin mogagow kon mobayong in bangusa, iko in moporugibímai kon inimu tontaní.

HABAKUK 2:17

Iko in monaḷun kon kayu mita kon kayuon in Libanon, bo tanaa in ikodon tontaní in pupuḷon. Iko in noḻimod kon bobiagonnea mita, bo tanaa in bobiagon mita tatua in mokoondokdon kon inimu. Tua komintan in mobaḻí popisí in pinoḻimodan bo koḷoḻingá inta ain inaidanmu kon ḻipú mita, kon kotá mita bo kon intaunea mita.

ZAKHARIA 1:15

Táe Akuoi in sinumorúdon totok kon bangusa mita inta nokorasa kon moodom bo motompia. Sin kon dodai in pinondam-Ku in torú-Ku kon umat-Ku, yo bangusa mita tatua in nodugang kon roriga in umat-Ku.

ZAKHARIA 14:12

Ki Tuhan in mopoangoibí in panyaki inta mokokoningkim kon bayongan in bangusa inta ain noparang nonayow kon Yerusalem. Mata bo dilá monia, nodapot in bayongan in awak monia in mobongkogdon kobia-biagpabí mako.

WAHYU 6:10

Mosia in nomaḷú noropot in noguman, “O Tuhan inta totok in Mokawasa, inta mokudus bo inta mobanar! Naondapa degá in koonggotnea bo adilon-Mu in intau mita kon dunia naa, bo hukumon-Mu in mosia inta noḻimod kon inami?”