HABAKUK 2:5 - Alkitab Singog In Mongondow Masa In Tanaa

⁵ Kaoyúonan tatua in umuranbí mongakaḷ kon intau. Intau inta motamaa tatua in moḷoḷatú bo mogagawang. Naonda bo popatoi, sia in diábí doman kon dodai in onda in moorop; bayongan in bangusa tokorambitonnea.

HABAKUK 2:5 ပူးပေါင်းရင်းမြစ်များ

DATU MITA 2 14:10

Iko, Amazia, in mododiadon, popisí in iko nokotaḷowdon kon intau in Edom. Yo, degá diápa tugat in kinountunganmu tatua? Mopia-piabí kon pogutundon in iko kon baḷoi! Onubí in mangaḻenea motayak kon masala inta tongá mokopopisí kon koboditoanmu takin rayatmu?”

MAZMUR 138:6

Iko in totokbí in momulia, táe inta noempeng in inindoian-Mubí doman; intau moḷoḷatú in diábí mokopogadop kon ini-Mu.

AMSAL 20:1

Oinumon mokoḷoḷangu mokopopisí kon intau mobaḻí ná diá dinidik bo modowawá. Bodokdon in intau inta monginum dapot in moḷoḷangu.

AMSAL 21:24

Intau moḷoḷatú bo mosiḷantud in moibogbí moningkuḻe bo diá koendar.

AMSAL 27:20

Kon dunia in intau minatoi, umuranbí oyúon in tampat; natua doman in ibog in intau diábí in ayownea.

MOHOHUTUBA 5:10

Kodugang-kodugang in kaoyúonan in intau dá kodugang-kodugang doman in intau ibanea in musti pokaanonnea. Diábí in kauntungan kon i toginea, tongábí kinotaauannea kon sia in nooyúon.

YESAYA 14:6

inta pinongin torú nondorot kon bangusa mita bo umuran momongkug kon i monia.

YESAYA 16:6

Bangusa in Yohuda in moguman, “Kami in nokodongogdon kon naonda in koḷoḷatú in bangusa in Moab. Kinotaauan nami kon mosia in mododia bo moḷoḷatú. Singog monia in tongábí ambungangaḷ inta diá in bonunea.”

YESAYA 2:17

Intau moḷoḷatú in poompáan, bo intau mododia in potungkudon. Tongá ki Tuhan tontaní in poḷantudon.

YESAYA 21:5

Inontongku doman in pinongaanan bobutungan inta ain sinadia; ḷoḻitúan in intau mita inta sinoko oiní ain sinadia. Mosia in nongaan bo nonginum. Bo daḻídon kinodongogan in parenta: “Ei porwira mita! Sadia in kaḻeawmu!”

YESAYA 5:14

Dunia in intau minatoi nobukádon noḷoben sin moḻiom kon intau mita inta noiuna kon Yerusalem takin rayat inta nononbobutungan noyotakin.

YESAYA 5:8

Moboditodon in moiko inta motaḷui kon baḷoi mita bo kinotuo-tuotnea kon gobá mita sin podugang kon kapunyaanmu! Diádon moonggot modaitdon in tampat kon intau ibanea bo tongádon moiko in mogutun kon butá tatua.

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEREMIA 50:29

Ki Tuhan in noguman, “Potabádon in momomiot monubu kon Babel. Pokipiotaidon in intau mita inta mongotaná momiot. Kopungdon in kotá tatua bo dikadon pomayá mako in intau tobatúmai in mokoḷagui. Tuḻíaidon in bayongan oaidnea bo popoaidon kon inia podudui in aidnea, sin sia in nopoaidon in inta mokotor kon i-Nakó, Inta Totok in motusi, Allah in Israel.

YEREMIA 51:39

Bo ibog monia mokaan in moḷobendon totok, Akuoi in mosadiabí kon pongaanan monia, bo poḷoḷanguon-Ku in mosia bo mopusing moidapot in moḷoḷot bo diádon mopobango-bangon bui.

HABAKUK 1:15

Bangusa in Babel nodomok kon intau mita mopomaké in kail, naonda bo mosia tua in toyá. Intau mita tatua in inugut kon bonu in ḷaḷa mita bo intau in Babel mopia in gina monia kon onu inta nouḻí monia.

HABAKUK 1:17

Dá umpaka yo mosia in umuranbí mopotaan mako in kedangnea bo moḻimod kon bangusa mita, takin diábí in ampung?

HABAKUK 2:4

Bo pokoingatdon: Intau inta moraat in diábí mosaḷamat, táe intau inta mogaid kon onu in kinoibog i Allah in mobiagbí popisí in kotoinduduinea kon i Allah.”

TESALONIKA 1 4:11

Poramuji bá tantú moonow in gina bo dika umuran kumapog kon urusan in intau ibanea. Maníka bo potayak kon kobiagan monimu tontaní, ná inta ain pinoguman nami koḻipod kon i monimu.

YAKOBUS 4:6

Umpaka natua, totabi Allah inta inogoi kon i naton moropo-ropot nongkon ibog in roho naton tatua. Tuamai kon bonu in Buk motusi in pinais doman, “Ḷawangonbí i Allah in intau inta mokaḷakuang, táe Sia in motabibí kon intau inta moompá in dodia.”