HABAKUK 2:16 - Alkitab Singog In Mongondow Masa In Tanaa

¹⁶ Yo tanaa in noiyaputdon in wakutumu pokopooyáanmai, bo deemanbí horomaton. Kahoromatanmu in mobaḷui mobaḻí kohohina. Ki Tuhan in momakisa kon inimu monginum nongkon palo inta bonunea in hukuman kon inimu. Iko in monginumbí bo moipape magí mako.

HABAKUK 2:16 ပူးပေါင်းရင်းမြစ်များ

MAZMUR 75:8

Táe ki Allahbí tontaní in mohakim, Sia in mopoompá kon tobatú bo mopoḷantud kon ibanea.

AMSAL 3:35

Intau inta mobijaksana i modugangbí mobondu in tangoinea, táe intau nobodok in umuranbí singkuḻeon.

YESAYA 20:4

Datu in Asyur in modakopbí kon intau mita nongkon ḻipú doyowa tatua bo mosia in diaanbí sipilang. Noguyang noguod, komintanbí mayá takin diá koḷambung bo aip in sioḷ bo imbuḻínea in koontongan, nobaḻí singkuḻe kon Mesir.

YESAYA 47:3

Intau in mokoontongbí kon inimu momilang, singkuḻeon bo pokopooyáanmai Akuoi in totuubí kon motuḻí kon oaidmu, bo diábí in tobatúmai in taḻiban-Ku.”

YESAYA 49:26

Baḻíon-Kubí in musungmu moḷoḷangu in dugú, dá mosia in mosiḻimodandon. Dá bayongan in intau in monotaaudon, kon Akuoi, ki Tuhan, Mopoposaḷamatmu; Inta Totok in moropot, ki Allah i Yakub, in Mototobutmu.”

YEREMIA 25:15

Ki Tuhan, Allah in Israel, noguman kon inakó, “Gamádon in galas in anggur tanaa inta ain binonuan-Ku in anggur in torú-Ku. Diadon kon bayongan in bangusa kon onda in popotabáan-Ku kon inimu, bo pokiponginumaidon in mosia in anggur tanaa.

YEREMIA 25:17

Dá inabatanku in galas in anggur tatua nongkon ḻima i Tuhan, bo minayá kon bayongan in bangusa inta pinopotabáan i Tuhan kon inakó, bo pinoki inumanku in mosia in anggur tatua.

YEREMIA 51:57

Akuoi in mopoḷoḷangubí kon pojabat in pomarenta in Babel--intau mita mongopandoi, itoi bo tontara. Mosia in diá bidon mopobango-bangon bui, moḷoḷot modapot in mononoi. Akuoi in nosingogdon; Akuoibí in datu, Akuoi in Tuhan Inta Totok in mokawasa.

YEREMIA 51:7

Babel inta koina in naonda bo galas buḷawan inta kinadaian-Ku bo nokopopisí kon bayongan inta kon dunia noḷoḷangu. Bangusa mita in nonginum kon anggur nongkon galas tatua, dá mosia in nobaḻídon nobundai.

OMBAḶ 4:21

Ei bangusa in Edom bo Us, kosingdon mako, koḷungangadon, kon dodai in motaaupa! Bodito in moiangoibí doman kon inimu bo popisí in moḷoḷangu dá iko in momilangbí doman kon awakmu.

YEHEZKIEL 23:33

Palo i guya-guyangmu Samaria, binonuan in ondok bo korimumudan. Naonda in inumonmu in bayongan in bonunea moḷoḷangu in iko bo mororiga. Bo bonsig mita in palo tatua pakéonmu pomerak kon dodobmu. Akuoi ki Tuhan Inta Totok in moḷantud ain nosingog.”

HOSEA 4:7

Kodugang-kodugang in moiko, kodugang-kodugang doman in dosa monimu kon i-Nakó, ei imang mita! Tuamai in kaadaan monimu in baḷuian-Ku: Moiko in diá bidon horomaton, táe singkuḻeon bidon.

HOSEA 7:5

Kon singgai bobutungan i datu, pinoinum monia in anggur in ki datu bo pojabatnea mita nodapot in noḷoḷangu bo nogaid kon inta nopompuḷong. Imbuitnea ki datu in noposanang in gina takin momomaḻidawan mita tatua.

HABAKUK 2:10

Táe tomayámu tatua in tongábí mokopooyámai kon motoḷuadímu. Takin mogagow kon mobayong in bangusa, iko in moporugibímai kon inimu tontaní.

HABAKUK 2:15

Kinutukdon in iko! Iko in moningkuḻe bo nokopooyámai kon topodiugmumai mita; binaḻímu in mosia moipape magí-mako naonda bo intau noḷoḷangu.

PILIPI 3:19

Intau mita natua in moputúbí, sin tuhan monia in sianbí monia, bo aid monia inta moromú tua duíonbí monia; sin tongábí bonu in dunia naa in umuran raion monia.

WAHYU 18:6

Tuḻíaidon kon inia naonda in pinogogaidnea kon i monimu; tuḻíaidon kodoyowa noguntuḷ kon inia in bayongan inta ain inaidannea. Bonuaidon palonea in oinumon inta kodua noguntuḷ in koboilnea nongkon oinumon inta ain sinadianea kon i monimu.